كل عام

كل عام وأنتم العيد ، متواضعة أتمنى أن تقبلوها رغم تأخيرها

،
،

كل عام وأنت العيد يا فرحة العيد=وكل عام وآنا يا حبيبي حبيبك!
وكل عام وأنت تزيد حبّك ، وأنا ازيد=حبي ، وأودي ما سواك ، وأجيبك!
وكل عام وأنت تسيل فرح وتغاريد=وقلبي يا همّال السعادة ، شعيبك!!
وكل عام وأنت تحل بإطلالتك قيد=كبتي ، وتآخذني معاك لرحيبك!
وكل عام وأنت تمد لإغفايتي إيد=صحوك ، وتغمرني بنبلك وطيبك!
وكل عام أبشّر خافقي بالمواعيد=اللي يغذيها حلاك ورطيبك!
وكل عام نبضاتي جموع ومفاريد=تآقف على باب الغلا تحتفي بك!
وكل عام أنا أول طامعٍ فالتناهيد=منّك ، وبلسم ما جرحك ، وعطيبك!!
وكل عام أنا ويّاك غيث وجراهيد=أستقبلك ، وتضيع بي ، وأرتوي بك!
وكل عام نجرح هيبة الحزن بالعيد=وتبقى حبيبي ، وآنا أبقى حبيبك!!

.
.

محمد السبيعي


اول شئ كل عام وأنت بالف خير
ومن العائدين
ثاني شئ وين الغيبة تراك طولتها

ثالث شئ
يسعدني اني اكون أول وحده ترد على قصيدتك الرائعة

وأخيرا
منور المنتدي بطلتك وروحك الحلوووووووووووه

حياك الله محمد

النبض الحزين

هلا وغلا
كل عام وإنتي بصحة وسلامة
ومن العايدين الفايزين ان شاء الله

يشرفني ويسعدني تواجد معرفك في قمة متصفحي المتواضع
والغياب له عدة ظروف آخرها السفر وأولها الدوام ومواعيده المضروبة!

شاكر لك مرورك وردك

تحيّتي

الغااااالي محمد


صح لسانك وسلم بنانك

كعادتك مبدع ...متجدد ...متألق

كان لي شرف سماع هذه الرائعه

التي بخل علي الشعر بمثلها

وأين الشعر ؟؟؟

لك مني اخي الحبيب

كل الحب

بعدين لا تقفل جوالك

بدي ايااااك بموضوووع

	وكل عام نجرح هيبة الحزن بالعيـد وتبقى حبيبي ، وآنا أبقى حبيبـك!!

رااااااااااااااااااااااااااااااااااااااااااااااااا ااااااائـــعه يامحمد ..

اسمح لي با الاحتفاظ بها ...

صح لساانك ياخوي ولاهان شااانك ..

وربي يجعل كل ايااامك عيد في عيد ..

وربي يسعدك

كل عام وانت عيد الشعر يامحمد

صح لسانك حتى عنان السماء

تحياتي لك يا سمي

كل عام وانت بخير و صحه .. محمد ..

صح لسانك

و تسلم يمناك
.
.
.

استاذي القدير حسن المحمدي

مرورك وردك يعنيان لي الشيء الكثير
أشكرك جزيل الشكر وأتمنى أن تعذرني على تقصيري

تحيّتي ومحبتي

الدلع شرقاوي

هلا ومرحبا
أسعدني مرورك وتشرفت بردك
ولي الشرف لإجتفاظك بمتواضعتي
حلالك بدون تستأذنين

تحيّتي

محمد الفارس

هلا وغلا
حيّ هالطلة وحيّ هالمرور
عسى كل أوقاتك عيد
صح بدنك ولا هنت

تحيّتي