حلّ الهـــجر ..!!

[color=#B7D8FB]

نحب ونحب ونحب ونحب ونحب

ولكن لانجد من يقدّر هذا الحب؟؟!!

في لحظة بوووحٍ غاضبه صادقه خرجت هذه المتواضعه ،، فأقبلووووها

..[/color]

جمّد غرام القلب وقلّل دعاويك=وأقصر خطا رجلك حذاري تجيني
أبشتري رااحة خفووقي وأبمحيك=من عالمي حتى لو إنّك تبيني
وإذا سألت شلوون بقدر أخليك=بقووول إسمع مايلي ياظنيني
قد قلت لك إني أحبّك ومغليك=وإن الحشا بيتك وقدرك بعيني
وإنك ليا من غبت عنّي أحاتيك=وأنطر تردّ الوصل بينك وبيني
وليا رجعت بهمّ وقتك أواسيك=وأعين لك وأنا بحاجة عويني
تخطي وحبك في خفووقي يزكّيك=وتبعد وشوقي في عيوني يبيني
وتزعل بليّا أسباب وأرجع وأراضيك=ماهي مذله .. بس ماهو بايديني
شيٍ بقلبي يجبره مايجافيك=لو إن قلبك بالجفا منتويني
أسرجت لك خيل المشاعر بأياديك=وأطلقت لك شووق الخفووق السجيني
وأشعلت أصابع راحتيني تضوّيك=في ظلمة الليل العبووس الحزيني
أعميتني عن شوف زينٍ يحاليك=طبع الهوى يعمي عيون الخديني
واسرفت في جرحي وقلبي يداريك=يقول بكره كل قاسي يليني
ياما نصحتك لاتزيد بتماديك=لاتجحد النعمه .. وترخص حنيني
لكنّك أعوج مايفيد العدل فيك=تعبت أعدّل ماأعوجته السنيني
واليوم حلّ الهجر والله يجازيك=على الذي يازين سويت فيني
سمّه عتب .. سمّه غضب .. حتى يمديك=إنّك تسميه الغدر ياظنيني
أهمّ حاجه لاتكثّر دعاااويك=وإرحل لك الله وإبتعد لاتجيني

م

ح

ج

و

ز

تحياااااااااااااااتي

تخطي وحبك في خفووقي يزكّيك = وتبعد وشوقي في عيوني يبيني
وتزعل بليّا أسباب وأرجع وأراضيك = ماهي مذله .. بس ماهو بايديني
شيٍ بقلبي يجبره مايجافيك = لو إن قلبك بالجفا منتويني
أسرجت لك خيل المشاعر بأياديك = وأطلقت لك شووق الخفووق السجيني
وأشعلت أصابع راحتيني تضوّيك = في ظلمة الليل العبووس الحزيني
أعميتني عن شوف زينٍ يحاليك = طبع الهوى يعمي عيون الخديني

بسم الله الرحمن الرحيم
السلام عليكم ورحمة الله وبركاته
الأخ الغالي ( محمد السبيعي )
هلا والله وغلا ومرحبا فيك تراحيب المطر والسيل
الحمد لله على السلامه وعسى ما شر يالسبيعي وين الغيبات

هذا هو شاعرنا الرااائع محمد السبيعي يغيب عنا ويتكرر السؤال عنه ونضع علامات إستفهام حول الغياب
وبين لحظة وأخرى يعود لنا وبمصالحه وأعتذار ولا أروع من ذلك حتى تعودنا وأشتقنا لجمال وعذوبة قصائد
السبيعي .
رااائعه ليست بالغريبه على أخوي محمد ولكن بها نوع من التميز والشموليه .
كما ذكر هي إطلالة بووووح صادقة يسكنها شيء من الغضب المؤلم بين أحرفها معاني فيها عتب وأستغراب لحالة العاشق
الذي يبني ويتأمل المستقبل ليجد نفسه وحيداً دون معشوقته ولذلك :-
أتحفنا شعرنا بهذه الراقيه بإبداعاته المعهوده.
صح لسانك يالسبيعي وبيض الله وجهك
لاهنت ولاعدمناك ولاعدمنا جمال ورقي قصائدك
تقبل مني خالص التحية والتقدير؛؛؛؛

بسم الله الرحمن الرحيم
السلام عليكم ورحمة الله وبركاته
مخاوي الابداع
محمد السبيعي
ماشاء الله
قصيدة في قمة الرووووعه والجمال
لله درك
صح لسانك وسلمت أناملك
ولاعدمنا تواجدك الطيب
شكرا لك
.

السبيعي محمد

نجم لامع في سماء الابداع

يزيد توهجك يوما بعد يوم

صح لسانك

وتسلم يمناك

الاخ محمد السبيعي


صح لسانك

ابيات قمه في الروعه

و معاني جميله

في انتظار رائعه جديده


تحيااااااااااااتي

السلام عليكم ورحمة الله وبركاته

المبدع محمد السبيعي

صح لسانك

وجمل الله حالك وفالك

تميز ليس غريب عليك

دمت بصحة وسلامة