الله يديم الحــب..!!

مساءكم ورد أحبتي

بعد انتهاء فترة إختبا(صـ/ر)اتي أضع بين أيديكم هذه المتواضعه،،

وكلي أمل أن ترقى إلى مستوى أذواقكم ..

توّه قبل ساعه وصلني سلامه=عبر الموبايل .. ينشد شلون الأحوال؟
همسه نغم .. وليا تكلمّ كلامه:=يطرب تقول إنه يغنّيه موّال!
وليا ضحك .. ماكنّه إلا حمامه=وقت الفجر..بين النخل..بأسفل الجال
غروٍ ليا سلم عليّ بإبتسامه=قامت خيول الحب في القلب تجتال!
ماحي عذاب القلب..ومجلي عسامه=أغلى الأماني..شوفته رايق البال
حبه شرف..وإكمال عزّ وشهامه=وقربه ترف..وإكمال أنس وفرح حال!
في القلب له منزل..ودار..وإقامه=كل أوردة قلبي ليا حلّ تختال!
إن قيل ناعم..قلت:وصّل تمامه=وإن قيل حالي..قلت:مضرب للأمثال!
وإن قيل متكبّر فما من ملامه=دامه فرق بالزين من بين الأزوال!
راجح فكر..يفرض عليّ إهتمامه=خصٍ ليا طنّش حكي كل عذّال
همّه يبيّن لي مدى إهتمامه=فيني..ولافكّر بميلات الأقوال!
أحنّ له..والقلب يلقى إنسجامه=لامن ذكرت إنّه معي طيّب الفال
ويالايمي في حبّ ظبي العدامه=إقصر ملامك..ماأشين اللوم لاطال
والله ماأنسى من ملكني غرامه=حتى لو إّنه منتويبي على هبال!
هذا حديث القلب..وهذا كلامه=والله يديم الحب في كل الأحوال

أخوي محمد


الحمد لله على السلامه وإنشاء الله ماتصير إختباصات لأن شاعر بهذا الحجم وهذا الحب لايستحق إلا النجاح .

رائعه بل أكثر من رائعه تلك الفاتنه .

الاخ الغاااالي

شاعرنا المبدع

محمد السبيعي

قصيدة شرفت بسماعها قبل مصافحتها هنا

فلله درك

ابدااااااااااااااااااااااااااااااااااااااااااااع

وفوووووووق يا مبدع

لك مني اخي الحبيب

كل الحب

بسم الله الرحمن الرحيم
والله ماأنسى من ملكني غرامه ***حتى لو إّنه منتويبي على هبال!
هههههههههههههههههههه

(لافــــــض فـــــــوك)ياأخ محمد..وسلامتك من الهبال
تصوير وتمثيل رائع
وقصيده جميله راقيه كرقي صاحبها..
شكرا لك ..
تحياتي..

السبيعي محمد

متميز دائما في القديم والجديد

صح لساااانك

وتسلم يمنااااك

السلام عليكم ورحمة الله وبركاته
أخي الغالي ( محمد السبيعي )
قصيدة راقيه كما هو رقي صاحبها وجمال فالكلمات تعودنها
من شاعرنا المميز السبيعي ووصف رااائع ومميز
سلمت يداك ويعطيك ربي آلف عافيه وصحه
لاعدمناك ولاعدمنا روائعك الجميله والرااائعه
خالص تحياتي وتقديري؛؛

السلام عليكم ورحمة الله وبركاته


مخاوي الفن والإبداع

صح لسانك

رائع ومبدع كما عهدنا

دمت سالم