واهنـي الـي مـن الحـب قلبـه مستخيـر // ما اشتعل قلبه من الحب ليـن اصبـح جمـر

يالله انـك تستـر الحـال وتـعـز الفقـيـر = يامعين الصابر اللـي علـى الشـده صبـر
يامغيـث المستغيـث ومجيـر المستجـيـر = مـن عذابـك مالنـا لا مـكـان ولا مـفـر
جعل تسقى قبور الاجـداد بالوبـل الغزيـر = وتصبح القيعان من حولهـا عشـب وزهـر
يـوم كـان النـاس للنـاس والدنيـا بخيـر = والبـدو منهاجهـم غيـر منهـاج الحضـر
ويوم كانـت شبـت النـار فالثلـث الأخيـر = والدلال الصفـر والنجـر وبيـوت الشعـر
ياوجودي وجد شيخن قضـى عمـره كسيـر = لابـرى جرحـه وكسـره جبـر ولا جبـر
كان قايد جيش والموت لامـن جـا يغيـر = ايتحـزم للثـنـادي وضـربـه فالـصـدر
لين جاته ضربة الغـدر مـن كـف الحقيـر = سـود الله وجـه راعـى الخيانـه والغـدر
وين ابلقى لي رفيقـن علـى الشـده نصيـر = لا نخيته صـار زبـده مثـل زبـد البحـر
وين ابلقى لي رفيقـن علـى الشـده نصيـر = لا نخيته صـار زبـده مثـل زبـد البحـر
لاتعـزوى سـل سيفـه وطلـوح بالجفيـر = وقال وين ؟ وقلـت لعيـون بـراق النحـر
راكب الـي كـن جنحانهـا جنحـان طيـر = كنهـا حـرن تعلـى عـن القـاع وشـهـر
اسبق من الصوت وامضى من السيف الشطير = واسبق من السمع وابعد مـن حـدود النظـر
واثقل امن طويق واخف من حـب الشعيـر = واللطف امن الورد واقسى شوي من الصخر
شوفها غير .. وركوبن على الكشنات غيـر = ولا بغيت الجـد كنـك تمشـى فـي قصـر
ليت عبـاس ال فرنـاس شاهدهـا عصيـر = كـان ماخاطـر بنفسـه وحـاول وانتـحـر
كلهـا هيبـه وعــزه وتطـمـح للأمـيـر = ماتجـي عنـد الخرافـي ولا عنـد الصقـر
لا استدارت كـن ذا الكـون كلـه يستديـر = ولا استقامت تسحر عيـون وقلـوب البشـر
ولا اعلن الكبتـن وقـال استعـدوا للمطيـر = شلعت في رمشـة العيـن وبلمـح البصـر
من ديـار العـز والطيـب والخيـر الكثيـر = انطلقنا مـن الكويـت وهبطنـا فـي قطـر
جيت من واقع محبه ومـن قلـب وضميـر = لجل عيـن اللـي غلاهـا تمكـن واستقـر
فـي شرايينـي وقلبـي وفكـري والنظيـر = كـل ماطولـت عنهـا يجـي دمـي فـقـر
واتفقنـا فالمحـبـه وتقـريـر المصـيـر = واختلفنا فـي المبـادي و وجهـات النظـر
ماهقيـت ان المحبـه تبـي دهنـات سيـر = لين قالت " ويش ابـي فيـك ياوجـه الفقـر
كان تبغيني علـى طـول يـا سالـم جخيـر = لا تعـزوى بالعـذارى وحسكـات الـوبـر
خيـلا الحرشـا بصوتـن يشيـب بالغريـر = ارس ياقلـب المعنـى و وقــف ياشـعـر
واهنـي الـي مـن الحـب قلبـه مستخيـر = ما اشتعل قلبه من الحب ليـن اصبـح جمـر
والمحبـه تشعـل القلـب نبضـات وسعيـر = كلهـا حـزن ومعانـاه واشـواق وسـهـر
والمحبه كنها الحـزن فـي وجـه الأسيـر = لاقضى صبره ودمعـه علـى خـده حـدر
والمحبه كنها الحـزن فـي وجـه الأسيـر = لاقضى صبره ودمعـه علـى خـده حـدر
والمحبـه كنهـا العلـم فـي وجـه النذيـر = لا ارتفع صوتـه ودقـت مزاميـر الخطـر
المحبه حمل والحمـل فـي ظهـر البعيـر = والبعيـر شعيـل ياامـا رغـى ولا هــدر
المحبه حمل والحمـل فـي ظهـر البعيـر = والبعيـر شعيـل ياامـا رغـى ولا هــدر
والمجـرب فـي المحبـه يسمونـه خبيـر = يستشيرونـه ويعطـي مواعـيـظ وعـبـر
وان ذكرت العلم الأول بقى العلـم الأخيـر = حالفن ممشي ورى النفس والقلـب الخضـر

/

سالم بن جخير
\

.

واهني الـي مـن الحـب قلبـه مستخيـر=ما اشتعل قلبه من الحب لين اصبـح جمـر

الأ وآآآهـــني
اللـــي من الحــــب مآآآآآآيـهـتـــمــ
يطيب الزمـآن أو يختلف شيـن مآآهمــــه

::

رآآآيق ومبدع بن جخير


من المعجبين بـ هالمودمااني>> وصليله إعجابي يافتاه

سلمــت يدآآكـ ياسديموووف

::

واهني الـي مـن الحـب قلبـه مستخيـر
ما اشتعل قلبه من الحب لين اصبـح جمـر

والمحبه تشعـل القلـب نبضـات وسعيـر
كلهـا حـزن ومعانـاه واشـواق وسهـر


يا سلام عليك سديم

صحيح المحبة تشعل القلب ,,

وفعلا ... كلها حزن ومعاناة واشواق وسهر

ابيات جميلة صح لسان الشاعر ..

وتسلم يمينك على النقل والإختيار الرائع ,,,

واهني الـي مـن الحـب قلبـه مستخيـر
ما اشتعل قلبه من الحب ليـن اصبـح جمـر

روووعه

يعاااافي قلبكـ سديم ..

تقبلي مروري

	المشاركة الأصلية كتبت بواسطة المتهور

	الأ وآآآهـــني اللـــي من الحــــب مآآآآآآيـهـتـــمــ يطيب الزمـآن أو يختلف شيـن مآآهمــــه :: رآآآيق ومبدع بن جخير من المعجبين بـ هالمودمااني>> وصليله إعجابي يافتاه سلمــت يدآآكـ ياسديموووف ::

ايييه صادق

بوصل له الاعجاب بس لين اشوفه

ماهقيـت ان المحبـه تبـي دهنـات سيـر
.. .. .. .. لين قالت " ويش ابي فيـك ياوجـه الفقـر

يسلمك ربي .. متهور باشا ..
.
.
.

جميلة سديم


الله يعطيك العافية

روعة روعة كروعة حضورك

اييه يا ابو خالد

حزن و معاناة و اشواق و سهر

بس ما ننسى الحلا اللي فيه بعد

والمجـرب فـي المحبـه يسمونـه خبـيـر = يستشيرونـه ويعطـي مواعيـظ وعـبـر
وان ذكرت العلم الأول بقى العلم الأخيـر = حالفن ممشي ورى النفس والقلـب الخضـر

يسلمك ربي .. ابو خالد ..

اسعدني حضورك
.
.
.

\\

واتفقنـا فالمحـبـه وتقـريـر المصـيـر
.................... واختلفنا في المبـادي و وجهـات النظـر
ماهقيـت ان المحبـه تبـي دهنـات سيـر
.................... لين قالت " ويش ابي فيـك ياوجـه الفقـر

آوووخس ! قويه !!

ويوم كانت شبت النـار فالثلـث الأخيـر
.................... والدلال الصفر والنجـر وبيـوت الشعـر
ياوجودي وجد شيخن قضى عمره كسيـر
.................... لابرى جرحـه وكسـره جبـر ولا جبـر

شيخن قضى عمره كسير !!
آنآ برى جرحه يآبن جخير


.. قصيده ولآ آروع .. يآجعلي فدى آبن جخير على هآلمعآني وهآلآحسآس
وفديت سديموو على آبدآعنآ

\\

.............

...

بن جخير
داهية من الدواهي


ابدع ثم ابدع
واحسنتي ثم احسنتي الاختيار


شكراً لذوقك الرفيع


كلك ذوق


...

	المشاركة الأصلية كتبت بواسطة ~{{ هجرته

	واهني الـي مـن الحـب قلبـه مستخيـر ما اشتعل قلبه من الحب ليـن اصبـح جمـر روووعه يعاااافي قلبكـ سديم .. تقبلي مروري

الاروع حضورك .. هجرته ..

تسلمين يا الغلا
.
.
.