أَوْرَآقْ...~سَآلِمْ سَيَآرْ..~

الليل هم وحزمة جروح وأوراق

وأنا اتناثر بـ آخر الليل وأبقى

ما غير اولّع كل تناهيد الأشواق

واللي بقى من الشوق دمعات حرقى

ما أقول ضاق الصدر لكن إذا ضاق

تنكسر ظلوعي على الروح واشقى

وحدي وعيوني تمتلي وجيه وفراق

كان البكا فرقى ورى دموع فرقى

يا طيب! تاخذني على الناس بعناق

والحين أنا وياك والحزن نبقى

معقول ما مرّوا على بحر الاحداق

ولا شافوا دموعي من الشوق غرقى!

هذا انا من الليل واقف ومشتاق

وهذي كفوفي من الوله دوم عرقى

من ليل واشراقٍ الى ليل واشراق

وارجع..اعيد حكاية الليل وارقى

وارقى انتظر بالليل نجمي اذا فاق

واصاحبه حتى السما تصير زرقا

وابقى وحيد ولا معي غير الأوراق

اكتب جروحي وسط الأوراق وابقى

سآلم سيـآر

وابقى وحيد ولا معي غير الأوراق

اكتب جروحي وسط الأوراق وابقى



صح لسان كاتبها .. وسلمت ايادي ناقلتها ..

ذووووق راقي في تذوق الشعر ..

نص جميييييييييييييييييييييييل جدا .. يحمل مشاعر جيااشه بحق ..

تصل إلى القلوب قبل ان تقرأها الأعين ..

لكي جزيل الشكر حبيبتي ..

_______________________________

آخر الغيبات والحمدالله على السلامه ..

حووور ...

الله الله

سالم سيار دولة شعر سياستها المشاعر

ملكة الاحساس

مملكة احساس بما تاتين به

ربي يسلمك ياحوور
ويسعدك ربي

راع المشاعر
يعطيك العافيه