/
كثر مابي عذاب من العذاب استجرت = كثر مابي جراح من الجراح اشتكيت
كثر ماعيل صبري كثر ماني صبرت=كثر ماتكابر الدمعه كثر مابكيت
كثر مافاضت احزاني كثر ماعبرت = بحر الأحزان حتى في ضفافه غفيت
آآآه يالحزن .. للعالم وش اللي وفرت= دام حزن البشر كله لوافي عطيت
بين روحه تشيد تشيد لين ازدهرت = مابقى فيه موضع بالألم ماحتويت
ذبت بين المسام وبالعروق انصهرت =مابقى جزء منه وعرق به ماسقيت
اتنفس هواك ليا شهقت وزفرت=وكم تعطرت بأنفاسك وكم اكتويت
وكم من اقداح فوق شفاه وافي كسرت =وكم تجرعت لأقداحك الين ارتويت
نلت مانلت مني واشهد انك ظفرت= لين ضمتني احضانك وغصب ارتميت
ورغم مابي ومابي شامخٍ مانكسرت =لأجل عين الحبيبه شامخٍ مانثنيت
في هوى اللي بليت بحبها وانسحرت=زان نظم القوافي لأجلها بيت بيت
ياهوى البال لعيونك حياتي نذرت= احيني في وصالك دامني فيك ميت
/