اقتباس:
المشاركة الأصلية كتبت بواسطة عبدالمحسن الحربي
واذكر بها ما بالحياة من المواقف ما يصير =واحفظ فيها مذكرات العمر من ماض الليال
|
اقتباس:
المشاركة الأصلية كتبت بواسطة عبدالمحسن الحربي
كل الكواكب شكلها واحد لكنه شكل غير=ماله شبيه ألا الهلال اليا اكتمل بدر الهلال
|
اقتباس:
المشاركة الأصلية كتبت بواسطة عبدالمحسن الحربي
وصنعت لي في ورشة الأفكار ماكوكٍ يطير=وركبت فيه وقلت بسم الله على الكوكب عدال
سافرت يا طول السفر كله خطر دربٍ عسير=أخذت فيه شهور والساعات فيها كالليال
وبدأ يبين ويختفي وانا على رؤياه اسير=اليا اختفى وقفت واليا بان شديت الرحال
اليا زعل يارب لطفك صار شره مستطير= واليا ضحك تضحك لي الدنيا ويا سهل المنال
أحلى والذ من العسل وانعم من قماش الحرير=واصعب على غيري لمن يبغاه من هد الجبال
أقرب لي من زرار ثوبي والبشارة للبشير=والفرق عن غيره كما فرق الحقيقة والخيال
|
الاخ الفاضل
صح لسانك وسلم بنانك كتبت وأبدعت بكل ما تعنيه كلمة إبداع
قصيدة أجتمع بها الإبداع المتميز وروعة التصوير وسلاسة التعبير التي تجبر القارئ على تمرير مراحل القصة ونسجها بخياله ومعايشتها وكأنه هو من كاتبها
وهنا تكمن روعة وجمال القصيدة بترابط مراحلها وتسلسل أحداثها وتصويرها بإتقان المحترفين وفلسفة المثقفين بأسلوب يشد المتلقي للمتابعة لترابط وترتيب القصيدة بطريقة جميلة
لذلك لا يجد القارئ حلقات فارغه بين أبياتها أو مراحل قصتها حتى أخر شطر منها.
آآآآلف شكر لك يالغالي على ما أمتعتنا به من روائع لا يكتبها إلا شاعر متمكن وعملاق
تقبل مروري المتواضع هنا
دمت بخير ودام تألقك
كل الود والتحايااااا
أخوك/ أبو عادل