ياسلامي عدد ماهب ريح النسيم = للوئام ولكل انسان حب الوئام
يا البجادي بعد ماعاقبتنا سديم = أقرب الله يعزك يارفيع المقام
يا لا لا له يالاله يالا لا له يا لال
يا هلا ومرحبا بك يالرفيق الحليم = في وئام المحبة في وئام السلام
وهّـقوني وانا بالشعر ماني فهيم = والمحاور حروفه ما تجي بالكلام
يا لا لا له يالاله يالا لا له يا لال
قالوا انك هجرت الدار وانته سليم = ليه مدة غيابك جاوزت فوق عام
غير راع النداوي يوم رد الحميم = هات عذرك عن الغيبات يا ابن الكرام
الظروف أبعدتـني وانت مثلك حكيم = والعذر والسموحـــه مــــا علـينا ملام
والنعم بالنــداوي للمراجــل مقـــيم = وانت جودك كسبته من خوال وعمام
يا لا لا له يالاله يالا لا له يا لال
يا البجادي يقولون المسامح كريم = ولانعاتب ياغير الغانمين الحشام
صاحبك قد جرا له قبل وقتٍ قديم = من سبايب نحيل الخصر راع اللثام
يا لا لا له يالاله يالا لا له يا لال
نطلب الواحـــــد اللي دوم بخلقه رحيم = والعتب يا محــــمد للحبايب وسام
الله أكبر على اللي صابني في الصميم = قبلكم يا محمد ذقت طـعم الغرام
يا لا لا له يالاله يالا لا له يا لال
والله اني ماكنت ابغى يكون الخصيم = لكن الحظ جاب الضرب تحت الحزام
ولابغيت الحق النيران فوق الهشيم = خوف من طيحة الخيّال راع الحسام
يا لا لا له يالاله يالا لا له يا لال
الخصم لو تشوفه من خياله عديم = فكرته ترجمتها ساجعات الحمام
نطفي النار عنكم لين تصبح رميم = والجمل لك نقوده وانت فوق السنام
يا لا لا له يالاله يالا لا له يا لال
نطفي النار عنكم لين تصبح رميم = والجمل لك نقوده وانت فوق السنام
.
.
.
مافيها الا فسحة الصلاه هههههـ
ما ظني سرا ... يمكن البرد جمد كيبوررده
بدور لكم حطب ههههـ
.
.
.
أنت غير مسجل في منتديات الوئام . للتسجيل الرجاء إضغط هنـا
