بسم الله الرحمن الرحيم
السلام عليكم ورحمة الله وبركاته
يأجر قلبي جر لدن الغصـــــــــوني = اغصون سدرا جرها السيل جرا
وهنه منول ينعمن الفــنــونـــــــي = على غدير تحته الماء يقــــــــرا
على إلذي مشيته تخطـــي بهــوني=والعصر مابين الفريقين مـــــــرا
لا والله إلا بالهوى هوجرونــــــي = هجر به الحيلات عيت تســــــرا
لا مبعد عنهم ولا قربونــــــــــــي = ولا عايف منهم ولاني مــــــورا
واكثر عذاب القلب يو م اسنحوني= بيح بصبري لو بغيت اتـــــــــدرا
قلبي عليه اشفق وتبكي عيونــي = والحال من ود الحبيب تــــــــبرا
وان مت في غالي حشاه ادفنوني = في داخلي الجوف ماني بــــــبرا
ياليتهم بالحب ماولعونــــــــــــــي = كان ابعدوا عني بخير وشـــــرا
وياليتهم بالدرب ما واجهونـــــــي =وياليتهم ما زادوا الحر حـــــــرا
وياليتهم عن حاجتي سائلونـــــــي= اظني اقف عندهم واتحــــــــرا
وياليتهم من زادهم طاعمونـــــــي= وانا على زاد الحبيب اتجـــــرا
والخد براقاً في علو المزونـــــــي = تقول براقاً من الصيف ســــرا
ياليتهم عن رايهم علمونـــــــــــي = اما يطيب البال والا استمــــرا
تقافت الاضعان ماخبرونــــــــــــي = كني غرير باللهوي مضــــرا