...
اخواني واحبتي
هنا
اسعد الله ايامكم بكل خير
هذي القصيده موجهه الى اخي الحبيب وافي وهي وليدة اللحظه
وارجو ان يتقبلها كما هيا
مع احترامي وتقديري لشخصه الكريم
ياصاحبي وافي عليك المشاريه=وكانك عليه يارفيقي تشره
ابشر بعزٍ ماقصرنا هقاويه=عزٍ احدوده لا نجوم المجره
والي جبرني وجاب قافي وداعيه=بعض الحكي احيان تقفاه حره
والحر مثلك وجعة الحر تعنيه=والا الردي ماشاش راسي وفره
يبقى ردي ولو باع ماني بشاريه=ولاله بوسط القلب مثقال ذره
ولا انت ياوافي رفيقي وابغليه=تبقى رفيق وزايل الشك مره
وابوي وصاني وجدي موصيه=وصيةٍ تسوالها الف دره
قالوا رفيقك لازم انك تداريه=واتجنبه عن كل شيً يضره
ودايم رفيقك لو على الروح تفديه=واليا حكيت بخير لاتعد شره
ومن شاف نقصٍ في رفيقه يوفيه=واليا ذكروه اجناب يحكي ببره
وقالوا رفيقك لو جفا لا تجافيه=اصبر ولازم طيب نفسه يجره
ومن سعى بالخير تشكر مساعيه=ومن قال كلمة حق لله دره
واليوم يا وافي ترى الحق نعطيه=مخطي ولالي من خطايه مفره
والحق راكبني براسه واذانيه=وان معترفت بطيب غصبٍ اقره
لكن تعال وقرم مثلك انحييه=وانقابله في طيب نفس ومسره
واليا طلبت الحق والله لاثنيه=مثني ومربوعٍ ولا فيه غره
جاك الجواب ولازم انك اتجاريه=محتوف او مكتوف لازم تكره
هذا الكلام وزبدة الهرج يا هيه=اما كذا او خل عنك التشره