18 / 04 / 2007, 50 : 02 PM | #1 | |||||||
وئامي جديد
شكراً: 0
تم شكره 0 مرة في 0 مشاركة
|
قصر وولد عمها (تأليف)
منيب حاطه مقدمه ولا خاتمه ولا موضوع حتى <<<<<<وجع وش بقى
لانه البساطه البساطه ياعيني عالبساطه <<<<وش عندها هيفا بنت وهبي ترا البساطه اللي ماخوذه من البسيط مو البساطات اللي بالسوق <<<<<اخلصي بس وعلى فكره ترا هذي ثاني مشاركه لي بمنتداكم يعني بتنقدون انقدو بس بشويش <<<<رقيقه البنت أنا سالفتي سالفه ماادري من وين ابدا ولا وين انتهي... دائما لما اسمع قصة حب تعجبني الفكرة بس المشكلو منهو سعيد الحظ وقررت اني ابد بالاقرب مني ولد عمي؟؟ ...... كنا ذاك اليوم كاشتين بالبر اللي وش زينه الجو غبااار يهبل وتربات <<<<<امحق يهبل وكنا بنطلع حنا وعماني قلت يابنت هذي فرصتك ترا ماتجي الا مره بالعمر الا واكشخ بالجينز والتيشيرت <<<<<<<طافره بكلمه تيشيرت واتكحل واتبودر <<<<<<كح كح قديمه اتبودر المووهم ماعلينا صرت على سنقه عشره احس اني اقول للقمر قم وانا اقعد مكانك <<<<<<مالقت احد يمدحها صارت تمدح روحها الله لايحدها لحد وامي تهاوشني تقول هو منتيب صاحيه احد يكشخ وهو رايح للبر قلت ترا البر برا البيت يعني لازم نكشخ قالت ماهنا احد حنا وعمانك قلت بلاك ماتدرين يمكن يصير مخيم جنبنا ناس من ربعنا هاه وش اسوي ساعتها <<<<<وهي ابليس كان تفكيرها ابعد من كذا قالت اجل بصرتس بس عجلي ترانا بنركب والحقهم والبس عبيتي اللي يتسفابها توها مغسله وحنا بالسياره كنا نمشي واللي بالسياره الثانيه عماني وولدهم يسوق ونمشي ونمشي ونمشي ونمشي طبعا بالسياره <<<<<اخلصي بس وفجأه وفجاه وفجاه <<<<<<لاتحمسون ترا ماعندها الا الدجه وفجاه نلقى مكان ظلال بالبر عاد انتم خابرين طالعين بالقايله والجو يهبل وحنا ننزل من السياره ونفرش البساط عند الشجره طبعا في السعوديه العادات والتقاليد تحتم ان نفرش بساطين وليس واحد بساط للرجال وبساط للحريم <<<<<تحسبها قايله معلومه خطيره وانا اناظر الشجره واقعد اتخيل اننا نلف عالشجره زي رقيه ورجلها <<<<<<ماقلت لكم رومنصيه ويلعبون البزران وانا وبنات عمي منثبرين عالبساط كل ماجينا نلعب قالوا عيب استحوا من العيال بغيت اقول واحد يطيح من الحساب بيصير محرم لي <<<<<قررت ونحتسي ونحتسي ونحش ونحش وجاء الغدا وتغدينا بس منيب معلمتكم وش تغدينا بس احلى شي بغدا البر الذباب وحنا نهشه ياهو يعطي نكهه للاكل <<<<<الله يحوم تسبدتس وجا العصر طبعا انا ماصدقت يجي العصر ابي اسوق ومنا كود الف على جهه الرجال ويفز قلبه لي الله يمصله <<<<يقولون من سبك حبك وحنانترنم على ابوي وعمي وترجيناهم ومعيين بغى ينقطع حبل الامل اللي كنت معلقته وقلت لعمي ربنا يسعدك ياباشا ربنا يخليك لو لفه وحده بالعربيه يستر عليك دنا واخره المووهم عمي ياحليله رحمني انا والبنات قال طيب واقنع ابوي بس بشرط ماتبعدون وياويل وحده منكم ترفع نقابها قلت بس كذا اصلا من غير ماتقول شدعوه ياعمي مافي ثقه واحنا نروح ونتهاوش من بتسوق الاول طبعا انا كنت متحمسه قلت ماعلي الا انا ونقعد نتحاسب بالاعمار ورحمه من ربي صرت اكبر من بنت عمي بشهر <<<<<توها تكتشف هالشي يالله انك تخلف وانا اذلها قلت اكبر منتس بيوم اعلم منتس بسنه انتي ماتعرفين تسوقين اصبري اسوق واعلمتس وهي ودها تخنقني بس ماتقدر تستغني عني تحبني الضعيفه <<<<<<ابووتس يالثقه وانا ارفع العباه واركب <<<<<<<خبطت تحسبه دباب قصدي وانا اركب السياره ومسويه نفسي عاقله اول شي لفيت بجهه الحريم ولا مريت جهه الرجال عشان مايهاوشوني واقعد ادوور فيهم ويوم هقيت ان ابوي وعمي راحوا يتمشون والعيال عالبساط قلت هذي فرصتك يابنت وانا اروح والف لجهه الرجال وتهاوشني بنت عمي مسويه نفسها عاقله وهي من جنبها <<<<كلن يرى الناس بعين طبعه قالت وجع منتيب صاحيه تبين ابوانا يهاوشونا قلت وش سوينا ماسوينا شي بس لفيت بالغلط وتدبل تسبدي الا ترجعين قلت خلاص بس اسكتي وانا اسوق كنت اقز اللي عالبساط <<<<بنات ماعاد يستحن واثر قدامي حفره وانا ماانتبهت وتصرخ بنت عمي قالت لفيييييي بنطيح وانا اناظر والاه ماعاد يمديني خفت امسك فرامل ننقلب <<<مسويه فاهمه وانا اخليها واتكتف قلت طايحين طايحين تشهدوا يابنات ونطيح مع الحفره ويوم اننا انتبهنا الا كل وحده طايحه عالثانيه والمشكله وحوووسه ومادريت الا وعيال عمي يركضووون لنا ويجون قالوا جاكم شي قلت هاه <<<<<شافهته وطارت بوهتها لا مافينا شي بس انه ضاق صدري ذيك اللحظه قلت وش هالقراده من اليوم وانا كاشخه كوده يشوفني ويعجب فيني ولا شافني ويوم طحنا وخرب برستيجي وكشختي يشوفني لا لا مستحيل وحنا نرجع لمقرنا البساط ويجينا كم زفه محترمه من ابوي وعمي وارجع للبيت متحطمه بس قلت فيه امل ببكره 5-انا بانتظار ردودكم لاتفشلوني |
|||||||
|
||||||||
18 / 04 / 2007, 07 : 03 PM | #2 | |||||||
عضو شرف
شكراً: 0
تم شكره مرة واحدة في مشاركة واحدة
|
هههههههههههههههههههههههههه
حــيّ الله رقيــه ( إن كيدهـن عظيـــم ) لكــن بصرااحــه معــااكــ حق ولازم تطورين تفكيركـ لأكثر من كذا أبووكـ يامخرب البيووت<< بــس وااضــحـ إنكـ عليميــه ياقصـر مدري شقق مثل هالسولاافاات يبيلهـا تخطيط وتنسيق مع الجهاات المختصــه نااوي يجيــب أجلهـا<<< قصــر شديــد إعجاابــي بـ مشااراكااتكـ أتمنــى لكـ الإستمراار تحيـاتـي |
|||||||
::
|
||||||||
18 / 04 / 2007, 24 : 03 PM | #3 | |||||||
عضو شرف
شكراً: 0
تم شكره 0 مرة في 0 مشاركة
|
حووووووووووووووووووووووووووط...
لا والله سلامات وأحسن الله عزاك... تدرين لو إني منك كان سويت حالي غرقت بالتربان وأخلي ولد عمي ينقذني و بعد كذا تجي حركات كيد الحرررم... بس صراحة يا بنت إنك كافحتي في سبيل الحصول على قلب الولد... لكن نصيحة المرة الجاية إركبي حصان وحطي نفسك إنك غرزتي بالحصان ويجي بالتالي فارس أحلامك ويطلعك... يعطيك العافية أختي قصر على هالقصة الرومنصية على قولتك... |
|||||||
|
||||||||
18 / 04 / 2007, 57 : 06 PM | #4 | |||||||
عضو شرف
شكراً: 0
تم شكره 0 مرة في 0 مشاركة
|
..
ياحي الله ام التخطيط الفاشل .. يبي لك تدريس من يوم الاحد .. على اصول اللعبه .. بس لايهمتس كلام ابو لسان تراه ماعنده دبره خخخخخخخخخ يسلمووووقصوره .. |
|||||||
|
||||||||
18 / 04 / 2007, 57 : 07 PM | #5 | |||||||
كاتبه متميزة
شكراً: 0
تم شكره 0 مرة في 0 مشاركة
|
..
اقول وش عندها ام قلب حنّيــن " تبحث عن الحب بالبر " ههههههه اقول لا عاد تطلعين للبر لحالك .. قبل تطلعين علميني وادبر لك الامور << جتنا ام التخطيط ياحيي تسلمي كثير على عالقصه الرومانسيه هههههه .. |
|||||||
|
||||||||
18 / 04 / 2007, 31 : 10 PM | #6 | |||||||
وئامي جديد
شكراً: 0
تم شكره 0 مرة في 0 مشاركة
|
ههههههههه
احلى ياجوليت رومانص تحت الشجره دجه كوووول بلاك كثرتى الكحل ودعجتى العين ولا شفتى الحفره زين ماتوطيتى بالعيال يسلمو ع المشهد الجميل |
|||||||
مـن [ فقـدتـك يـاحبـيـبـي ] ... وانـا مــاعـــاد أخـــاف ..!!
وش بعـّــــد خـوفـي .. مـن أنـك .. / مـاتعـــــــــــوّد / !!
|
||||||||
18 / 04 / 2007, 39 : 10 PM | #7 | |||||||
مدير المنتدى العام
شكراً: 0
تم شكره 0 مرة في 0 مشاركة
|
هههههههههههههه تخطيط اسراتيجي قصر الصراحة اعجبني تخطيطك بس شكل الهدف مو بحولك |
|||||||
|
||||||||
23 / 04 / 2007, 43 : 04 PM | #8 | |||||||
وئامي فعال
شكراً: 0
تم شكره 0 مرة في 0 مشاركة
|
حاولي يمكن المرات الجاية احسن
وبتوفيق000000000000000>>>>>>>>قصوووور |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
إبتهال - تأليف الشاعر أبي ضاري | د .عدنان الطعمة | بوحْ الشعِر والنثر .. | 3 | 07 / 03 / 2008 04 : 01 AM |
من الي تخاف من ظلها ( فيديو) | غيث السماء | ||ترفيه وَمسآبقآت | 9 | 30 / 04 / 2006 18 : 07 PM |
لعبة حلوة مرة (تأليف) أدخلوا وشوفوا | رعد الأبطال | ||ترفيه وَمسآبقآت | 10 | 30 / 08 / 2004 03 : 01 AM |
بنت وولد | اصيل | الالغاز المحلولة | 9 | 19 / 08 / 2002 41 : 11 AM |