كل حاجه طعمها مر فـي هـذا الزمـان=هـم هالدنيـا و حنٌـا نعيـش لهمـهـا
المكان اللي عرفنـاه مـا عـاد المكـان=و القلوب.. أحداث الأيـام زادت غمهـا
صاحبي حتى أنت ما عاد تستاهل حنـان=أنت بعثـرت المشاويـر و انـت تلمهـا
البكا في مثل هالحال نوع مـن الهـوان=و المهونـه كـل رجـال حـر يذمهـا
صاحبي.. لو كان للناس و الدنيـا أمـان=ما تموت ورود الأحـلام قبـل نشمهـا
خل عنك علوم الأحباب .. واللـي كـان=انتهيت..وسيـرة الأشـواق مانـي يمهـا
كلما تظما لياليـك قمـت اكتـب عشـان=تنزف جروحي و الأيـام تشـرب دمهـا
الكلام الموحش يخـاف نـور الشمعـدان=تحترق أسمـى معانيـه قبـل يضمهـا
من زمان أكتب على شان تقرا.. من زمان=بس ما شفت المكاتيب جابـت همهـا
متعب التركي