وايش رايكم في هذي الفكرة.. ونبدى بكبير المنتدى..؟؟

واااااااافي لاتفرح .. اول ماتشتريها ابعطيها عين وتحترق عليك :D:D


رااااااااااجع لك يالفصفص :D:D


انطرونا ... قريباً الرد على اردينا هنا :D

يامعين

مظلوووووووووووووووم

(( هذا خوينا اللي ابيكم تعرفوني عليه بس شكله طال المره هذي :D))


راح ابدأ اولا بالمحاسن ( عشان مايجيه احباط )

(( اي احباط اي خرابيط لايغرك اسمي دنااااااا غلباااااان :D ))


.. طبعا انا معرفتي بالاخ مظلوم ( وبالجميع القدامى ) هنا فقط .. يعني للاسف اني ماكنت اعرفهم من ايام الملتقي وهالشيء انا اتحسف عليه كثير من كثر مايتكلمون عن ايام الملتقى وحلاوة هاك الايام تمنيت اني كنت معهم ذيك الفتره لكن ملحوقه ممكن اعوض اللي فاتني هنا ...

((( وانا والله اتشرف بمعرفتك انسه سردين اااقصد اردينا عشان ماتقولي ماسك مشرط وجالس اجرح فيكم :D وايام الملتقى بوجودكم والله معنا وتواصلك الجميل نقدر نرجعها ونحييها مره ثانيه وان شاءالله تكون احسن واجمل << اتمنى هذا واحمدي ربك انك ماكنتي فيه والا كان صارت رياضيات مو علوم وبس :D )))


( مو كني خرجت عن الموضوع ) اللي لمسته من الاخ مظلوم انه انسان مرح وظله خفيف .. يحب يرسم بسمه على وجوه اللي حوله ..

((( لا ماخرجتي لساتك مواصله في الكلام الا اذا كنتي موظفة سكرتير عنك جالس يكتب وانتي برى :D.... تعالي هنا قولي وش لمستي فيني ترى انا حساس ماني ناقص عدوى بعد :D:D... وخفة ظلي من خفة وزني وبوجودكم معي الحمدالله لسه ماطرت من الهواء ... وفيه ناس هي اللي تحب ترسم خرابيط بس الابتسامه سهله زي كذا خلصانا شفتي وشلون سهله :D بس ليه ارسم على الوجوه ماعندي ورق يعني .. منك لله مسافروووووه خلصت القص واللزق كله حسبي الله ونعم الوكيل ... ماعلينا ابروح اتسلف من القهوجي لفة ورق وارسم عليها احسن من الوجوه بتوعك :D )))


نجي للمساويء : ( وارجو انك ماتزعل مني ترى انا عند ابداء الاراء وخروا عن طريقي اقول رأيي حتى لوكان يزعل )
((( مالت عليك وتقولي مساوئ بعد بقوة عين ... طاااااااااايب نفوس :D بس ابي افهمك شئ واحد ممكن ..<<< يعنني اخذ رايها اصلاً ماعلي منك عندك ست جدران اختاري واحد منهم .<<< اربع حيطات وسقف وارضيه صاروا ست ماتعرفي تعدين بعد .. :D:D..... المهم اللي بغيت افهمك ... اني مستحيل ازعل او اشيل في خاطري على واحد من حبايب البي مو قلبي :D )))


.. اخوووي : انت تمزح صح

((( توني ادري اني امزح .. :D )))


.. ويمكن يكون قصدك من المزح لا شيء غير المزح

((( لا مو يمكن ولا شئ ... قصدي وانا حر فيه ماابي اعلمك غصب يعني .. :D )))


.. الا انني ارى انه مزحك بعض الاحيان قد يكون جارح ..

((( الحمدالله مااستخدم امواس ولا مشارط عشان اجرح ... :D اها فهمت قصدك .. <<< بدري يالاخو ... :D ... طاااااااايب نجي للي بعده ولي رد عليك في الاخر بس اخلص فصفصه ..:D )))


ربما لنا نحن القوارير ..

((( بيبسي والا كوكا كولا .. ترى انا مااحبهم كلهم .. يمكن عشان كذا سموكم قوارير :D )))


يااخي راعي انه البنات حساسات

((( حساسات ماقلت شئ بس كلمة البنات هذي مستحيل تدخل مزاج لي ...<< من غير ليه ماادري :D:D )))


يمكن يزعلن من اي كلمه غير لائقه ..

((( انتي قلتي يمكن يعني مو اكيد .. مو حرام عليك ترمين بلاويك على غيرك :D:D بس لائقه هذي مكانه ماهو لائق الحين خليه في اخر الموضوع في ردي عليك هذي بس فصفصه :D )))


وانا بصراحه من هالناس اللي زعلت منك من كلمه قلتها لي

((( طيب هي كلمة ... ودي اعرف وش الكلمة هذي عشان اغثك فيها وافتك منك :D ))) ((( بس من جد والله الغلط عليك انتي انا احب اللي يصارحني ويقول انت غلطت في كذا وكذا وقتها مالي عذر .. وكلنا خطاؤن وخيرنا من تدارك خطأه وانتوا المفروض اللي تصححون لي وتغششوني عشان انجح مو تخلوني احل غلط وتصححون واسقط .. ترى جنبي عليك :D:D )))


.. ادري انك قلتها عن طريق المزح لكن المزح له حدود ايضا ..

((( والله ماتدرين ولا عندك سالفه ... بس من جد وش يحد باكستان مع قبرص هذي هناك وهذي بعد هناك كلهم بعيدين ... بس وش دخلهم ..<<< ماادري :D )))


حتى اني عقبها صرت اتعامل معك بحذر ..

((( عشاني مظلومي واحمل الجواز الدبلوماسي المظلومي لازم الحذر :D )))


( قصدي بحذر عشان مااحد يفهمها غلط اني اكتب كلامي وارجع امسحه

((( مو شئ ... طلعتي مثل المسافر مايصمل له على كلمه :D:D)))


بمعنى اني ادور الكلمه اللي ماتزعل او تنفهم غلط مو عشان اراعي مشاعرك ماعلي منك ادري قلبك فضيخ ماتتأثر ..

((( اول شئ فضيخ والا بطيخ .. قلبي وكيفي مالك شغل لو سمحتي :D:D )))((( وليه تدورين وتعبين نفسك قولي لي وانا ادور معك عندي ادراج زايده يمكن الاقيها عندي بسرعه :D )))


لكن عشان ماتردلي الصاع صاعين وهمن انا

((( انتي عطيني صاع اباخذه وماني مرجع لك شئ ليه الخساير يعني :D:D )))


اتعقد وانكمش ) ..

((( رهيبه ياتسالي انها تقرمش :D:D )))


( الحين اكيد بتحلف وتقول والله ماعاد اكلم اردينا ابد ) ..

((( ولا احلف ولا شئ مابقى الا هي بعد .. ومن متى وانا ارد عليك اصلاً ...:D .... بس لايكون اسمك اردينا هذيك اللي حجزت لها في شهار :D ترى مافيه احد قال لي :D )))


بس هذي الحقيقه ومااحب اني اسكت مادام جتني الفرصه لحد عندي .

((( وبس هذا ردك يعني .. طاااااااايب ليه قصير .. خلاص انا ابزود من عندي .. <<< كيـــــــــــــفي مالك شغل :D والفرصه عندك الى الحين بس كثري فصفص المره الثانيه :D:D )))



وسلامتكم
((( هذي لكم انا ماابيها .. لسه ماخلصت من الرد عليها :D )))


نجي للجد اردينوه ..

اول شئ ابي اعرف الكلمه لو تكرمتي .. وحتى لو ماتكرمتي ابطلعها من بالغصب .. مو كلمتي ليه تاخذينها ... :D .. خلاص قلنا جد انت ووجهك .. تيب تيب ... <<< اكلم نفسي ... :D


وثاني شئ اسعدي ردك حقيقه وهذا شئ افرحني ومستحيل ازعل من كلمة الحق .. وشرهتك على اللي مايردك عليك وهبل فيك ... بس اصبري علي شوي ... خليني اخلص من بلشة قهوجي بيه بعدين افضى صح ... :D وش قلنا .. تيب تيب <<< برضه نفسي وش دخلكم :D ....


المهم اختي اتمنى انه يكون كل مزحي خفيف على احبتي ... وصدقيني ماجاء المزح الا من حزن كبير احتواني ... ولا اجد مكاني الا بينكم .. فانا منكم واليكم .. واسألي اللي له احتكاك << بس مايطلع شرار :D ... اسالي اللي له احتكاك معي في الحياه الحقيقيه بى الانترنت وهو يقول لك منهو مظلوم وهل هو فعلاً يحمل من اسمه شئ والا لا ...

والف شكر لك اختي الغاليه ..

بس برضه ابناديك سردين ... زعلتي رضيتي ابناديك سردين :D

تشااااااااااااو ..

((( الحين اباخذ سلامتكم من عندكم صارت لي الحين :D:D )))

اللي بعده ...


مظلـــــــــــــــــــــــــــــــــــوم

اردينوووووووه نسيت اعطيك حلاواتك مابيها شكراً عندي كثير منها .. استلمي :D:D:D



تشاااااااااااو .. ونجي للي بعده :D

فكرة رائعة ياالقهوجي تسلم عليها

بس اسمحوا لي احش في الوافي اول بعدين ارجع لمظلوم
(( يوووووووه هذي مو لي ... مره ثانيه لاتجيبين اسمي تعبتيني منك لله :D )))

نجي للي لي سراااااابوه ..

يامعين


نجي لمظاليموووو
((( هذا ولد عمي .. ياهلا والله مظاليموووو مشتاق لك ياووووواد وينك من زمان عنك والله :D:D )))


والله الصراحة من يوم شفت فصفصتك للردود السابقة خفت اخبصها من هنا ولا من هنا تديني على راسي
((( ومن صغر راسك عشان اديك عليه ايه فوق كذا :D )))


مظلوم
((( الحمدالله هذا انا .. شفتوني اهبل :D:D )))


قلبه طيب مرة ودمه خفيف ..
((( ياخي وش فيكم علي الا تبون تطيروني قلت لكم الجوال في جيبي مااطير مثقل علي :D:D )))


يعرف يفرض احترامه صح وفي الموقف الصح ..
((( الحمدالله ماخذ رخصه دوليه واعرف اوقف في المواقف الصغيره بس لازم الدقشه الصغيره ماتمنع :D:D )))


يعني لكل حادث حديث
((( حصل خير وكل واحد يصلح سيارته ... :D سرابوه تصلحين لمنتدى السيارات كل كلامك عن السيارات ماشاءالله :D )))

.. بس فيه نقطة مثل الوافي ..
((( ماقلت لك قهوجي ان الوافي يتبلى علي ويقول انا اشبه بالصوره ذيك اللي هناك :D)))


يتسامح في بعض المواقف اللي يبيلها حزم وهذا من طيبة قلبه والله ..
((( هذا لي الحين طااااااايب ... انا ابحزم امتعتي واجيكم في الشعر وش رايك واوريك نجوم الليل بالظهر عشان تعرفيني اكثر :D )))


احس ان للمنتدى عنده قيمة كبيرة ..
((( كم يسوى :D .. غلى المنتدى من غلاكم وبدونكم المنتدى مايوسى شئ والله )))


لانه دايم متواصل ماشاء الله عليه ..
((( عين الحسود فيها عود معفوط بعد :D:D )))
بس احمدي ربك انك قلتي ماشاءالله والا كان زي الرياضيات والعلوم حقت اردينوه :D


يسعى لحل المشاكل والخلافات دايم ..
((( هذا ماتعودته منكم ... واول شئ علمتوني وشلون افك الحبل وهو معقود :D بس الخلافات .. لسه مافيه احد جاء يصير خليفه لي والا كان برضه رياضايات وعلوم :D )))


يشوف المشاكل اللي تواجه الاعضاء ويدور لها حلول مناسبة بقدر الامكان ..
((( مو حبايبنا لازم نخدمهم ولو بشئ قليل وتواصلهم معنا اكبر فخر لنا ... مو فخار لا فخر من يحي الفخراني :D بس قدر هذي .. كأنه قدر مضغوط والا قدر طبخ ماادري :D)))

يعني مدهر الله يعطيه العافية ...
((( ماقلنا الحسود في عينه عووود بس مكسور المره هذي :D:D )))


وهذا كل شيء عندي اقوله
((( بس هذا قولي قسم :D )))


امممممم خلني اراجع كلامي .. ايه الحمدلله ماخبصتها
((( امممممممم حقوق شيطون ماشفتي انا وش قلت للمسافر يعني ترى اخلي شيطون يجي يتوطئ ببطنك حقوقه لاتجينها :D:D والحمدالله بغيتي تطلعين مو شئ بس الحمدالله طلعتي شئ لانك ماقيرتي اقوالك :D ))) والحمدالله على السلامه اخيراً خلصتي .. بس كان ودي تطولين عشان افصفص اكثر بس يلا ملحوقه خير ان شاءالله


سلاااام
(( وعليكم السلاااام << ثلاث الفات بين لا وبين م :D )))


اللي بعده ...


مظلـــــــــــــــــ:D:D:D:D:D:D:Dــــــــــــــــ ــوم

وافي بعده وافي بعده سرابوه بعدها هم وافي خلـــــــــــــصنا منهم فصفصناهم للحديده :D:D

نجي للقهوجي كأنه يبيني بكلمة راس ..

خلوني اشوف ..



سراب ...
(( غلطان مسكين يبي يقول مظلوم خاف وكتب سراب :D ))

أتركي الوفي .... هذا طيب وحبوب ..
(( الى الحين خايف :D ))

عليك بالظاالم... والله بس لين الحين ما فيه واحد قادر عليه
(( كأنه بدأ يتجرأ طااااايب ... القادر الله وحده سبحانه ... ))


والله مقوي هذا الظالم.... بس اعجبني في شيء واحد
(( ماعليك ماخذ بندول بالكاتشب من خبازنا توه واصل طازج :D:D ))
واكيد اعجبك البندول والا موووو :D:D


جاب الأول والتالي خلاني اعرف تاريخكم كلكم
(( الاول وعرفناه بس ياترى من التالي اللي يعينه والله ... واهم شئ التاريخ لازم نخلد ذكراه في قلوبنا واحنا بدون التارخ مانسوى :D))


بس مااش لين الحين ما فيه واحد شفى غليلي منه....
(( ليه انت عطشان والا شئ والا مجروح عشان احد يشفيك ... على العموم الله يشفيك وتكون بكل خير وسلامه باسرع وقت ان شاءالله ... :D:D ))


أخوي المسافر..... لا تستسلم .. اعطيه على راسه....
(( خله يقوم من اللي جاه بالاول بعدين يجي لو قدر ... الى الحين جالس يدور خشمه :D ))


بس يا شباب ضرب تحت الحزام ما نبي.....
(( الحزام الذهبي حي من احياء مدينه الخبر الراقيه .. عشان كذا اي واحد يقربه بسوء يمكن يروح فيها ويدخل ابو زعبل ويقول الناس راح في ابو نكله :D:D ))


تكفون زيدوا عليه ... بس والله في الأخير يرد عليكم الصاع صاعين
(( ليه دواسة بنزين نياهاهاهاهاااااااااه :D:D بس ترى مااحب اعطيهم صاعين خلهم يعطوني بالاول بعدين افكر وش اعطيهم :D ))


ظااااااااااااااااااااااااااااااالم هذا ...... مو مظلوووووووووووم
(( ياخي هذا كل شوي جايبينه والمره هذي مع العائله الكيمه بس هو امس كان اربعه واوات بس والحين ماشاءالله انمغط بزود :D:D))


تعال انت الحين ماقلت لك روقنا .. بالله كم مره جيت .. صح انه موضوعك بس كذا تقطع الفصفصه علي .. يلا تمون والله ونشوفك وكل فصفصه وانت بخير :D


مظلــــــــــــــــــــــــوم

سراب ... خايفه .. انا مو قلت لكم لاااحد يخوفها :D

القهوجي مره ثانيه .. اي ثانيه الا عاشره :D

الرعب منكم واليكم :D

والله شف بالنسبه للدور ... الظاهر انه بيكون اجباري لو مااحد جاء ... يعني اللي يجي ببالي ابفصفص فيه على الفاض .. عشان كذا احسن لهم انهم يخلوني افصفص على شئ احسن من لاشئ بعدين انا مااتحمل الخساير اللي بتصير :D

ههههههههههه بعده انا وتوني صاحي من النوم جاي ابشركم اني جيت :D:D مالت علي وعلى خشتي والله :D

انتهى ...


نجي الحين لقمرنا لبحار ...

هـــــلأ دور مظلوم..إذاً بقول رأي عن تاج الشباب:
((( هلا قمرنا ... اخيراً جاء دورك تصدقين كنتي بعدي بدور وماشفتك وراي :D ... وانتظر رأيك عن مظلوم اللي هو البلشه انا :D )))


مظلــــوم إنسان شفاف
((( شفتوا عروقي ... :D مو شفاف انا :D:D )))

و مشاعره هي نقطة ضعفه...
((( وش اسوي حاولت اكل كثير ماقدرت عشان كذا ضعيفه :D )))


و طبعاً مظلوم يملك قسط وافر من خفة الدم و المرح..
((( ومن النوم بعد الحين مروق والحمدالله اخذت قسط من النوم .. وباقي كم قسط واخلص الدين اللي علي :D )))


لكن هذا ما ينفي إنه إنسان عاطفي جداً و حساس جداً..
((( انا سبق وقلت انه عندي حساسيه وماني ناقص عدوى بعد :D )))


و مع هذا ألاقيه صبور و يتحمل كثير..
((( ههههه طلعت سفينه صحراء وانا ماادري .. << مو حوار يامسافروووه منك لله :D:D )))


يعني مظلوم إنسان بالرغم من حساسيته إلا إنه قادر على التحمل و الإحتفاظ ببرودته و تماسك أعصابه لفترات طويلة...
((( مو قلت لكم ان عندي حساسيه ماصدقتوني بالله علي صوتك قمرنا خليفهم يسمعون منك :D بس الثلاجة وش دخلها الحين ... اخاف مو ثلاجه .. محفظة اكل ... ذيك اللي تشبه القدر :D ... واعصابي الحمدالله اخويا من يوم عرفتهم مستحيل يتزاعلون عشان كذا متماسكين مثل اعضاء الوئام :D )))


مظلوم إنسان مذوق جداً و ظريف جداً..لكن احياناً احس إنه يزودها شوي في المزح..
((( ازودها شوي والله عارف بس وقتها اكون مهموم والا متضايق وياكثرها والله في دنيا تخلت عن الجميع ... ومثل الموضوع هذا زودتها فيه بالحيل .. بس انتوا اللي حديتوني على كذا .. يعني عزوبي ووحيد وماعندي الا الموضوع هذا لا وفوق كذا مظلوم اسمي .. يعني وش تبون اقل من كذا مني :D جنبكم على جنبكم :D)))


مادري عاد يمكن انتوا يالشباب تشوفون هذا المزح عادي جداً و متعودين عليه!!
((( فيه هنا استفهام كبر راسي والله .... فيه شئ ناقص ... اممممممممم ( انا ماخذ الحقوق من شيطون ياملقوفه اردينا مالك شغل اقولها وقت ماابي :D ) امممممممممم الشباب ... مو هذي المشكله الشباب شايفين نفسهم على البنات والعكس بعد صحيح .. والله ياخوان كلها مزوح وتروح ..على قولتهم والا انا ماعلي منهم ... :D بس مهما صار ومها كان نبقى اخوه واحبه يجمعنا قلب واحد صافي بالمحبه ... )))


هذا رأيي بالنسبة لمظلوم......
((( وهذا ردي عليك قمرنا البحار اختي الرائعه )))


و عذراً إذا كنت زعلت احد.......
((( ومحشومه عن الغلط والزعل مرفوض بكل شروطه وقيوده وتنازلاته ... )))



(( تاج الشباب)) تقبل تحياتي......
((( اخر مره اقبل شئ من احد بعدين ابوي يقول لي تاخذ من احد شئ :D )))



تسلمي اختي الرائعه وهذا شئ قليل مما جادة به انفسكم علينا


نجي للي بعده اذا كان فيه احد ...


مظلـــــــــــــــــــــ ــــوم

والله ياهو الطابور طويل

مبغا يجين الدور

ياسلااااام

الضحيه مظلوم:D

ايه الهنا دا اللي انا فيه


صبرك عليّ.عندي كم شغله بسويها
وبرجع احش مضبوط


ياويلك مني ويلااااااه

عهعهعهعهااااااا:D :D

عنيزاويه ... ياهلا والله .. انتي اجل الضحيه القادمه .. :D:D

ابخلي هذي لك ماني لامسها لزوم اخر الرد عليك :

عهعهعهعهااااااا :D :D


في الانتظار ... ام كليجا ( بنت عنيزه ) عرفت ياقهوجي :D:D

انطرونا :D:D

مظلـــــــــــــــــــ:D:D:D:D:D:Dــــــــــوم

.......مرحبا….قهوجى…
انت فتحت لنا باب مدرى كيف..
بيتقفل....

مساء الورد….
مظلوم…

مظلوم..الى هو اخو مظليلم.." حتى لا يكون هناك لبس فى الفهم..عندكم..”
مظلوم. هنا غير مظلوم الى هناك….لان مظلوم الى هنا ..من جد مظلوم..ما هذا…..شرااااااااااااانى..
" ان شالله تكونو ا فهمتوا…شى.."

الى هنا .ماخذ من الاسم..حروفه بس…
اما الى هناك….الى هو مظلوم مظلوم..”"يعنى.."
طيب وكريم..يعنى يتحلى بصفه الكرم ..من اسمه كريم.."
قمح….

حساس جدا….جدا..جدا لابعد الحدود كاتب ممتاز اذا شغل الطاسه..
….وغامض شوى..
صعب انك تفهمه من اول مره الا اذا كنت تعرفه من مده..طويله…
فدائى من الدرجه الممتازه…يعنى عندك شى ماشيات.” مايقصر…اف بى اى الوئام..”
عنادى…ولا حط شى فى راسه لازم يسويه…
غير كذا…احيان يكون مندفع…فى حالات نادره .بس ..انه يتراجع….اذا شاف نفسه غلطان..
" اذا ماسوى نفسه الحين غلبان.."

واخيرا رجل اعمال ناجح…
عنده مؤسسه الالقاب المظلوميه…والى كان لى شرف اول لقب فيها…
وعنده شركه مزلوكو بس ماادرى وش نشاطها بالضبط…

متعاقد مع شهار ناوى يرحل لهم اكبر قدر من الوئامين والحمدالله اعداد النزلاء عندهم فى ازدياد

يحب..ابو حواجب وموخرا ابو لسان.
ثانى شخص تعرفت عليه من ايام منتدى ملتقى الشبكات…
انطباعى الاول عنه انه..غلس… ودمه ثقيل.وحاط..فى توقعيه…سيف ونخله…
شعار السعوديه….
قلت خلاص..ه الولد مافيه كلام…الواحد يقول الكلمه معاه بحساب…
بس حكايه االكلام المحسوب هذى ماتمشى معاى ولا حتى توقف….
ومن قراد الحظ ..ولا من حسن الحظ اول واحد بديت افتح معاه حوار وارتحت له من الشباب..
…
هو مظلوم الى هو الطيب..ومو الشرانى طبعا…

الوحيد الى اطن انه..ممكن يوازيه…فى الحش..لاست هوب…
يعنى طالما لاست مو فيه انسى اننا بنقدر عليه..

اخر شى اكتسفته.
اذا جلس بروحه فى البيت…وماعنده احد غيرنا…خلاص…تجيه الحاله..
وتصير فوه المزح عنده مضاعفه…
يعنى ساعه بث يوميه اربع وعشرين ساعه..

والله يعينا فى العيد ..عاد..تشوف الحوسه الى بعدهاالوافى يطردنا…
طرده..الله لا يوريك…
كم مره كان يتسبب فى فصلنا …

والباقى اكثر بس خل غيرى….يتكلم…
سلام

......

قريباً



انطرونا العجوز الخطابه ( ابس 33 ) في لقاء مفصفصي مع مظلوم :D:D

عرفت ياقهوجي ... اقول وش رايك اعطيك نسخه من اللستات اللي عندي واريحك واريح نفسي :D

انطرونا ..

مظلـــــــــــ:D:D:D:D:Dـــــــــــــوم