الليل موحش و الأمل شقت النور
وهموم عسره من غثا الوقت طالت
اللي بقى من ظلمة الليل .. ديجور
ودمعة أماني بأطرف العين سالت
لا حشّمت لحية ولا حشّمت شور
أثر البلاوي لا توالت توالت
كم درب عدينا فالآخير مهجور
وكم رجوة ٍ في هالزمان إستحالت
ضاعت أمانينا .. كما حلم عصفور
زود الجروح اللي من سنين صالت
ياما بنينا من الهقاوي لنا قصور
وياما من الصدمات هالروح شالت
أحيان احس إن الصبر باس مكسور
لي ضاقت الدنيا والأغصان مالت
وأحيان اشك إني بلا [حس] و شعور
من ترجع الذكرى على أيام زالت
القلب من كثر الألم بات مقهور
والعين تدمع من بلاوي توالت