من ارشيف الوئام ..

بكره يجي العيد وتعايد حبايبها = وانا الوحيد الذي بالعيد تنساني
وانا الذي لاجلها روحي متعبها = نسيت من شانها ربعي وخلاني
سهرت ليل العنا كله سبايبها = وسطرت في صفحة الحرمان عنواني
كنت احسب إن الهوى لعبه ونلعبها = اقول احبك وهي تقول وش ثاني
وكبرت وحبي كبر واصبحت اموت بها = واصوغ فيها مواويلي والحاني
لو ما اكتب الشعر فيها غصب يكتبها = تملكت كل احسايسي و وجداني
من يوم راحت وانا نفسي معذبها = عايش(رهين العذاب) اصارع احزاني
ياعيد به ناس تفرح بك وتطربها = الا انا العيد عندي شوفة ( . . . . )

حسن المحمدي

قلت

احبك

قالت

شاللي تعرفة عن الحب

قلت

الحب مشاعر في داخلي

ما كنت احسها قبلك

قبل

ما اشوفك

قبل

مالتقيك

حسيت انها تجذبني نحوك

خلتني ما اشوف غيرك

لا بعدت عني اشتاق

لاقربت مني

فرحتي ما توصف

اشوفك

في داخلي دنيا

واعيشك

في واقعي دنيا

احس حبيبي

انك الدنيا

انت الهواء وانت الشمس

وانت القمر وانت ليلي والنهار

ماقلتلك

انك حبيبي

بالنسبة لي

دنيا

مدري حبيبي

احس بطيفك في كل وقتي معي

وأحس بأنفاسك

تخالط انفاسي

احس

اني غريب

وحيد

لا مر يوم

ماشفتك

ولا سمعت صوتك

يناجي حيرتي

يمسح همومي

يداوي جراحي

ينزع من روحي ألمها

انت
اصورك مثل الشوق

لاغبت عني اشتاق

لا جيت يمي اشتاق

اعانق الفرحة بعناقك

واعانق البسمة على شفاتك

حبيبي

توهقت يوم ....

وقلت ابي اكتب اني احبك

خلص دفتري

خلص سطري

جف الحبر من اقلامي

وما قدرت
آصل

لحرف الكاف من كلمة احبك

لقيتها كلمة

تعانق

كل ذرة من ذرات بحور عشقك

هالني كبرها

وهالني معناها

اغلقت القلم واكتفيت اني احبك

اعذريني

لاقصرت يوم في حبك

وانا

مقصر

لأني احبك

اكثر من الحب نفسة

اعذريني

لأني احبك

وسرقت الحب من نبعة

لين جف الحب من الدنيا

ومابقى حبيبي

الا

حبك

في داخل الروح يسري




عذب الحروووف

السلام عليكم ورحمة الله وبركاته
الغالية ( سديم )
الله يعطيك الصحه والعافية
ماشاء الله عليك عندك موسوعه نادره تحتفظين بها
ليكتب لنا التمتع بقرائتها بعد أن خانتنا الذاكره في إسترجاع ما قرأناه
جعلك تسلمين ويوفقك ربي
متميزة وستبقين على تميزك وإبداعك وإلى الأمام أن شاء الله
تقبل خالص تحياتي وتقديري؛؛

وعليكم السلام ورحمة الله وبركاته


الله يسلمك ويعافيك .. عازف الناي ..

شكرا لحضورك .. وشكرا للاطراء

ما نسيتك!!

ويوم ضاق الكون فيني

وما لقيتك!!

وجيت أدور عن خيالك

في المكان اللي جمعنا

له زمان

آه يا حزن المكان

خالي ٍ من كل شي

إلا طيوفك

وجيت أشوفك

في ممرات الوداع

يوم أصافحها كفوفك

وأسألك ليه الرحيل؟!

واتّعذّر في ظروفك

.



.


وجيت أشوفك

في دهاليز الضياع

يوم تتركها هنوفك

مركبٍ خانه شراع

تايهه في وسط جوفك

.



.


جيت يسبقني حنيني

غارقه بالدمع عيني

جيت أدور ..

عن بقايا من حياه

جيت أدور عن سنيني

وما لقيتك!!

ما لقيت إلا طيوفك

قلت أشوفك

في طيوفٍ

ساكنه في دم جوفي

ساكنه أغلى حروفي

رغم انه كل خوفي

أفقدك

لكن فقدتك!!

.



.


ليه عن عيني تغيب؟!

كيف أعيش العمر دونك؟!

فاقده نظرة عيونك؟!

ودي أرضى بالنصيب

بس تتعبني طعونك!!

.



.


ضايقه فيني العريضة

والسعد ابطى وميضه

ما لمحته

قلبي اللي مثل فيضه

ليه يا خلي جرحته؟!

.



.


وجيت أشوفك

ما لقيتك

وانتظرتك

ماحضرت

قلت يشتاق ويجيني

تحتضن إيده يديني

وطال صبري

وما حضرت

واعترف لك

انكسرت

انكسرت

كل ما فيني تكسّر

بس تصوّر

ما بكيتك

أي وربي ما بكيتك

لنّك اكبر من دموعي

باني ٍ بأقصى ضلوعي

مسكنك .. دارك .. وبيتك

لجل هذا ما بكيتك

.



.


قلت ألملم ما بقى لي

من خيال

وعنّك آشدّ الرحال

وأبتعد عن هالمكان

ما بقى لي فيه باقي

غير ذكرى من تلاقي

كان يجمعنا بيوم

كنت اجي كلي هموم

بس ارجع خاليه

كنت اشوفك

همي تشيله كتوفك

كنت أنا ضعفك وخوفك

وأنت لعيوني الآمان

.




.


يوم نادتني الحياه

عوّدي

نبغى نكمّل

ما بدينا

تونا

لا ما انتهينا

عودّي صاحبك راح

مابقى غير الجراح

عودّي ودواك عندي

وللوصل ايديك مدّي

قلت وش لي بالحياه؟!

والغضي ما هو معايا؟؟

وين أرضه مع سماه؟؟

آه يا مُر النهاية

.



.


جيت اشوفك

واحتضن باقي طيوفك

جيت أقول أرجوك تكفى

ردها تكفى طلبتك

ردها تكفى سنيني

رد لي ماضي آخذته

رد عمري اللي رخصته

رد ما يوم ٍ عطيتك

ردها

ودي أعيش

ردّها

ملت عيوني من بكاها

من سهرها

من شقاها

ردها وان ما قدرت

(معْــك خذني)



رعبوبه

الله من قلب العنى يانسيبي = عيا يطاوعني وانا ازريت لا ارضيه
يتلني تل الرشا بالقليبي = وانا العطيب اللي زمانه لعب فيه
كنك تمله فوق صالي اللهيبي = قلبٍ على الخالق لك الله مشاكيه
توي شباب وقرب الوقت شيبي = وقتٍ سرابي واتعبني مساريه
من حر ما اونس ياغناتي غديبي = وكثرت عليه ياالنسيب المشاريه
وفي كل مجلس يانسيبي حكيبي = ولا احدٍ درى قلب العنا ويش خافيه
رحت الطبيب وقال جرحك عطيبي = واللي سواة جراحكم ما نداويه
ماهو هوى همي لك الله غريبي = شئٍ يشيب الراس من حس طاريه
ثارت عليه بندقٍ من قريبي = من راميٍ صاد الهدف قبل يرميه
لولا الحيا لاشق ياخوك جيبي = واجاوب الورقى بصوتٍ تغنيه
يردني عن بعض الانذال طيبي = واللي خطاة اللاش ماني مراعيه
وعليك ابشكي حالتي ياعتيبي = ياالنادر اللي عالياتٍ مجانيه
عقب الحرار مطوعين الصعيبي = اللي اعتلوا من سلم المجد عاليه
ربعٍ الى لاقى حريبٍ حريبي = يبشرون الذيب باللي يعشيه
ياحظ من هو من عتابه قريبي = انشهد إنه ياولد تربت يديه

حسن المحمدي

لاواعذابي من غزال (ن) لمحتـه = وأنا مصيف في عروس المصايف
ماكنه الا البـدر والارض تحتـه = يالايمي ليتك بما شفـت شايـف
ياداعج العينيـن قلبـي جرحتـه = كنه معرض للسيـوف الرهايـف
لولا(الحياء) منك سؤالي طرحتـه = لأي القبايل تنتمـي والطوايـف
كتبت عنواني وقمت ومسحته!!!! = وعرفت مانته للأمور السخايف!!
وكبرت في عيني وقلبي فتحتـه = ودخلت فيه وموقعك فيـه كايـف
يالله ياللي كل زيـن(ن) منحتـه = تعيـد لقيانـا ونصبـح ولايـف

الحبابي

احبك

رغم الضجيج

احبك

واهتف باسمك

واكتبه

على مداخل قلبي

إن طالت

غيبتك

وانت بعيد

كان الفراق

همك

وأناديك

بشوق

وتموت

لهفتك

وارسم

في خيالي

صورة

من خيالك

فأنت حبي

والحب عهدا

لا يكون لغيرك

كلماتي

أحاسيسي

قلبي

كل ذاك

يهتف باسمك

كأنك ....

أترقب قربك

واراك ..... لروحي

أتعبد في محرابك

وأنا صريع العشق

غريب عشقك

من أنت

لتأخذ روحي

رهينة عندك

لتقتلني بحبك

وأنا احبك

ما يكون حبك

يا من يبدأ

بحرف مجهول

اسمك

أسألك

من أنت

لينحت بذاكرتي

خيالك

لتصرعني

في الغرام

كأنك .....

أصبحت ملك




محمد خميس

يموت الحب في قلب الحبيب ولا يموت رجال = خطاك السو يارجلٍ عـذاب الحـب بعيونـه
نضحي بالمحبه لجل عين الخيـل والخيـال = وقلب العاشق الصادق ترا ماخابـت ضنونـه
قلوب اهل الهوى بحمولها هم وحزن تختـال = وراع الحب لو يكتـم لـزوم يبيـح مكنونـه
محبتهـا بقلبـي ثابتـه فالحـل والترحـال = مثل مجنون ليلى صرت انا هالحين مجنونـه
يضيق الكون في عيني ودمعي فوق خدي سال = على طاري هوا بالي يجـدد قلبـي حزونـه
جريح الحب يشكي يوم صبره فاليالي طـال = شكا رمح الهوا اللي كل يوم يجـدد طعونـه
غريق الحب غارق في بحر حبٍ بليـا جـال = يصيح ويشتكي والناس عيـوو لا يشكوونـه
يقول ان الغلا فالقلب يالحلـوه تـرا مـازال = عسى يفداك يالحلـوه ثـلاث الاف مزيونـه

@ عبدالعزيز @

ياللي تنشد عن اخبـاري وش آخرهـا = انا اللي اسالك وش هي تالي اخبـاري
تسال عن الحال وانت الحال خابرهـا = والروح من عام ... حتى عامنا الجاري
ملكـك وبيـدك وتنهاهـا وتامـرهـا = وشلون تسال عليها في جسـد عـاري
ماتعمى الابصار بل تعمـى بصايرهـا = لاتعمـي ابصارنـا يالواحـد البـاري
موجز للاخبـار واشعـاري تسطرهـا = ولاجلك باسمي تخاريفـي بالاشعـاري
اخباري افكار طـول الوقـت ادايرهـا = واربع وعشرين ساعة صرت سهـاري
وسرت بي لديـرة ضامـت لزايرهـا = ليت الثرى ضمني من قبـل مشـواري
غريب ظلـه مـن الديـرة عمايرهـا = شمسه بدت بالكسوف وحرها ضـاري
عينه علـى شوفهـا هلـت عبايرهـا = حتى فضح دمعها ماتخفـي اسـراري
طاف الشوارع وعـذره قـال امترهـا = تكليـف ومطالـب بتنفيـذه اجبـاري
وبرغـم هـذا ورب البيـت عاذرهـا = وتعرف مقدارهـا واعـرف مقـداري
ولاجل التي بالحشـا شبـت سعايرهـا = شبت وشبت وشبابي ضاع يامشـاري
المـر باستعذبـه و الـروح اصبرهـا = وعن حبهـا مانويـت اقـدم اعـذاري
ماهو على شان والا لاجـل خاطرهـا = الا تحت حكم هاللـي بالحشـا سـاري
عسى السحابة تهـل بعـذب ماطرهـا = واعزف لها انشودة الفرحة على اوتاري
يالربع انـا قمـت اسندهـا واحدرهـا = المعـذرة عـاد وانتـم مثلـكـم داري
ماعرفش لكـن عسـى ربـي يدبرهـا = لو ان ماعـاد باقـي للامـل طـاري

وافي