اسمك بالبلوتوث ونغمة جوالك - الصفحة 3

**سديم** ● · 25 / 04 / 2006, 10 : 08 AM

اقتباس:

المشاركة الأصلية كتبت بواسطة البداح

كلامك هذا اللي يزعلني

قسم بالله تمونين ياسديم

اهم شي انك تضحكين

صدري اكبر من وادي الرمه

الله يسلمك .. البداح ..

مدام ان صدرك كبر وادي الرمه يمديني امزح بالراحه من بيتنا للـــــ غربيه

بس تعرف لي صرت اول مره تمزح مع شخص ماتعرف مدى تقبله فتعتذر من اولها احسن
.

.

فيولتا

معليش طولي بالك طولي بالك لاتعصبين

ولانا طولنا بموضوعك بقولك على نغمه ثانيه توني حطيتها

ابيات لـ حمد السعيد

العام كانو لي من الاصحاب ميه = وقت الرخا لكن جفو بالنوايب
لاهنت ياقلبٍ شكا من خويه = كم راس ن طعنات الايام شايب
مرات اقول ان الخبل يا هنيه = ولقيتهم يشكون ظلم القرايب
مرات اقول النذل لارحم حيه = و اثر النذل في بعض الاحيان صايب

.

.

**مبارك القحطاني** ● · 25 / 04 / 2006, 52 : 09 AM

سديم

سوال هو اللي طش نفسه وانا ماتعرضته

يمديني امزح بالراحه من بيتنا للـــــ غربيه

ســــــــــــــــــــين واحــــــــــــــــد

ليش اخترتي الغربيه ليه ماقلتي اي ديره غير الغربيه؟؟؟؟؟؟؟؟؟؟؟؟؟؟؟؟

اتمنى الرد السريع ياسديم

**,؛, جـنـــان ,؛,** ● · 25 / 04 / 2006, 52 : 12 PM

اقتباس:

ليش اخترتي الغربيه ليه ماقلتي اي ديره غير الغربيه؟؟؟؟؟؟؟؟؟؟؟؟؟؟؟؟

لأنها أكيد بالشرق .. قصدي بالشرقيه
ههههههههههههههههه

**فيولتا** ● · 25 / 04 / 2006, 38 : 04 PM

هلا وغلا بسديم

كلك ذووق بالعكس يسعدني مرورك خذي راحتك

تقديري لك

**فيولتا** ● · 25 / 04 / 2006, 40 : 04 PM

هلا سحابه

ممنوع الاسرار

قولي ولا بعلم هههههههههه

تقديري لك

**مرتاد الافق** ● · 27 / 04 / 2006, 58 : 01 PM

iwandered lonely as a cloud

هذي قصيده على ما اظن انها ل William Wordsworth

الادب الانجليزي عامل عمايلووه حتى بالبلوتوث

انا بلوتوثي
احيانا احط اسمي
او احيانا فــلــها وربـك يـحـلـهـا

وعلى الطاري مرره من زمان شفت واحد حاط
عندما تغرد البعارين
على وزن المسلسل القطري اللي برمضان عندما تغرد الزهور

**فيولتا** ● · 30 / 04 / 2006, 45 : 03 PM

مرتاد الافق هلابك

اكيد يعمل عمايله لانه معانيه حلوه

حلوه عندما تغرد البعارين ههههههههههه

احيانا نلقا اسماء عجب

مثل دايخ في عالم بايخ

شارب بيره مضيع الديره

نمله ضايعه

شاربه ببسي ومدلعه نفسي

عاطل والعقل فاصل

كراعين نمله

الزم حدك لالعن جدك

شكشكه

خير فيه شي هههههههههههههههه

ههههههههههه

عجايب بالبلوتوث

اسعدني مرورك

تقديري لك

**مبارك القحطاني** ● · 06 / 05 / 2006, 51 : 11 PM

قبل اسبوع وانا في مطار الرياض مسافر على رحلة الدمام ابي الحجز يتأكد ومافيه وقت

نزلت تحت عند المكتب ابغى حجزي يتأكد وانا نازل مع الدرج مشوت وحاط رجلي مابقى إلا عشر دقايق عن الاقلاع

والله وما أدري إلا الجوال اللي معي تقريبآ اربع سنوات ورفيق دربي مطبح قدام عيني إلا وهو مية قطعه ابي اشغله مافيه امل بشتغل

والله وروح على المحل اللي فالدور الاول ودخل على قسم الجوالات

قلتله ماعندك العجيب قال وهو يضحك لا والله ماعندي هذا الجهاز

وقلتله وش عند من الاجهزه المطوره قال عندي الدمعه والفارس و إن سبعين

وشتريت ان سبعين

وحط الشريحه فيه

وسميت البلوتوث

ابي العجيب ولا بحط جوالي بالحليب

عطوني اسماء حلوه عشان احط لاسم في البلوتوث

تحياتي

**غريب الدنيا** ● · 07 / 05 / 2006, 05 : 02 AM

النغمه .. بيت شعر للامير خالد الفيصل
اسمي في البلوتوث .. واحد من الناس

**لمياء** ● · 07 / 05 / 2006, 28 : 05 AM

السلام عليكم ورحمة الله وبركاته

فيولتا

موضوعك رائعـــــــــ ...

انا نغمتي ( الموت الأحمر) لحربي العامري
واسمي بالبلوتوث رارا

اقتباس:

وعلى الطاري مرره من زمان شفت واحد حاط
عندما تغرد البعارين

زي اخوي

تشكراتي وتقديراتي لكِ...