العيد حل وله الحين يومين من حل .... والى الحين حبيبتي ما عايدتني

**طارق** ● · 01 / 10 / 2008, 46 : 12 PM

العيد حل وله الحين يومين من حل=والى الحين حبيبتي ما عايدتني
يقولون العيد فرح وسرور!!.. طل=وين الفرح ؟! وحزني على متني
الناس تفرح وتعايد حبايبها والكل=باين عليه.. وانا السعادة أخطتني
باقي تالي اليوم وباكر ان ما مل= خاطري ... وحظوظي ساعدتني
ويل حالي كان يومه الثالث .. زل=ولا جــت عزالله إن الايام قهرتني

الله يجيبها ..

**أبو خـ البجادي ـالد** ● · 01 / 10 / 2008, 13 : 02 PM

العيد حل وله الحين يومين من حل
والى الحين حبيبتي مـا عايدتنـي

الله الله عليك طارق

العيد حل وله الحين يومين .. يا سلام يا طارق

ان شاء الله انك تحظى بعيد الأحبة ويرتاح قلبك

صح لسانك سيدي ..

أبيات جميلة واكبت العيد السعيد ,

وكل عام وحضرتك بخير بين الأهل والحبايب ,,,

**طارق** ● · 01 / 10 / 2008, 02 : 03 PM

يالله ان تحيي ابو خالد
صح بدنك يالغالي

والله يسمع منك
حضورك فال خير يالطيب
شرفت متصفحي لاعدمتك

والله يجيبهم

دمت بصحه وسلامه
وكل عام وانت بخير

**الشامخة** ● · 01 / 10 / 2008, 54 : 04 PM

كل عام وانت بخير

يمكن عندها ظرووووف!!

**طارق** ● · 01 / 10 / 2008, 20 : 05 PM

أختي الشامخه ياهلابك
وكل عام وانت بخير

عندها ظرووووف؟
يمكن

ايييييييييه الله يعين على الظرووف

يقول :

كل ما قلت اجتمعـنا تفرقنـا الظــــروف ..... لين غابت عن عيوني ماعاد اشوفهـا
وادعتني قبل تمشي بنطق اربع حروف ..... وتركتنـي ليتــــهـا طوّلـت بوقـوفـهـا

أربع حروف
أ
ح
ب
ك
ليتها طولت بوقوفها
.
.

وياعسى الظروف تزول
الله كريم

حياك أختي
شرفتي يالغاليه

**طارق** ● · 01 / 10 / 2008, 34 : 10 PM

اقتباس:

المشاركة الأصلية كتبت بواسطة طارق

العيد حل وله الحين يومين من حل=والى الحين حبيبتي ما عايدتني
يقولون العيد فرح وسرور!!.. طل=وين الفرح ؟! وحزني على متني
الناس تفرح وتعايد حبايبها والكل=باين عليه.. وانا السعادة أخطتني
باقي تالي اليوم وباكر ان ما مل= خاطري ... وحظوظي ساعدتني
ويل حالي كان يومه الثالث .. زل=ولا جــت عزالله إن الايام قهرتني

الله يجيبها ..

*
*
*
*

وجابها الله ولله الحمد وجت

جت بيدها باقة الورد وقلادة الفل=خطواتها تسبق انفاسها وعايدتني
من فرحتي فــزيت وطحت متكعبل=وشهقت شهقة بانفاسي أشرقتني
ضحكَت هههههههههه وسمّت علي= ههههههههههههههههه :
وقالت عيـدك مبارك يا حبيب الكل=واهدتني باقة الورد والفـل قلدتني
قلت يا بعد عمري انتِ الكل بالكل=اليوم عيدي يوم ايدك ... صافحتني
أحبك يالحبيبه ياريحة الورد والفل=وضميتها على صــدري واحضنتني
وهاديتها قلادة لها سلــسال مفتّل=قالت أحلى هدية شوفتك واحرجتني
ساءلتها وينك ؟! ... ياحسين الدل=عتـاب حـــرقة الحـــب اللي كوتني
جاوبتني متأسفة وقالت .. ال.. ال=ثم قالت ظــروفي الطارئه منعتني
عرفت السالفه وقلبي عليها انهبل=وجلسنا نكمل سوالفنا و............

والبااااااااقي مشفر ههههههههههههه
والله يديم الوصل بين الاحباب

***فواز*** ● · 02 / 10 / 2008, 53 : 04 PM

طارق..

صح لسانك وعلى شانك..

أبياتك فيها إحساس قبل أن تأتي بس من يوم جاتك مادري يمكن من فرحتك ما أتقنت الوزن..
عموما تعبير عن مابخاطرك وصل وبعفوية وصدق..
وكل عام وأنت وهي بخير..

بس يا أستاذي..
ليش ماتكون الأربع حروف ((ظروف))..مثل ماقالت الشامخه..

اقتباس:

جاوبتني متأسفة وقالت .. ال.. الثم قالت ظروفي الطارئه منعتنـي

ويمكن بيتك ذا مبرر لغيابها..

المهم..
زين انها جات مابغت تجي..

طارق..
سعدت بوجودي هنا وراقني ماصورة وأعتذر عن المداخلة..
كل عام وأنت بخير سيدي..

**طارق** ● · 02 / 10 / 2008, 24 : 06 PM

اخوي فواز الغالي

كل عام وانت بخير

تشرفت بتواجدك هنا

ياخوك لا تواخذني وترا من الاصل انا من جنبها وماني بشاعر
لكن القريحه القشراء فاضت وكبينها هنا ههههههههههههه

اما الاربع حروف كلن وماجاه هههههههههه والوقع يختلف وانت وتقديرك والكلمه وتأثيرها
ياعساي مانحرم مرورك وتشريفك دائما

وياهلابك
والله يسعدك دايم الدوم

**سديم** ● · 02 / 10 / 2008, 57 : 07 PM

بشر... !؟

<< متأثره ههههـ

صح لسانك طارق

الله يجيب كل غايب
.
.
.

**طارق** ● · 05 / 10 / 2008, 39 : 03 PM

صح بدنك ياسديم

آمين

والله لا يحرم كل حبيب من حبيبه
............................ ويطـــفي باللقاء نار كل مشتاق
آمين.. ويسعد كل انسان بنصيبه
............................ ولا يكتب بعد اللقاء بينهم فراق

*
*

وياحياك ياسديم