اكيد الكثير منكم يقول ان صالونات الحلاقة الرجالية صارت تعتني بهذي الشغلات
بس بعد ما سمعت تجارب زوجي واخوي مع صالونات الحلاقة
اكتشفت ان كل اللي يسونه غلط
تخيلوا يسوون لهم بخار ومن ثم ماسك على طول وبعدها فوطه حاره وخلاص
وهذي الطريقة غلط
لازم بعد البخار مقشر ومن ثم ماسك وما يصير تكون آخر خطوة فوطه ساخنه لأنها تفتح المسام
مسألة العناية ببشرة زوجي صارت اختصاصي انا
لا تقولون هالشي مو مهم بالعكس الرجال تهمهم هالمسألة وزوجي فرح جداً من اهتمامي بهالنقطه
مع انهم في البداية يكونون مملين ويسئلون عن كل شي بس استحملوهم
يعني تنظيف مره بالأسبوع قبل الحلاقة ضروري
وانا بتكلم لكم عن طريقة العناية الشهريه :: فرصة للدلع::
جهزي مكان حلو ومرتب
واذا كان حمامك واسع فهو الأفضل
خلي الأضاءه هادية وحطي شموع لأن الرجال بيكون تعبان واعصابه مشدوده من الشغل والعيال
جهزي كل الأدوات والمناشف
ولا تنسين تلبسين فستان قطن نعووم
وارفعي شعرك بطريقة حلوه ومرتبه
وصدقيني بتكون فرصه للعناية ببشرته ودلعه بنفس الوقت
المهم جهزي له القعده مثل ما تحبين
ولا تنسين تحطين ملة او وعاء فيه ماء ورد وقطع ثلج واضيفي الورد الجوري
ارفعي شعره بالـ head band
نظفي وجه بأستخدام الغسول او الصابونة طبعاً غسولهم غير عن اللي نستخدمه
بعدها سوي له بخار للوجه
وبعدها استخدمي له المقشر
مديه على كامل الوجه و سوي له تدليك على وجهه بحركات دائرية وركزي على منطقة الجبهه والأنف والذقن وقريب الأذن
وانتبهي لو كان شعر ذقنه طالع راح تتعبين معاه وانتي تسوين المقشر وتفركينه بطريقة عكسية لأنها تجرح الوجه بس حاولي تسوينها بخفه ونعومه
تذكرين الوعاء اللي قلت لك تجهزين فيه ماء ورد وقطع ثلج و ورد جوري
خذي هذه الأسفنجه او الليفه المخصصه للوجه
نقعيها بالوعاء وابتدي امسحي المقشر عن وجهه
بعدها حطي الماسك اللي يناسب نوعية وجهه
واتركيه 10 دقايق او حسب مدة الماسك
في هذي الفتره ممكن تسوين له مساج لكتفينه
حطي بكفيك زيت للمساج وامسحي على كتفينه
او على حسب الريحة اللي يفضلها والافضل اللافندر لأنه يهدي الأعصاب
ودلكيه بأحد هذه الأدوات
والأفضل لو بيدك
ولا تنسين تحطين له
قناع العين المجمد عشان يريحه
بعد ما تخلصين
امسحي الماسك وحطي له مرطب للوجه
لا تنسين منطقة العين والشفايف هم تحتاج لعناية
قشري الشفايف بمقشر ناعم مخصص لشفايف وبعدين رطبيها
وللعين استخدمي
مرطب
وانتي براحتك لو تحبين يكون مضاد للتجاعيد او مريح للأعصاب او يعلاج الهالات السوداء