من وحي الثراث...قصص واقعية

يسلمك ربي .. سند ..

راكان اكيد ماعاد تاسعه ارض ولا سماء




هذي قصيده لواحد اسمه خالد .. مرض وقالو له الاطبه انه بيموت من هالمرض فكتب قصيده يوصي صديقه ..

وصاتي لك من بعـدي تموت فيهـا علشانـي = ابيها تعيش و تحيا بك واظل بالذاكره مفقود
وصاتي لك تنسيها ملامح وجهي و تنسانـي = وتعزفها قصيدة حب على عكس اللي عزفته بعود
وصاتـي لك تبعدهـا عن اشـعـاري وقيفانـي = تراها مغرمة بالحيل ويشهد لي عدد الردود
وصاتي لك تسايرها ترى فيها من احزاني = طلبتك لايضيق بالك طلبتك والطلب مردود
وصاتي لك تناديها حياتي..عمري..ازماني = انا عودتها دايم ادلعها وانا موجود
وصاتي لك تعاملها بطيبه قلب و احساني = تراها تذرف الدمعه ودمعتها بليٌا حدود
وصاتي لك تحفظها سور وآيات قرآني = وتخبرها عن الميت رحل لايمكنه بيعود
وصاتي لك ترسمها على قبري وأكفاني = ابيها لوحة تبقى على طول الزمن محدود
وصاتي لك تمازحها وتشوف الضحكة بأسناني = سعيتك ياضحك هالكون طلبتك لاتصير جلمود
وصاتي لك تقهويها من دلالي و فنجالي = تراها تعشق السمرا ويكفيها دخون العود
وصاتي لك تركبها على خيلي و على حصاني = وربي فارسة من قلب شهادة ماهي لشهود
وصاتي لك تسفرها بلاد الشام و لبناني = ترى يحلالها تقطف ورده وردة من بلد الورود
ترى فيها عرق خالة وفيها من جنون السود = وتنسيها ندم غلطة انا فيها ترى المقصود
وصاتي لك تكرهها في تاريخي و عنواني = أبيها تلعن اللحظة وتلعن كل فرح موعود
وصاتي لك تكلمها عن المجني وعن الجاني = وتخليني انا الظالم وانا من حرق الاخدود
وصاتي لك تشبهني بدم أحمر قاني = وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني = ترى يكفيها ماعانت ويكفي حيلها مهدود
وصاتي لك تنسيها وصية قالها لساني = أنا اخبرك رجل موقف وانت قدها وقدود
صديقي مالقيت غيرك يعرف وشلون تنساني = أمانه ضمها بقلبك ترى خالد....رحل مايعود

بسم الله الرحمن الرحيم


السلام عليكم ورحمة الله وبركاته



سديم الكون

قصيده رغم الحزن والألم الذي فيها

بس رائعة بمعانيها

وتدل على قلب الشاعر وحبه الصادق




شكراً سديم

العفو .. سند ..




جرت هذه القصه على دخيل البلالي من بني سالم من حرب ..

كان له جاره من قبيله مطير توفي زوجها في احد الغارات ولم يترك لها سوى ابن صغير السن ، و في احد الايام

اراد البلالي ان يغزو بعض القبائل المعاديه ، فاراد الصبي ان يرافقه و حاول البلالي ان يعتذر له عن ذالك لصغر سنه

ولكن الصبي اصر على طلبه كما ابدت امه رغبتها ايضا في اشتراك ابنها بهذه الغزوه ليتعلم و يتدرب على الغزو

و القتال ولم يجد البلالي بدا من الموافقه تقديرا لجيرانه

و حرصا من ام الصبي على ابنها الوحيد فقد جاءت للبلالي لتوصيه وتؤكد عليه ان يحرص على ابنها ، و توسلت

اليه ان يعتبره امانه يحافظ عليه كما يحافظ على اعز ابنائه

و اراد الله ان يقع البلالي و الولد في يد رجال ابن رشيد ، فاحضروهم اليه ، ولما اوقفوهم امـام ابن رشيد قرر

قتلهم فحاول البلالي ان يمنع قتل صاحبه لانه امانه معه ..

فقال لابن رشيد : يا طول العمر هذا ابني وهو غلام كما ترى و والله انه وحيد امه

و بتموت ان جاها خبر مقتله ، اما انا فهذه رقبتي فقتلني

و استجاب الامير لتوسلاته و اكتفى بقتله و امر بأخلاء سبيل الغلام .. ولما رجع الولد اخبرهم بالقصه

و يقال ان ابن رشيد ندم على قتل البلالي لانه رجل شجاع و لكن فات وقت الندم

اما والدة الصبي فقد تاثرت كثيرا و اعجبت بفعل هذا الرجل الشهم ، لكنها لم تجد الا الشعر لتكافئه به ..

والشعر يعتبر وسام لشرف و نوط التقدير عند العرب .. ..

فقالت .. ..

البارحه عيني حريبٍ لهـا النـوم = تسوقها لوعـات غُبـر الليالـي
لكن في عيني حزازات و هـزوم = انحب ولاني في نحيبـي لحالـي
صار القضا اللي جرى شي مقسوم = الله يبيحـك يـا دخيـل البلالـي
مرحوم ياغيث المساكين مرحـوم = اللي فدا بروحه شريـدة عيالـي
الاجنبي في قصرته دوم محشـوم = ابدي عليه من الرفيـق الموالـي

بسم الله الرحمن الرحيم


السلام عليكم ورحمة الله وبركاته

مرحوم ياغيث المساكين مرحـوم
===اللي فدا بروحه شريـدة عيالـي

الاجنبي في قصرته دوم محشـوم
===ابدي عليه من الرفيـق الموالـي

قصة تدل على شجاعة ووفاء ليس غريب على الاجواد



سديم الكون

يعطيك العافية

وسلمت من كل شر

واصلي الإبداع والرقي

ولك كل الشكر والتقدير

السلام عليكم ورحمة الله وبركاته

يسلمك ربي ويعافيك سندنا



صقر النصافي و الذيب

كان الشاعر صقر النصافى رحمه الله واسع الخيال وجزل المقال

وقصيدته هذي جت باسلوب جديد وفكره حلوه لما تخيل انه صادق الذيب .. وصار يحكي معه و يرد على لسانه



النصافي

يا ذيب وش علّمك تهيض السانى = بعواك يوم ان المخاليق غافين

الذيب

انا بلايه قو جوع حدانى = الليل قمرا والضوارى فواطين

النصافي

ياذيب حسّك فى منامى شعانى = لولا الحيا جاوبت صوتك بصوتين

الذيب

عزى لمن مثلى جداه اقنبانى = ماله جدا والناس ما هم بمعطين

النصافي

ياذيب ياللى بالخلا ما تدانى = ما شفت لى حول الثميله ابويتين

الذيب

مريت لى بيتين يا مودمانى = عنها شمال وفى ظبطها مقيمين

النصافي

ياذيب ما قاربتهم باختلانى = يا كود تبخص فى فريق اريش العين

الذيب

انا الذى من شاف زولى نحانى = ما احرزت اجيهم خابر غيبهم شين

النصافي

يا ذيب ما عينت صافى الثمانى = عند الغنم والاّ يرد البعارين

الذيب

انا ما اعرف الصاحب المرحبانى = والناس واجد والعذارى مزايين

النصافي

ما رّيته ياذيب عوده ليانى = والنور بين اقذيلته والحجاجين

الذيب

هذاك انا قبل امس شفته وجانى = من كثر دمعه محفى محجر العين

النصافي

الله يوفقك الشياه السمانى = من مال كرهين الوجيه البخيلين

.








.

السلام عليكم ورحمة الله وبركاته


سديم الكون


ربي يسلمك ويعافيك


كل الشكر والتقدير


على جهودك الرائعة في انحاء الوئام


دمت بخير