الناس وفوضه الانفاس !

السلام عليكم ورحمة الله وبركاته



سبحان من خلق هالناس

افعالهم تُصدِّق مايقال عنهم

عرفت ان اللسان يظهر مايبطن الانسان

سواء بقصد او بدون

:

:

موقف ( 1 )



هلا والله بقنوعة وام قنوعه

هذي الساعه المباركه اللي نشوفكم فيها

- تسلمين ياام فهد .. الله يبارك فيك

شخباركم شخبار العيال والاهل ومن يعز عليكم

-بخيريالله لك الحمد والشكر

الا شخبار وليد اختك ياقنوعة ؟

-الحمدلله رجال بسم الله عليه

ياقليبي والله وشلون قدرت امه تتركه مسيكين

الحمدلله على كل حال كلها سنه وبترجع له

سنه ! الله يعينه والله المسيكين صدق بيفقد حنان امه وووو

-الله المستعان .. الله يصبرها هي والله هي اللي فاقدته ولا هو صغير مايدري

ياويلها من الله وشلون تتركه بس ! انا بنتي يوم سافرت 3 ايام وهي مهيب معي ماقدرترجعت واخذتها

- الله كريم .. كلِ وظروفه

والله لو اني منها ما اتركولدي مهما كان ؟!

:

:

وااااااااااااااا بسسسسسسسسسسسسسس اصارخ يعني اقطع عمري

ولا اقوم ولا وش اسوي

بتلت هذي سالفتها

وزع ناس فاضيه من جد

اكره التصرفات الغبيه اللي مثل كذا

خلاص يكفي قرقه كل ماشافتنا فتحت هالسالفه

الناس ادرى بظروفهم واللي يناسبهم

بعضهم ينصب نفسه مصلح اجتماعي بالقوه !
:

:/

/:

:

موقف ( 2(



حيا الله من جانا

- الله يحييك

زارتنا البركه والله .. شوفتكم ذكرتنا بالغاليه

- تسلمين والله .. الله يردها بالسلامه

شخبار وليدنا عساه طيب

- الحمدلله بخير وصحه وسلامه يالله لك الحمد والشكر

الله يجزاكم خير والله .. ويثيبكم على تربيته

- جزاك الله خير جزاك الله خير

ياقليبي يا امه تلقينها الحين مشتاقه له .. الله يصبرها ويعظم اجرها

-الله المستعان ... قلب الام مايحتاج من يقول عنه شئ

صدقتوا والله .. الحمدلله على كل حال لعله خير لها .. سنه بتفيدها ومهيب ضارته ان شاء الله

- الحمدلله على كل حال ..

:

:

فررررررق وش جاب لجاب

والله اني حبيت هالانسانه اكثر بعد هالموقف

كبرت بعيني

وتعلمت منها درس كبير

اني اقول خير ولا اسكت ازين لي

:

:

سبحان الله العظيم .. كلمه بسيطه نقولها مانحسب حسابها

لكنها تترك اثر على سامعها حتى لو مابين لنا وقتها

وشئ ثاني .. ليه الناس يتدخلون في حياة الناس !

من جد ليه !

وش يهمني اذا عرفت انه صار كذا ولا كذا

قالوا كذا وفعلواكذا

تصرفوا كذا ولا كذا

طيب حياتهم وهم حرين فيها

هم ادرى بظروفهم والشئ اللي يناسبهم

اما ناخذ طرف العلم ونبني عليه حكمنا

خطأ .. والله خطأ

:

:

عمرالعلم وحده مايرفع منزله الشخص وفكره

اما اذاقُرِن بالايمان فخير على خير

علم وايمان يالله من فضلك الجنه

الموقف الاول صدر من شخص متعلم وفاهم

بس حقيقه مدري وش تبي !

والثاني من شخص احسبها والله حسيبها من اهل الخير والصلاح

فـ شتان بين هذه وتلك !


/
\
/

هل تعرضتوا لمثل هالمواقف !
برأيكم ايش التصرف الصحيح في هالموقف !
والاهم .. كيف نقطع هاللقافه من مجالس الحريم

هههههههههههههههههههههههههههههههه
لا لا تقطعين عمرك وعلى ايش؟!!

	هل تعرضتوا لمثل هالمواقف !

كثيييييييييييييييييييير

	برأيكم ايش التصرف الصحيح في هالموقف !

ابتري انتي السالفه ليه تعطينها جمله طويله وتجارينها
كلمة الله يعين وتسكتين
او يعينها ربي وبس
او جزاك الله خير وبس
تكفي
بتقول جمله ثانيه وردي نفس الرد
جمله ثالثه ونفس الرد
و
بتسكت


بس برضه راعي الشخص
اذا هو طبع اصلا فيها
يعني هي كذا مع الكل
كببيرة سن مثلا او كثيرة كلام
الطريقه السابقه ناجحه

اذا لا.. مو طبعها اعرف انها فعلا سألت من اهتمام فأحاول اعطها اجابه وافيه تسكتها
اذا والله لا ذا ولا ذا ابدي انتي
قولي لها الا صح فلانه وش اخبارها؟ ولا اليوم صار
وصدقيني بتنسى سالفتها اللي على طرف لسانها

	والاهم .. كيف نقطع هاللقافه من مجالس الحريم

مستحيل
هذي فاكهة مجلسهم ياقنوعه وللاسف


احمد الله اني ولا امي من هواة مجالس الحريم
وقليل جلوسي معهن


قنوعه:
يعطيك العافيه
واعانك المولى
وبارك المولي في قلمك

وعليكم السلام ورحمة الله وبركاته

صحيح مواقف تحصل حتى في مجالس الرجال

يمكن نسمي هذا .. الإحساس بالنقص وتكملته بالتدخل

في شئون الغير فهو مخلوط بين الفضول والمجاملة

والغيرة أحيانا بعد التمهيد لها بالسؤال المنمق عن الأحوال

حتى شد الإنتباه ثم التقمص لثوب الناصح والمرشد الإجتماعي

ولكن كلها بأساليب الغباء ...

طبعا تبقى هذه المواقف تحمل طابع الأنانية أو اللقافة إن صح التعبير ,

شكرا قنوعة .. ونعم هذه المواقف مجودة منذو القدم وحتى الأن ,

يعطيك العافية ,,,

ياصباح الطرطعة..
والله ياقنوعة ياامثال الاخت القرقر واجد..
وكله كوم واذا كانت القرقر من الاهل القريبين بالحيل..

اما اذا صارلي مثل هالمواقف فكثييييييييييييييييير..

وعلى حسب الشخص يكون موقفي..

يااني اعطيه جوه ومجرد مايجد فيني نبرة الاستسلام في الكلام وانا عن الاستسلام بعيدة يقف عند هذا الحد..لانه اراد ان يحطم شئ فوجده محطم ..

او اني اخربها واعميها واحوس الي تكلمت وتكره ابو اللحظة الي فكرت انها تتكلم فيها..

واحياناًاقوم من المكان اذا السالفة مره تقهر وماتقدرين تتكلمين خوف من انك تغلطين ولان في المجلس حريم كبار..

اما عن كيف نقطع هذا اللقافة..
ياخيتي حتى لو قطعتي السنتهم بيسولفون بعيونهم وايدينهم..
الحريم ماتقدرين تمنعينهم عن الهرج والمرج ..وللرجال نصيب من الامر..

صباحك ورد ويسعد ربي ايامك ياخيتي..

السلام عليكم


بالنسبة لي تصادفني الكثير من المواقف والسبب هو وضعي
بعد وفاة أمي وابوي الله يرحمهم ويسكن روحهم الجنة
طبعا اسكن انا واخواني
والناس ما يتركونا بحالنا ... خاصة القربين منهم
وعينك ما تشوف الضغوط النفسية
المنفذ الوحيد لي البكاء ..
شوي وارجع طبيعية واقفل كل باب ممكن يجي منه تعب لي ولاخواني


ولا تنسى قنووووووعه
رضى الناس غاية لا تدرك
ودائم الناس تدور على منفذ لتفريغ شحنات الكلام اللي عندهم ...؟؟

موضوع شيق وواقعي

الله يعطيك العافية

حيا الله شروق هانم : )

يختي وش فاكهه المجلس وقسم يكرهون الواحد في الروحه لهم
اذكر وحده الله يذكرها بالخير تدق على البيت وهات ياتحقيق
من جاكم وين بتروحون تدرين وين فلانه علانه متى راحت
واذا هلكتك من الاسئله قالت مع السلامه !!

هلحين عرفنا لهم معد نرد على التلفون اذا دقت : )
من جد حاله صعبه وطبع شين

صح اذا كانت مهتمه وقلبها عي ممكن اجاوبها
اما اللي اشوفها من فتره لفتره وتسألني عن ادق الامور لا وابشرك تناقش فيها وتتحمس وتحلل وتعطي حلول وغصب اسمعيها !
الله يرحم الحال بس

احلى شئ اذا كلمت عمتي بس تسمعين حلوف اني بخير واهلي بخير
والله طيبين الحمد لله خبير والله بخير ايه طيبين بخير والله بخير
خخخخخخخخ طبعا ذي رد على دش الاسئله عن الحال والاحوال عن العائله كامله وبالاسم فرد فرد : )