لا تنسون بكرى سندوتش ألطحينية

السلام عليكم ......صبحكم بالخير ...أو مسيكم بالخير .... على حسب الوقت اللي بتقرون فيه هذا ألموضوع أللي اعتقد أنه بيضيق صدور بعض ألناس .....
ألمهم ندخل في ألموضوع ( دغري ) ......الله يسلمكم من كل الشر ، ألموضوع وما فيه طال عمركم ...ان بكرى دراسة ...يعني معناها ان النفسية من الآن الله لا يوريك ( نعال ) تكرمون ...ويا ويل اللي يكلمهم ويقولهم شي (( طبعاً أللي عندهم مدرسة بكرى ))

عموماً ماعلينا ....تدرون وش أللي يضيق صدري في أول من أيام ألدراسة .... طبعاً ماتدرون ؟ .... أنا ابقولكم .....أللي يضيق صدري ...اذا جاء في الطابور من اول ايام الدراسة ... وتلقى نص الطلبة نايمين والنصف الثاني نفسيتهم تعبانة ..... ويجيك ألمدير (( لا فض فوه )) ....ويلقي كلمة بمناسبة بداية العام ألدراسي ألجديد ..ويقول في بداية كلامه (( أبنائي الطلبة أهنئكم ببداية ألعام الدراسي ألجديد )) ... هذي الكلمة اللي تقهرني ....وتجيبلي ألصمرقع .....ألحين الطلبة جاين ألمدرسة والنفسيه لك عليها .... وهذا جايني يقول أهنئكم ببداية ألعام ألدراسي الجديد ....(( والله بغبسة ))

عموما ....لا تنسون بكرى السندوتشات (( سندوتشات ألطحينية )) ......الله يذكر ألوالدة بالخير ويطول عمرها على ألطاعة ، ووالدينا ووالديكم ......الوالدة كانت تصلحلي سندوتش طحينية في ألصبح آخذها معي للمدرسة ...واحطها في مخباتي اليمين ... ( وتصير مخباتي وارمه من كبر سندوتش ألطحينية )) .... وتصير معي ألين تجي الفسحة الأولى ...واذا جيت آكلها والى الطحيني سايله من الحرارة ......ولا يهم وآكلها ويطلع طعمها رهييييييب (( ألجوع أقشر ))
وأشتري من المقصف بيبسى (( أمهات غراش )) يعني قوارير ....

أووووه ذكرتوني ...ألمقصف وما أدراك ماالمقصف ...والله ياهو معاناة ....تنتهي الفسحة وانت مابعد جا دورك ...لان معظم أللي يشترون من المقصف من طقة ( أبو عرب ...أبو هارون ...ألجيفة)) ...هذي اسماء أو ألقاب بعض ألطلاب ألمخضرمين في ألمدرسة ...ويا ويلك اذا سقطت عليهم في الدور ...أو عيتهم لا يتقدمون عليك .....تدرون وش يقولون (( يواعدونك في ألطلعة )) طبعا ًعلشان يمردغونك ....وبهالطريقة لازم ترضخ للأمر الواقع ... وتطيعهم في كل ألشي ....


أنا آسف يا جماعة طولت عليكم بس حبيت أهنئكم ببداية ألعام ألدراسي ألجديد

أخوكم الـعـنـا :D :D :D

هلالالالالالالالالالالالالالالالالالالالالالالالال الالا اخوي العنا

ليش هذا كله ليش الزعل هذا عشان الدراسه ولو تدري ان احلى ايام العمر هيه الدراسه وراح تتذكر كلامي هذا اذا تخرجت ان شاء الله من الجامعه 00 والله ايام الدراسه حلوه كلها قربعه وواسعه صدر وتشكيل عصابات يحبها قلبك وتنكيت وتهبيل في المدرسين يعني انواااااااااااااااع الفله بس شكلك عاقل وماتحب الامور ذي طبعا اذا زادت عند حدها غلط يعني شويه جد وشويه قربعه مو تصير مقربع على طوول

وبعدين حكايه الطحينيه صارت موضه قديمه الان

الناس صارت تاخذ الان معها تونه لاتفوتك على الصبح اقسم بلله اني كنت اخذها عشان اقهر المدرسين واخيس الفصل مايقدرون يقولون شي اكله عاديه بس شف انوع الضحك .

ربي يوفقك ياخوي واتمنى لكم عام دراسي جديد كله حيويه ونشاط وقربعه


باااااااااااااااااااااااي

تحيات على علبه

السلام عليكم علي علبة

اول شي يا ملحك وانت صغير (( كلك ملح وقبلة ))
ثاني شي .....انا أدري ان موضة الطحينية قديمة ......بس أنا قاعد اتذكر هذيك الأيام ....

وعلى فكره .....احس اني اشوف فيك من بعض تصرفاتي في المدرسة .... من جد والله اتكلم ... ما أمزح


وشكرا أخوك الـعـنـا

ياهلا ومرحبا اخوي العنا ...

الله يكون بعون الجميع ... ان شاءالله

والدراسه اعتقد انها تشغل شئ من اوقات الطلبه بالمفيد والعلم نور ...

الف تحيه لك وللطحينيه :D

مظلوم

هلا وغلا اخوي العنا



مشاركه جميله


وبصراحه ذكرتنا بموضوع ماله داعي


الله يعيين من هالمدرسه


واكره شي اكره فيها الظرب


اكثر واحد ينظرب بالمدرسه انا وياليت بالعصا كفوف على هالوجه


هههههههههههههههههه



وعلشان كذا انا من الظحايا وعلشان كذا بعد انا اكرهها


والله احب ابليش ولا احب المدرسيه




عموما حبيبي العنا



كل عام وانت وطحينيتك السايله بخير ههههههههههه



تقبل تحياتي




اخوك المــــــشتاق

السلام عليكم يا ملاك ....وان شاءالله أنك أسم على مسمى
يا ملاك ....انا ما اقول أن الدراسة مهيب حلوة ....بالعكس هي لها طعم خاص غيرالوظيفة ....


عموما ودي اقولك شي كذا على الطاير ا((أنا ما أداني مادة الفيزياء بعيشة الله ......ما ادري ليش )) بيني وبينك مدرس الفيزياء منول يضيق صدري ... H2+BO= سفن أب ........ وعلى هالمنوال

ملاك الله يلوم أللي يلومك اذا كرهتي مدرسة الفيزياء


اخوك الـعـنـا :D :D :D

السلام عليكم اخوي مظلوم

وانت صادق يا خوي الدراسة تشغل وقت الطلبه اللي يضيع هدر ..وبيني وبينك ان الدراسة ميزتها انها تضف هالشباب عنا


وغير الطحينية لا تدور يا المظلوم


اخوك الـعـنـا :D :D :D

السلام عليكم يا المشتاق

قل آمين يا المشتاق (( جعل ان شاءالله تشتاقلك الحور العين ))

انت يا المشتاق حظك ما جاك ألا كفوف على الوجه .......

حنا جانا طال عمرك فلكة وما أدراك ما الفلكة


بس يا خوي المطلوب أنك تغير نظرتك التشائمية اللي عن المدرسة والدراسة

وصدقني لولا الله ثم الدراسة كان ماقدرت تقراء كلامنا ولا تشاركنا في هذا المنتدى الرائع



والله يوفقك ان شاءالله (( وعؤبال القمعه ))




اخوك الـعـنـا :D :D :D

وانا وين ما اروح مدارس مدارس...


اوووووووووووووووووف

السلام عليكم يا dmoo3 ad

كيف الحال يا خوي عساك بخير ان شاءالله

شكلك يقول انك تموووت على شي اسمه مدرسة ودراسة

ومعليش ضيقنا صدرق وذكرناك بالمدرسة


الله يوفقك وين ماكنت يا خوي


اخوك الـعـنـا :D :D :D