اصدقاء في ولاكن

~*¤ô§ô¤*~*¤ô§ô¤*~--------------------------------------------------------------------------------

السلام عليكم ..

جم مرة تذكرت صديق قديم لك , و تمنيت تشوفه و تقعد وياه .. بس ترددت ! أو رفعت السماعة و قبل لا تدق الرقم كامل غيّرت رايك .. و سكرت الخط !! خوفاً من انه يكون نسى صوتك أو شكلك .. حتى رقم البيت اللي حافظه مثل بيتكم و ياما دقيت عليه - و ازعجت أهله - صار له رهبة !! و صرت تخاف تدقه ..!
...

جم مرة شفت بالصدفة - بالجمعية أو السوق , او أي مكان ثاني - صديق طفولة من زمان ما شفته , و تمنيت تاخذه بالأحضان و تعرف أخباره بالتفصيل .. بس يمر اللقاء السريع فاتر و خالي تماماً من دفء الصداقة !! و مجرد سلام - هذا ان سلمت بعد ! - عابر .. مجامل .. بارد ! و كأنه ما كان في يوم من الأيام صديقك و ظلك اللي ما يفارقك ..! ( معقولة لهالدرجة الزمن يغّير النفوس !! )
...

لما نقلّب دفاترنا القديمة و ألبومات صورنا .. نضحك من القلب .. لان ورى كل صورة موقف و ذكرى..
و شخابيطنا على كتبنا و تعليقاتنا على المدرسين و سوالفنا المكتوبة على الهوامش و .. ضحكاتنا و .. هوشاتنا !! كلها تذكرنا ... فيهم !! كل صورة صورناها و كل كلمة كتبناها .. ترجعنا لذكرياتنا معاهم .. و تخلينا نبجي ! لان هالأيام انتهت من حياتنا للأبد .. و عمرها ما راح ترجع ..! و حتى احنا .. يمكن تغيرنا ؟ ما عدنا مثل الأول .. و القلوب اللي جمعتها ظروف الدراسة أو الجيرة .. تفرقت و صار لكل واحد فيها طريج مختلف عن الثاني ..



أحياناً .. نشتاق لوجودهم و وجوههم الباسمة .. و نحس بالحاجة الماسة لهم .. لقلوبهم النظيفة و محبتهم الخالية من أي مصلحة أو نفاق و أرواحهم الصافية .. نشعر بالحنين لأيامنا معهم .. ضِحكنا - أو حتى بكائنا - !! فيكفي انهم كانوا يشاركونا الدمعة بكل صدق ..



أصدقاء الأمس ... وينهم~*¤ô§ô¤*~*¤ô§ô¤*~