لاصرت بالصمان والقيض حاديك

السلام عليكم ورحمه الله وبركاته



اليوم ياجماعه بسولف لكم بسالفة ( لا صرت بالصمان والقيض حاديك )

واكيد كل ابوكم تعرفونها ,, بس فيه ناس الله يهديهم ( قلبوها ميرندا ومدري وش )


نسمع دايم بالبيت اللي يقول ,,

لا صرت بالصمان والقيض حاديك ,, اشرب حليب نياق وخل عنك المرندا ( ياليت قال ميرندا عاد ,, يقول مرندا ههههههه )


السالفه طول الله باعماركم ,, ان في واحد عنده ( ناقه ) وهالناقه عزيزه عليه بالحيل ولا يقدر يفرط فيها من كثر مايحبها الزبده ,, هالرجال عنده واحد من عياله ,, يحب له ( بنيه ) ويبي يتزوجها ,, والله وراح يم ابوه وقاله ( يبه ابي فلانه ) وقال ابشر وانا ابوك ,, اخطبها لك من ابوهاا ,, والله وفعلا راحو يم ابو البنت وخطبوها منه ,, وابو البنت رحب فيهم ووافق يزوجهم بنته ,,,

بس اشترط عليهم ان يكون مهرها ( الناقه حقت ابو الولد ) ,, والله وقال ابو الولد لأبو البنت ,, ( اطلب اللي تبي ,, بس هالناقه ما اقدر اعطيك اياها ,, وناقتي عزيزه علي ,, ومن هالكلام )

الزبده ,, ابو البنت عيـّا ,, الا ياخذ الناقه مهر لبنته ,, والله وابوالولد عيـّا يعطيه الناقه ورجع يم اهله وولده معه ,,, ويوم وصلو اهلهم ,, قعدوا عقب يومين ,, الا ابو الولد شاف ولده ماهو طيب ,, ومتغير عن اول ,, وعرف انه يبي البنت

وفكر ابو الولد انه يقنع ولده ان هالناقه لها فوائد كبيره ومايقدر يفرط فيهاا بسهوله ,, الزبده طرت له فكره على الصبح والا اللي هو يروح يقعد ولده من النوم ويقوله امش ياوليدي ابيك تخاويني ( للصمان ) نبي نعس هناك
والله وتخاوو على الطريق ,, وترادفو الناقه ,, وكان ابو الولد يبي ( يتخلص ) من المويه اللي معه ( مادري ليش والله وفعلا خلصت المويه اللي معهم ,, وذبحهم العطش ( وتعرفون القيض بالصمان عاد ) اف وربي يشوي شوي ,,

الزبده ابو الولد يدري وين مكان المويه فيه ويدل مكان الغدير ,, بس سوى حاله مايدري وش السالفه
المهم ,, الحر ذبحهم والعطش جاب فيهم العيد ,, وقام يقول ابو الولد ( والله اللي رحنا فيها ,, والله اللي متنا من العطش والحر ) وكل قصده انه يسمع الولد هالكلام ,,

وعقب ما خلاص بغو يموتون من العطش ,, وجا ابو الولد ,, وغير مسير الناقه ووجها يم مكان المويه وهو خابره زين ,, وعاد انتو تعرفون ان الناقه تشعر بوجود الماء ( سبحان الله )

الزبده وهم في طريقهم ,, مره يطيح الولد ومره يطيح ابوه من التعب والعطش ,, ويغمى عليهم مره ويصحون مره وشوي ,, الا يصحا الولد الا وهو عند الغدير ,, ولا صدق عيونه ,,
وبهالوقت ,, استغل ابوه الفرصه وقاله شفت لولا الله ثم هالناقه والا متنا من العطش ,,,



وقال ابوه هالبيت :

لاصرت بالصمان والقيض حاديك ...أيّـــا حـسـيـن الـــدل وايّـــا الـمـطـيـة

بس الولد للحين يفكر بحبيبته ولا هو ناوي ينساها ,, ورد على ابوه على طول ,, وقال :

الله كريـم ومــا ومــر بالتهالـيـك....ولا ومـر بافـراق صــاف الثنـيـة
لاصرت بايام الرخا عند اهاليك....حبة حسين الدل تسـوى المطيـة

وعقبها ,, ابو الولد غسل ايده من الولد ,, وقال مافيه فايده اني اقنعه ,, وفعلا دفع الناقه مهر لزوجه ولده ,,



وسلامتكم

منقووووول

	حبة حسين الدل تسـوى المطيـة

انا اشهد
الله يلوم اللي يلومه
هههههه

اخسس يالعود يقارن مشاعر وليده وقليبه بمشاعره تجاه بهيمته عساها توطاه



قصة جزلة من رجل جزل

بيّض الله وجهك يالطرقي



...

رووووووعه وممتعه
تسلم يمناك يا الطرقي

" هو دا الحب "

ياحيالله الطرقي ايه ذول الطراقي اللي يجيبون القصص والقصيد

صح كلك على ذا القصه والابيات ايه انا اسمع بذا البيت ومادري وش سالفته
ومنك استفدنا يالامير بيض الله وجهك

	المشاركة الأصلية كتبت بواسطة wafei

	اخسس يالعود يقارن مشاعر وليده وقليبه بمشاعره تجاه ببهميته عساها توطاه

توطاه مره وحده عفا الله عنك ايها الوافي المتعصب

وقتها ترا ذا البهيمه اغلا من العيال

رووووعه
بجد استمتعت فيها وبطريقة سردها ولغتها البسطة الدارجه
وصحيح زمان أول البهايم كانت راس مال الرجل وكانت اغلى من عياله.
وياما سمعنا قصص عن ذلك .
سلمت وغنمت يالطرقي على هالسالفه الممتعه .
شكراً ودمت بخير وسعادة.

جميله واستمتعت بقرائتها وأشك ان الاب يعرف شي عن الحب
يعطيك العافيه اخوي ودمت بخير

.
.

قصة جميله ^^

شكرا

مشكور اخوي الطرقي على نقل وإراد هاذي القصه الجميله
والجزله مما يدل على ذوق ورووعة وجزالة ناقلها
فسلمت يمناك ولاعدمناك فسلم فكرك وذوقك وروحك
ودمت كما انت متميز ومتالق دايماً
ويقلون ان هاذي القصه والقصيده للشيخ راكان بن حثلين وابنه فلاح والله اعلم
قال الوالد:
لاصرت بالصمان والقيظ حاديك
ايا حسين الـدل وايـا المطيـه
اياه وايا كـور وجنـا توديـك
عـن السمايـم عقلةٍ قرقفيـه
قال الولد:
الله كـريـم ومــا ومــر بالتهالـيـك
ولا ومــر بفـراق صافـي الثنيـه
ليا صرت في الصمان والقيظ حاديك
اترك حسين الـدل واخـذ المطيـه
واليا صرت بايام الرخى عند اهاليك
حبة حسين الـدل تسـوى المطيـه
قيل ان الشايب بعد ماقدم الناقة كمهرللبنت وفي اليوم الثاني للزواج ارجع ابو البنت الناقة لبو الولد
وهاذي من عادات الرجال الطيبن
هذا ولشخصك الكريم جزيل شكري وتقديري
وتقبل مروووري وسرووري ودمت بصحه وسعاده دايمه

..
بيض الله وجيهكم كلياتكم

واشكر شاعرنا وراوينا المتألق فتى الجميزه

على اكمال الابياات


الطرقي فتى الجميزه

متميزين دايما بطرحكم ورواياتكم لاعدمناكم

الطرقي

قصة رائعة

سلمت يداك على النقل الرائع


الله يعطيك العافية