طلبات الحريم

طلبات الحريم


الالف: ابي فلوس بروح معزومة على شاى ضحى

الباء: بكرا ابيك تودين لبيت اهلي عندهم عزيمة

التاء: ترى اليوم انا ماني مسويه عشاء روح للمطعم جيب عشاء

الثاء:ثلاث اسابيع ما طلعنا للملاهي يالله ودنا اليوم

الجيم: جيب خدامه تساعدني بشغل البيت....(والبيت نص شقة) قهر

الحاء:حبيبى..ودى بساعة شوبارد ,مليت من ساعتى الاوميغا(شوفوا النفاق..توها تذكرت هالاسم
الخاء: خل الشله اليوم..انا عازمتك نتعشى بره, بس على حسابك

الدال: دور لنا فله على 3 شوارع وفيها سرداب (الراتب 2500ريال من وين ياحسرة)

الذاء :ذيك السنة (قبل 10 سنوات) قلت لك اشتر لنا سيارة فان اوسع وما شريت

الراء: روح قدم على اجازة خلنا نسافر لاوروبا ,,اووف حر

الشين: شيل ولدك شفه يصيح هناك,انا تعبت من العيال..

السين: سو للبيت حديقة كشخة,حط فيها نافورة ,انزين!!

الصاد: صفف الملابس هناك منثرة,مليت وانا القط وراك

الضاد: ضبط اوضاعك..ترى كبرت المسؤولية..(توها والدة)

طاء: طالع السيارة سكراب تفشل قديمة, نبي شبح

الظاد: الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)

النون : نبى نحجز شاليه شرم الشيخ طول الصيف ..لا تنسى!

الهاء: ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟!

الواو : ورني شطارتك رح عند اخوك خذ منه الورث( راعية مشاكل)

اللام: لازم تتحقق مطالبى اول بعدين ارد لك..

الكاف : كافى كلام..كسرت خاطرى راح اردلك بس بشرط ..

الياء : يالله ايدك على 20000 ريال رضاوة..

اخر شى هذا حال الزوج المسكين هذا اذا ما جته جلطه وراح فيها المسكين

مرحبا

وش فيك متحامل علينا .....قل لي


ومع هذا كله مافيه أحد يعيش بلانا ...


تحياتي يا قاسي

ههههههههههههههه

مرحبا الرجل القاسي

اجل هذي طلبات الحريم

شوف رد الرجال

الالف: مافي فلوس انا مفلس

الباء:برد تعبان من الشغل خل اخوك يمر عليك

التاء:تسوين العشا غصب عنك ولا بكره ما في بيت هلك

الثاء:ثلاثة اسابيع ما شفت اصحابي كل مقابل وجهك بروح اشوفهم

الجيم: البيت صغير (والبيت اصلا فيلا )

الحاء: حبيبتي ابي عشاء (بنص الليل همهم على بطنهم لله الحمد)

الخاء:خلي عنك السوالف الي مالها معنى وطبخي احسن لك والا

اكتفي بهذا القدر وان شاء الله بنات الوئام يكملون ...

تحياتي..اختك شوق الليالي

خوي الرجل القاسي الحريم تراهم مو مثل بعض فيه نوعين نوع نمرود وكل ماتشوف شي تبي مثله حتى لو ماهي بحاجه له او ظروف زوجها ما تسمح مثل عندها جوال نوكيا النورس وشافت مع خويتها جوال سمنس تبي تشتري مثل جوال خويتها مع جوالها النورس جديد وتلقا ها النوعيه من الحريم ما تعرف تسلق بيضه وتلقى ماعندهم ملاعق يكلون فيها وتلقاهم جالسين على موكيت ولهم سنه نازلين في شقه ما قدرو يشترون لهم جلسه يجلسون عليها وتلاقيها تبي تسافر وتبي تعطي
اخوانها هدايا وتشتري وتشتري ولاهمها وزوجها عليه الديون طوله وتلاقيه مزنوق ويشوفها تبيع ذهبها وذهب بناتها وتشتري غيره واذا قال لها زوجها بيعي شي من الذهب الي عندك عشان مامعي ولا ريال قالت له روح تسلف من اخوياك وتلاقيها تاخذ المصروف ما يقل عن ثلاث الاف او اربع الاف وكلها تروح على شرا الملابس والذهب والجزم والشنط واذا جلست مع زوجها البست له قميص المطبخ واذا جت تطلع لاحد البست احلى واجدد شي في دولابها

والنوع الثاني با العكس تماماً حارمه نفسها من ما تملكه الحرمه هو الذهب واذا شافت زوجها مزنوق ظفت ذهبها وراحت تبيعه وعطته الفلوس وقالتله فداك وماترضى ان زوجها يذل نفسه ويتسلف من احد
وما يهمها لا ذهب ولا مجوهرات ولا فلوس وحتى الملابس والجزم والشنط تشتري منهم الي هي بحاجه له وبدون تبذير ويمكن في المناسبات والمواسم وما تطلع من الديره الي هي بها وما عمرها سافرت وراضيه واذا طلبت شي حتى لو كانت قيمته بسيطه وقال لها زوجها خليه الشهر الجاي او الي بعده تتبسم في وجهه وتقول معليش الي مايجي هالحين يجي بعدين يعني بلعربي تقدر الظروف وهاذا الجانبين السيئ والجيد

أقول
ماتعيشوا من غيرنا أبد

	الرسالة الأصلية كتبت بواسطة يارا ومع هذا كله مافيه أحد يعيش بلانا ...

يا يوري .. ( يوري اسم دلع اكتشفته لك البارحة بالليل ) :D
يايوري من قالك ان الشباب مايعيشون بلاكم .. ؟!

معلومااااااتك قديمة يابنت ..

حنا الحين نعرف نطبخ ..

ونعرف نكنس ..

ونعرف نغسل ثيابنا ..

ونعرف نسوي شاي بالنعناع ..

يعني تطورنا خلاص ما عاد لكم لزوووووم ..

وبعدين انتوا اللي ما تقدرون تعيشون بدوننا ..

والدليل على هيك .. انكم تاركين قسم الحريم وجايين عندنا في الترفيهي ..

واخزياه .. واخزياه ..

عساكن متغطيات بس .. لاتروعونا بأشكالكم المتحفية ... :D

	الرسالة الأصلية كتبت بواسطة زهرة البنفسج أقول ماتعيشوا من غيرنا أبد

أقول .. كيف الحال ؟!

راجعي ردي على يارا .. او يوري .. :D

هاي سموري ..

معلوماتك أنت اللي خطأ

حتى لو كنتم تعرفون تطبخون تتورطون في المقادير حقت الطبخه (ضربتك في مأتل..تراني مصريه )..

وعلى سالفة الشاي بالنعناع لو كنت ما تعرف تصلحه مانت في الدنيا
لأن كل الشباب يدرون وشلون يصلحونه ما يبغالها مفهوميه ..

والله حيرتيني معك ... انتي دوسرية ولا مصرية ؟!

بالنسبة لمقادير الطعام .. مو مشكلة عزيزتي ...

الله يكثر المطاعم ..

أما عندي لك مطعم انما إييييييييه .. يسمونه ( بيتزا ميار ) ..

يصلح بيتزا أحلى من وجهي اللي في توقيعي ... :D

لا يفوتك هالمطعم ..

بس ما أظن له فرع في الخرج ..

لكن أول ماتيجوا عالرياض .. عطوني خبر .. أعزمكم ..

بس ترا حساب العصير عليكم .. هاع هااع هاااع .... :D

أهلين سمير

والله ماني دوسرية...

وبعدين وش قصتك وإيا ذا المطعم .

لكن لازم يطلع زين علشان فيه من
اسمي ...