على مطار الرياض أهدي سلام وشكر=لوهو بكيفي فرشت مدرجاته ورود
ليلة تزف النجوم سهيل لأخت القمر=والجو ياخذ نفس من عـطر زهرالخدود
حلمٍ من العلم في تركيبة أصدق خبر=سـبب لي أرباك وأدخل في عظامي برود
ولا على البال قال سعود لد النظر= يا لوعـتي يوم لديت النظر ياسعود
نظره بنظره وهـلل رمشها وإنتصر=وحامت بي الذبذبه خارج نطاق الوجود
نسيت ويني من الدنيا نسـيت السـفر= نسـيت بوابة الرحـله وكرت الصعود
لو قلت لي ياسعود اليوم كم فالشهر=قـلت لك مدري ماعـندي غـير مدري ردود
تضارب الفكر عـندي والكلام إنتحر=كيف اكسر الصـمت ؟ كيف أعبر نقاط الحدود؟
ليزر عـيونه ضرب فـي خافـقي وإنتشـر= في ناقـلات الدما مثل إنتشار الوقود
أخطا عـلينا وقفّا مأنتظر وإعـتذر=مـتبخـترٍ ذا يرٍ مثل الغزال الشرود
شـمسه ضحى توها تشرق وشـمسي ظهر= شـهد له الظـل وانا وين أدوّر شهود
والجو مايصـفي إلاأحـيان فـي ماندر = أما نقدنا خـبل والاحذفنا حسود