ثقيلات الأوزان..

أسعد الله جميع أوقاتكم يا أهل الوئام..

قصيده جميله بجمالكم.جزله متعددة الأغراض .وإن شابها شيء من الغموض.
قرئتها أكثر من مره وفي كل مره أجد أنها أبها وأعذب.
ومازالت لدي الرغبة لقرائتها مجددا.
ستنقلكم لمواطن الدهشه وسترتوون شعرا وسحرا.
هنا سأتوقف لأن كل ماسيقال عنها مجرد كلام وحسب.
شاعرها مقل. له بعض القصائد بصوته.
لم أعرف أسمها فاخترت لها عنواناً من صلب أبياتها فلتعذروني على الإجتهاد.
ولتعنونوها كيفما شئتم أن أردتم.
شاعرها هو سلطان بن عادي الديحاني المطيري..


**ثقيلات الاوزان**

قال الذي حده على بـدع الالحـان=واشرف على بنات فكر وندبها
يذب صوته بين سجّـات واذعـان=على طواريـق المعانـي سحبهـا
يتـل قلبـه بالمعاليـق شريـان=تلـة يميـنٍٍ تلهـا ثـم كربـهـا
في ساعةٍ فيها غفت كـل الاذهـان=ماحس فيها كود منهـو حسبهـا
شـوارد المعنـى ثقيـلات الاوزان=يشدهـا هاجـوس فكـرٍ سكبهـا
شاب الورق ممـا بقلبـه ولا لان=أرها على الجـزلات حتـى كتبهـا
هي سولته ياقل مـا فيـه سلـوان=أسباب من قدّ السبب في سببهـا
اللي تسبب لـي بهجـره للاعيـان=جعله وقـود النـار واول حطبهـا
ترف الصبا عذب اللما مطرق البان=ميّاس قـد وكـم قلـوبٍ عطبهـا
سبحان من صوّر جماله وسبحـان=أنا اشهد أن اللي عطاهـا وهبهـا
لاجيت أقارن به مع البيـض شتـان=شتان مـا بيـن النـحـاس وذهبـهـا
واليا وقف رمحٍ على راس ما بـان=ولا مشى درج القطا مـا عجبهـا
أرواه ربـه والبهـا فيـه ريـان=وقام يتغطـرس بالعيـون وهدبهـا
فريد جنسه ما انخلق مثلـه إنسـان=ياكبر حـظ اللـي ولاته كسبهـا
تبقى لها ذكرى على مر الازمـان=بنت الرجال اللـي رفيـعٍ نسبهـا
أدمنت حبه ليـن عدّيـت الادمـان=والارض ضاقت لو وسيع ٍرحبهـا
قـم يانديبـي بالملازيـم والشـان=حملـك ورق وأنـا عليـّه تعبهـا
أركب على نتق المواريث الالمـان=بالكاش مشراها ماجت فـي طلبهـا
من وارد الناغي ماهي حوش عمّان=ياكـم عيـونٍ لا تحلّت رهبـهـا
أن قلت صانعها ماهو بنس من جان=فوق المواتر صاغها ثـم غصبهـا
ياكنها عـذراً تمـاري بالاوجـان=بالملعبه مـا حولهـا مـن هزبهـا
مـن فـوقها فـل أبشـنٍ ثم بـيـلان=الرابح اللـي جابهـا مـن نجبهـا
تنزع من الباطن وتسري مسيـان=تهقـوي اللـي للمسافـه ركبهـا
بي إم سبع اميه وخمسين وحصان=بين المواتر ما ذكـر مـن غلبهـا
مشيشة ابن سرور والا عبيـلان=فـوّل وقـود النـار واوزن هدبهـا
ثم تلّهـا تلـة شفـوقٍ وحدمـان=للي هـوى بالـه تنحـى جنبهـا
ياكنها دعجاً هـوت بيـن عقبـان=شيهانةٍ فـي عشهـا مـا رعبهـا
اسرح مساريح القطا يـم نجـران=ديرة رجـالٍ فعلهـا مـا حجبهـا
واضح محله ما يبي وصف عنوان=تلفي على اللي مـا تغـره رتبهـا
قلّه ترا ذا الخط من يم سلطـان=وأنتم تحلون البلـش مـع نشبهـا
لاياعوض ياصاحبي يـا كحيـلان=أنته عوض نفسٍ تزايـد غضبهـا
أنته شبيه الذيب والذيب سرحـان=عدا على روس الطـوال ورقبهـا
تبذل يمينـك مـا تغاليـت الاثمـان=يمناً على فعـل المراجـل طربهـا
يمناك عدّت بك ولك كـم برهـان=ماجور ياعـودٍ جذبـك وجذبهـا
روسان يا جاهل عن افعال روسان=حمولةٍ مـا غـاب عنهـا شببهـا
أشكي عليك الحال من كايـنٍ كـان=عسلوجـةٍ واشيـب قلـبٍ رغبهـا
ما انساه لو تنسى بني يام شيبـان=ولو ينقل الباطـن وعوجـاه ببهـا
ولو ينتقل لـ دبـي سنجـار وابـان=وبرج العرب والعين عندي عزبهـا
ولو تنكر المطران عرفا وعوجـان=والصلب والصمان واقصى هضبها
والشمري يزهق بحايـل وبـرزان=ويترك معاميله عقب ما حضبهـا
ولو يطردون الضيف طلقين الايمان=والضيف ما يلقى القرا في عربهـا
ولو تنتقل وايل ورا ضلع شمـران=وتنزل بعرعر نـاس ماهـي شعبهـا
ولو يقطنون السيف صبيان قحطان=وتتـرك تهلاّهـا وتنـزع ودبهـا
ولو يتركون أهل الحسا كل بستـان=ويجنّبـون نخيلهـا مـع رطبهـا
واهل البحر تنزح من السيف بدوان=وتارد علـى لينـه وتمـلا قربهـا
ما انساه دام الروح في وسط الابدان=مادام روحـي ربهـا مـا سلبهـا
أخيلها مـا خايلـو غـر الامـزان=واون ونّــاتٍ تكـسـر عتبـهـا
هذا ولـك منـي تحيـه وعرفـان=يامن فناجيـل المراجـل شربهـا

وسلامة قلوبكم

...............

...

أبدع الشاعر
واحسنت الاختيار



كلك ذوق



وصباحك ورد


...

يتـل قلبـه بالمعاليـق شـريـان
تلـة يميـنٍٍ تلهـا ثـم كربـهـا

في ساعةٍ فيها غفت كـل الاذهـان
ماحس فيها كـود منهـو حسبهـا

يا سلام عليك فواز وعلى ذوقك ..
ابيات غاية في الجمال وتستحق النقل .

تسلم يمينك سيدي ..

\\

فوآز .. آنتقآء مميز ورآئع

كثرت آبيآت آلوصف فيهآ
ولكن آحلى مآ بآلآبيآت هذي

	ولو تنتقل وايل ورا ضلع شمـران .................. وتنزل بعرعر ناس ماهـي شعبهـا

يآ جعلي فدآ وآيل كلهم ..

صح لسآن آلشآعر

\\

وافي..
أسعد الله جميع أوقاتك.

الذوق منك وفيك وافي..
شرفتني بالحضور والتعقيب..
أمل أن تكون نالت الرضا والقبول..

أمنياتي ..

أبو خالد البجادي..

عوافي يالغلا ولاهنت..
حياك الله أبو خالد..

بالفعل تستحق النقل وأكثر منه تستحقها ذائقتكم المتميزه..
أما أنا فأكتفي بتشريفكم..
سعيد بوجودك وتعقيبك..
لا خلا ولا عدم..

مودتي..

	المشاركة الأصلية كتبت بواسطة متعاطفه بحدود

	\\ فوآز .. آنتقآء مميز ورآئع كثرت آبيآت آلوصف فيهآ ولكن آحلى مآ بآلآبيآت هذي يآ جعلي فدآ وآيل كلهم .. صح لسآن آلشآعر \\

متعاطفه بحدود..
صح أبدانك وعلى شانك..
الروعه حضورك متعاطفه..

عاد ماجاز لك الا البيت اللي ذكر فيه بني وايل متعاطفه..
لا أريد تخمين الأسباب..
ربما هو أحلاها لأنه أتى بك متعاطفه..
الله يحلي أيامك متعاطفه وياجعل يفدونك رديين الأعماق..

سعيد جدا بك وبهذا الحضور..

أمنياتي..

	ما انساه لو تنسى بني يام شيبـان ولو ينقل الباطـن وعوجـاه ببهـا ولو ينتقل لـدبي سنجـار وابـان وبرج العرب والعين عندي عزبهـا ولو تنكر المطران عرفا وعوجـان والصلب والصمان واقصى هضبهـا والشمري يزهق بحايـل وبـرزان ويترك معاميله عقب مـا حضبهـا ولو يطردون الضيف طلقين الايمان والضيف ما يلقى القرا في عربهـا ولو تنتقل وايل ورا ضلع شمـران وتنزل بعرعر ناس ماهـي شعبهـا ولو يقطنون السيف صبيان قحطان وتتـرك تهلاّهـا وتنـزع ودبهـا ولو يتركون أهل الحسا كل بستـان ويجنّبـون نخيلهـا مـع رطبهـا واهل البحر تنزح من السيف بدوان وتارد علـى لينـه وتمـلا قربهـا ما انساه دام الروح في وسط الابدان مادام روحـي ربهـا مـا سلبهـا

اوف اوف اوف اوف
وش خلا الديحاني ؟؟
يهنيه ربي

طيب وصاحبه وش رد عليه
ههههههههههههههههههههههههه


يعطيك العافيه يافواز
قصيده رائعه
صح لسان شاعرها
وسلمت يمينك ياسيدي

	اوف اوف اوف اوف وش خلا الديحاني ؟؟ يهنيه ربي طيب وصاحبه وش رد عليه ههههههههههههههههههههههههه يعطيك العافيه يافواز قصيده رائعه صح لسان شاعرها وسلمت يمينك ياسيدي

شروق الوئام.
صح ابدانك وعلى شانك..
الله يسلم غواليك شروق..

ماخلى شي الديحاني ياشروق..
سيتعب من يحاول الرد أو المجاراة..

شروق الوئام..
أطيب الأمنيات..

والله قريتها يوم نزلت الموضوع واحسب نفسي رديت عليك

ومن امس افحط من جنبها مادريت اني مارديت والحين كالعاده جي اشيك على ردودي مالقيته هع


<<ردي وانثبري لاتحكين قصه


المهم تسلم ياذوق ع القصيده


روووووعه والله