بقالة الجابري..

ياجماعه الخير رحت ادور بقالة الجابري ولم اعثر عليها وجاني شخص اسمه سريع ابن عجلان وسألته عن البقاله المذكوره مع فروعها 73 والعهده على الراوي فقال لي انها نقلت بجميع فروعها الى قرية اطلب تجد الواقعه في الربع الخالي
من يعر ف عنوان هذه القريه حيث فيه تجار اكبار واصحاب وكالات يبون يطورون هذه القريه ويبنون فيها عماير ناطحات السحاب

	المشاركة الأصلية كتبت بواسطة عبدالله 12

	أشكرك أختي غزالة الجنوب لطرح هذي المعلومات عن "بقاله الجابري"، والتي اسمحي لي بأن أقول بأن بعضها غير دقيق (يمكن رز)، وبودي أن أذكر بعض المعلومات الدقيقة عنها. أولاً: عنوان موضوعك وهو "بقالة الجابري" لا يتطابق مع الواقع، لأن اسم المحل هو "تموينات الجابري" وهو فرع صغير من سلسلة تموينات الجابري الكبيرة – اللهم لا حسد- والمكونة من 73 فرعاً داخل المملكة من أهمها وأكبرها فرع منفوحة بالرياض، وفرع السبيل في جدة، وفرعين خارج المملكة متخصصة ببيع الثلج في القطب الشمالي. ثانياً: تتميز هذه السلسلة بتوفر كافة أنواع السلع في مكان واحد حيث نجد المواد الغذائية المعلبة والمكشوفة، وقطع الغيار والأدوية والطيور بأنواعها إضافة إلى مطابخ المندى والرزوز بأنواعها المختلفة، وكذلك أجهزة الاتصال والكمبيوتر والتي تقع مجاورة لقسم الفول والتقاطيع . ثالثاً: مما يميز سلسلة تموينات الجابري أيضاً، أن أسعارها أقل من غيرها من االأسواق وخاصة بالنسبة للبضائع المنتهية صلاحيتها. حقيقة، عندي معلومات وصور كثيرة عن هذه السلسلة الكبيرة والمتميزة ولكنني أخشي أن تُعتبر دعاية لها ولهذا أكتفي بما ذكرت، متمنياً لأخي العزيز خلف كل التوفيق ولهذه السلسلة الانتشار والتقدم في كافة الأماكن ما عدى حارتنا وذلك لدواعي خاصة بالسلامة. أخيراً، تقبلي أختي غزالة شكري وتقديري لطرح هذا الموضوع المهم الذي يُبرز بعض المعلومات عن هذا الصرح الكبير.

اهم شئ مو عند حارتكم ترى حارتكم امانة في عنقك لاتتسبب فيهم
ههههههههههههههههههههههههههه
تقول طيور ورز وجوالات؟؟؟؟
طيب وانا وش قلت قلت مخلي اشوية طوب لزوم التوسعه ولاالاخ ناوي ان شالله بيفتح محل تزويج الاوادم وتاجير طقاقت وصبابات وصبابين
معليش العذر منكم صغرنا سللسة شركته باسم بقالة

	المشاركة الأصلية كتبت بواسطة فتى الجميزه

	ياجماعه الخير رحت ادور بقالة الجابري ولم اعثر عليها وجاني شخص اسمه سريع ابن عجلان وسألته عن البقاله المذكوره مع فروعها 73 والعهده على الراوي فقال لي انها نقلت بجميع فروعها الى قرية اطلب تجد الواقعه في الربع الخالي من يعر ف عنوان هذه القريه حيث فيه تجار اكبار واصحاب وكالات يبون يطورون هذه القريه ويبنون فيها عماير ناطحات السحاب

وهو صادز خويك ذا!!
لان افضل مكان لها في ذيك الديرة,وابد اول ماتمسك خط الربع الخالي اول ماتشوف بعير سكران ولاضب يلف حشيش ولا عنز تبي تعرس على جربوع فاعرف انك وصلت
.
ربي يسعد ايامك اضحكتنا...

	المشاركة الأصلية كتبت بواسطة خلف الجابري

	انتي ماذبحك مغير ذا الفطاير والعلوك والفشافيش اول شي وش اللي نقزك على بقايلنا تصورين وتنشرين بدون اذن وبعدين الكلام ذا من وين تجيبينه انتي ببطنك راديو شوفي كراتين مافيه انا داري كله عشان تجمعين الكراتين اقفاص لذا الدجاج اللي ماخذ عقلك لاتقربين بقاالتي والا اشوف خشتك حولها خلييك هناااااااك مع وصاويصك وصوصي اخوووص ياقناة الجزيره من يصدق علومك خربتي سمعت بضايعنا الله انه يرج بليسك رجا مبرحا. للمعلوومه ترا مانبيع دجاااااج والا نستقبل مربيه

صادز الي قال خير تفعل يطيرون الحمام في وجهك..
مااخبر الدجاج تقعد في كراتين اخبر الحمام هي الي تتصيد وتنحط في كرتون لكن ماراح اشره عليك شكلك خايف تصقعك عين فتتدهور تجارتك لكن الحمدلله الاخوة والاخوات ذاكرين الله ومن شدة ذكره مايقربون لدكانك:لقهى:
من جدك يجون فينصرعون؟؟
حرام عليك اهاليهم يبونهم وبعضهم معيلين وانت تبي تيتم ورعان منذو نعومة اظافيرهم على ابوهم او امهم او تحرق قلب ام على ضناها؟؟؟
اقولك لاتحارش ترى باجيب بلونات اعبيها اسمنت ومجرد مااحذفها على فتحة دكانك يتقفل واخلي بضاعتك تعفن صح..>>لايفوتك النظرات الحادة المرعبة<<<احب هالفيس
قال ايش قال يدفني من الدور الي ماادري كم..
اقول روح فصل نظارة جديدةعلشان ماتدعرم انت من الدور العشرطاعش
وترى الي شاد فيهم الظهر صدقني ان يسحبون عليك اذا شافوا الصدز

كأني سمعت أحد جاب سيرة اللي شاد فيهم رجل الأعمال الأستاذ خلف ظهره.
ولهذا فإني أرفع هذه البرقية إلى الأخ خلف وأقول له فيها:
أخي الحبيب خلف
في هذه اللحظات العصيبة التي نتجت عن التهديدات التي تتعرض لها سلسلة تموينات الجابري من بعض القوى الخارجية ( متأثر من الأخبار اللي نسمعها هاليومين)، فإني أصالة عن نفسي ونيابة عن نفسي برضه أقول لكم سنكون معكم ولن نتخلى عنكم إلا إذا كنا مشغولين أو نائمين أو في أوقات الاختبارات > > > منتهى الشجاعة.
آمل إرسال كرتونين "سن توب" علشان الأولاد.

	المشاركة الأصلية كتبت بواسطة عبدالله 12

	كأني سمعت أحد جاب سيرة اللي شاد فيهم رجل الأعمال الأستاذ خلف ظهره. ولهذا فإني أرفع هذه البرقية إلى الأخ خلف وأقول له فيها: أخي الحبيب خلف في هذه اللحظات العصيبة التي نتجت عن التهديدات التي تتعرض لها سلسلة تموينات الجابري من بعض القوى الخارجية ( متأثر من الأخبار اللي نسمعها هاليومين)، فإني أصالة عن نفسي ونيابة عن نفسي برضه أقول لكم سنكون معكم ولن نتخلى عنكم إلا إذا كنا مشغولين أو نائمين أو في أوقات الاختبارات > > > منتهى الشجاعة. آمل إرسال كرتونين "سن توب" علشان الأولاد.

الحمممممممممد لله اني مني ورعة من وراعينك!!!
ليه طيب جبتهم يوم انك ناوي تسممهم؟؟؟؟؟؟
اهنييك على المرافعة الخسرانة وصدقني حدك بيجك من عنده علك ولااا علك اول ماتمضغه بيتلصق ويتصمغ في فمك وتقعد من غير فم مفتوح

غزوله ماقلتي وين موقعه بالضبط بروح اشتري منه ^^

	المشاركة الأصلية كتبت بواسطة تالين

	غزوله ماقلتي وين موقعه بالضبط بروح اشتري منه ^^

هذه البونية تذكرني بانصار القذافي وعلي عبدالله صالح!!
مسوين واقفين وياهم بس اذا طاحوا قالو انهم هم الي غصبونا وهددونا
باعطيك العنوان بس انا غير مسؤولة عن اي حالة تسمم وماتبعها من اعراض

هههههههههههههه
طيب خلف ليييش ما توصل للأعضاء هنا
فكرة حلوة موووو!!!
طيب جيب معاك تويكس اكس لاااارج مع كرتونين سن توب

اي غزووول وين موقعها ودي امر عليه هاليومين..

	المشاركة الأصلية كتبت بواسطة التوليب

	هههههههههههههه طيب خلف ليييش ما توصل للأعضاء هنا فكرة حلوة موووو!!! طيب جيب معاك تويكس اكس لاااارج مع كرتونين سن توب اي غزووول وين موقعها ودي امر عليه هاليومين..

ماكنت اتوقع ان حالتكم النفسية مستعصية!!!
كلكم تبون تنتحرون؟؟؟؟
حرام عليكم لساتكم في عز شبابكم!!!