هذا الي اخذته منكم....

اولاً السلام عليكم..
ثانياً كل عام وانتم بخير بحلول السنة الجديدة الله يصلح انفسنا ويتغمدنا بواسع رحمته ويغفر لنا ويرحمنا ويتوب علينا ويجمعنا مع امواتنا في جنة عرضها السموات والارض اعدت للمتقين..

طبعاً هذا الي اخذته منكم او بالاصح من تقيمكم لي ياشلة ياكرام..

طبعاً قام العضو الرائع اخوي المشاعر باختياري في تقيم الاعضاء..
هو في البداية قلت لنفسي وياكثر مااسولف مع نفسي ..اعزها والله ..حبيبة وتسمعيلي وتتحمل تهزيئي لها وتشاركني في كل شئ..فاعزها واحبها واعشقها والله...احبها كثيييير..بجد والله احبها..

المهم..

طبعاً اشتركوا جميع من قيّمني على شغلة وحده...


الخط الكبير...

ياناس انا خطي كبير...انا؟؟؟

والله حلو وش زينه..

اشرهه علي الي شايل هم الي مايناظرون زي الناس..

الحين هذا جزاتي شايله هم عنونكم؟؟؟

المهم..

قعدت مع نفسي وسولفت عليها وقلت يانفسي وش رايك في الموضوع؟؟

قالت ابد امغطي عند امك واشكيلها علشان نعرف نهاجم كل من جاب طاري كبر الخط...
المهم وانط نطة وحده الا من غرفتي لامي<<حشا كنغر..

المهم وقلت يااماه..

قالت ماذا تريدين..

قلت يييياااااااماااااه..

قالت نعم..

قلت يااااا امااااااااااااااه..

قلت وربي ان يجيك طراق علشان تتسنعين..

المهم واجياها واعطيها العلم..

ويجيني ذاك الرد المفجع..



اليكم الخبر من بؤ مامتي..

والله يابنتي لو انهم شافوا خطك ايام اولى ابتدائي ان يقولون الله يرضى على خطك الحين

؟
؟؟؟؟؟؟
انا؟؟؟؟؟؟

والله يابنتي على ان خطك حلو ونظيف بس اذا جيتي تكتبين الالف كتبتيه مره وحده لانه اخذ طول الصفحة كلها واذا جيتي تكتبين الباء اخذتي عرض الصفحتين..

بس خطك حلو ونظيف.<<<ينقال ترقع علشان نفسيتي ماتنصدم..

وش ماتنصدم الا انصدمت وتكسرت ويبيلي دهر علشان ينجبر كسري النفسي وعاد الله على جبر كسر الخواطر يبيله دهور علشان ينجبر والله لو تبلعون من حب الرشاد ماتبلعون انه ماينجبر الخاطر ولا يهدى باله..

المهم جيت لامي بنطة وابي اروح لغرفتي قعدت ايام حتى وصلت وانا بس اسحب بهالرجول لكن تعرفون من الصدمة...

المهم هذا الي اخذته منكم انصدمت في نفسي وفي خطي حتى قرررت اني خلاص اكسر الاقلام واسوي فورمات لعقلي يمتكن اني انسى التعلوم الي تعلمته وافتك من الموشكل النفسي الي انصقعت به..

وبس..

يالله مع السلامة..

	والله يابنتي لو انهم شافوا خطك ايام اولى ابتدائي ان يقولون الله يرضى على خطك الحين

وأنا أؤيد الوالده وازيد من الشعر بيت

الله يرضى على الموقع اللي فيه خطوط وتنسيق بعد والا كان رحنا فيها

طيب دامك تحبين الخط الكبير انا عندي اقتراح

ليش ماتختارين الخط هذا :


غزالة الجنوب أم خط كبير

النوع الرابع من انواع الخطوط .. والحجم 6..

أشوفه حلو ومناسب حتى لو كان كبير

	المهم جيت لامي بنطة وابي اروح لغرفتي قعدت ايام حتى وصلت وانا بس اسحب بهالرجول لكن تعرفون من الصدمة...

هههههههههههههههههههههههههههههههههههه
الله اكبر عليك ياشيخه انتي من فين تجيبن هالتعبير والوصف



ان بغيتي الصراحه هو الخط كبير
وشكلك من امة النظارات
والحال من بعضه
بس جاتني نصيحه من عضو
قال اذا ماتشوفين ياشروق خان لاتحسبين كل الناس ماتشوف
استحيت على دمي
صرت انزل مواضيعي حجم الخط 5
وردودي 3
يعني سددو وقاربو ارضيهم وارضي نفسي


بس ماعليك ياجبل مايهزك ريح
قولي لهم اهم شي الاخلاق
هههههههههههههههههههههههههههههههه


الله يسعد ايامك ياشيخه

	المشاركة الأصلية كتبت بواسطة محمدالفارس

	وأنا أؤيد الوالده وازيد من الشعر بيت الله يرضى على الموقع اللي فيه خطوط وتنسيق بعد والا كان رحنا فيها طيب دامك تحبين الخط الكبير انا عندي اقتراح ليش ماتختارين الخط هذا : غزالة الجنوب أم خط كبير النوع الرابع من انواع الخطوط .. والحجم 6.. أشوفه حلو ومناسب حتى لو كان كبير

محمد الا وراها ماتغير اسمها لـ غزالة الجنوب أم خط كبير

	بس خطك حلو ونظيف.<<<ينقال ترقع علشان نفسيتي ماتنصدم..

لا لا تنصدم نفسيتك .. لانه خطك حلوو ونظيف ..

بس سؤال يسدح نفسه دامك انصدمتي .. وراك ماغيرتي خطك ؟؟ هذا اكبر دليل على انه .....


يابنت الحلال هذا خطك وهذي انتي كلك على بعضك حلووو <<< وحده ترقع


..

هههههههههههاي...

والله صراحة يا أخت العرب من قريش وقريش من الشام إن مواضيعك تحفة بس بس وأعوذ بالله من قوله أنا إن خطك شوي يعني شوي كبير !!!

بس ترى شووفي أنا ما حبيت إني أقووول لك الهرجة بس دااام أمك الله يحفطها بطتها حتى انا ببطها خطك كبييييييييير بالحيل تقوول كنه فيل مبنشر ... خخخخخخخخخ

لكن وانا أخوووك مالك إلا الصبر ويقولون شيبان الصين قديماً أن تصل مبكراً خير من ألا تصل...

عموماً يام خط كبير قصدي يا غزااالة أوصيك ونفسي بتقوى الله ثم وركزي بعيونك الأربع على حرف الخاااء ثم تصغير الخط قدر ما تقدرين...

هذا والله أعلم... مدير المترسة / طيار زاوية معقد البرنس...

اختي غزالة الجنوب

اضحكني موضوعك جدااااااا

وخاصة قدرتك على صياغة الحديث الرائع بينك وبين الوالدة حفظها الله

صراحة اكره الخط الكبير في حالة واحدة والله لا يحكم علينا بها وهي الخلاف بين الاعضاء ترى العضو داخل معصب ويكتب بخط كبير يشعرك انه داخل يصيح وصوته واصل للمنتديات المجاورة , في هذه الحالة اكره الخط الكبير لانه يكون دليل على الهجوم.

اما اذا كانت هي عادتك وتحبي الخط الكبير فهذا جميل وهو دلالة على الوضوح والصراحة والثقة بالنفس

ههههههههههههههه اكتبي بخط كبير ولا عليك وتكفينا رقتك وثقافتك ورقي اخلاقك

خالص تحياتي
اسطورة الخريف

ياربي يسعدك حبيبتي لاتنصدمين ولاشيء

بالعكس خطك حلوووو مره ومميز ويعجبني

وترى صرت احيان احط زي خطك في منتديات ثانيه

وماعليك من احد

وبعدين حنا يهمنا صاحبه الخط وشلنا بالخط

ولوتغيرن اللى تغيرين تبقين غزووله الاموره صاحبة الدم الخفيف والمواضيع الرائع والغاليه

: هذا تضامننا معك غيرت خطي

ربي يسعدك ياشيخه

خليك مميزة بالخط الكبير
هو لو تغيري الخط بيذكروك الاعضاء بصاحبة الخط الكبير
يعني غيرتي ولا ما غيرتي نفس الشي
خليك على خطك احسن

وخليك من تحطيم النفوس اللي صاير اليومين
انا يووم كنت بأول ابتدائي كنت ما اعرف شي اسمه نقط
الابلى كانت تقول لعمتى جننتني بنت اخوك

طبعاً مو كل هذا كسل ولا بلادة ولا غباء
السالفة وما فيها كنت ما اكتب بالقلم الرصاص الا وهو محدد على آخر شي
ويصير الخط صغير مرة ولا اضغط على النقط علشان ما ينكسر راس القلم فأتركها مرة وحدة
لانه اذا انكسرت السمة راح ابرا القلم ويروح الوقت بالبري ثم يجيني تهزيئة محترمة
بالمرة اخلي النقط علشان احافظ على شعوري ونفسيتي


يالله طولت عليك
باي

ههههههههههههههههههه

الله يقطع ابليس الوالدهـ
وقسمن إنه فطستني من الضحك

أقول لايهمك أحد
خطك حلو ووش زينه
بس لو تغييرين نوع الخط
ولا اللون والحجم منتاز قوة
غيري الخط وخلي ليونه تشوفه
وتعطيك رايها فيه
ترا ذوقها حلو مثلي << واثق

خخخخخخخخخخخخخخ

تحياتي لك يالغالية

	هذا الي اخذته منكم

اخذتي منا القليل
واخذنا منك الكثير

صدق والله مو مجامله


ربي يديمك ويحفظك ويخليك









...