اعزائي اعضاء الوئام ، اعتذر عن طول الغياب ، وعدم المشاركة بجديدة يستحقها هذا المنتدى ، فهذه اول مشاركة اضعها بين اقلامكم ، عسى ولعل ان تحوز على رضاكم ، فلكم مني كل محبة وتقدير :
لا بغيتـي تكتبيـن مـن القصايـد اكتبينـي=احفظيها ردديها هذي هـي احلـى قصيـده
اجمعي فيهـا شعـورك ثـم هاتـي سمعينـي=ما به احلى لو نظمتي من قصايـدك الجديـده
ادري انك كنتي اول من صميمك تعشقينـي=وادري اني كنت عاشق والهوى امسيت صيده
اكتبي يـوم التقينـا وكـان ودك تلتقينـي=اكتبي يوم اجتمعنا وكانـت الليلـه سعيـده
اكتبي يومي اقـول انتـي جنـان وتعجبينـي=واكتبي يوم انتعاند وانتـي بطبعـك عنيـده
اساليني منهو اغلـى فـي حياتـي اسالينـي=واحلف بربي واقول انتي ولا غيـرك اريـده
لمحّيلي عن فراقـك وانتـي اللـي جاوبينـي=لو حصل مني ورحت العشق ..هل يمكن أعيده
وابصمي مليون مـرة ثـم هاتـي بصمينـي=عن وفا من قلب صادق مابه اي شي يبيـده
اكتبي يومـي طلبتـك لاغديتـي تاخذينـي=اكتبي لا ضقت جيتك واسترحت من النكيده
اكتبي اني احبك وانتي اغلـى وسـط عينـي=واحلفي بالله إنـك مثلـك لحبـي سديـده
يا عسى ما افقدك ليلة يا عسى مـا تفقدينـي=يا عسى ما نشوف يوم كـل يـدوّر فقيـده
والختام ارجوك عيدي ما كتبتـي واطربينـي=صدقيني من سمعتك هذي هي احلى قصيـده