لا تحرص تدخل ...

مليّت من السفر وتعبت من الترحال
****************** و أشقاني الشقى ولا عاد بي حيل

مليت أتنقل (الأمل,وهم,على البال)
****************** كلها أقنعه تخفي حقيقة أهل هالجيل

تخفي ملامح الصمت على وجه الآمال
****************** تخفي تجاعيد الحزن على حظ قليل

ناس هربت من دنياها لدنيا الخيال
****************** تبحث عن المجهول على مذكور قيل

أحلام كذّابة وكذاب هاك الوصال
****************** اللي رجيناه من صديق خوي وخليل

والله ثم والله ولا تقول ما قال
****************** وقت ضاع على (النت) نـفـعه قليل

احلف وأعيد لكن لولا الذي جال
****************** في خاطري شخصين ..حبيتهم بالحيل


الوافي اللي اصبح للوفى منهال
****************** خوي يوم كلٍ مال .. صامد ما يميل


ما شفت مثله شخص يحتمل وشال
****************** فوق همّه همووووم .. ثقيل فوق ثقيل

مانحنى ظلعه يوم ظلع الغير مال
****************** صابر ويحمد الله .. ولا دور من يشيل



والثاني ..لا لا .. يعلم الله يا رجال
****************** هو الأول في حياتي ولا أرضى له بديل

إن كان بالكون شي .. يأخر الآجال
****************** فهي ضحكتٍ من عيونه للسعاده سبيل


وان به بالكون شي يعجلها ويغتال
******************* شوفوا دمعته من على الطرف الكحيل

يووووه ..
لو يدري عن الحب في قلب خيّال
******************* فارسٍ جاء يمّها على ظهر الأمل خيل

آآآآآآآه
لو يدري كيف صمت الهوى قتّال
******************* عاشق يكبت شعوره .. يراعي ذاك الجميل

ماهو عقل لكن .. ابي أنعد مع العقّال
******************* وإلا لو تنطق المشاعر .. قالت اني هبيل

هذا القلب في كفك إن كان به مجال
******************* تكفين لا تردين عاشق .. جاء يمك ذليل


ايه ذليل وافتخر في وجه كل عذّال
******************* وأنت ذليل حبك .. في عز عالي طويل


والله يا لولا حشمتٍ لك وحسد جهّال
******************* واسباب وضعها ربي ياللي مالك مثيل

اني لأتغنى باسمك واقول شي مانقال
******************* واخليك لعالم الحب .. نبراس و دليل

ويقولون (شوفوا هذا مجنون ذاك الجمال)
******************* ويقولون شوفوا ذي .. لقت حب أصيل



دام الاثنين ذولي بالنت ما به جدال
******************* راح استمر لين يكتب لي الله رحيل

هذولي لولا هذولي تبدلت أحوال
******************* و المعذرة لو قلت شي طرى علي في ليل


المعذرة لو جرحت أو لو كلامي طال
******************* بعض اللي أعزهم.. اعذروا قلبٍ عليل

هذا شعوري وزنته ولو حصل ومال
******************* البيت وإلا تكسر المعذرة علمي القليل

عزيزي على بالي .. بعد التحية ،،،

انت دائما على البال وتلك الكلمات اطلالة جميلة بها من الماخذ الاخرى التي لم نتعود عليها .. تلك الكلمات شرح لمواقف ولاشخاص ولكثير من الخفايا والمظاهر التي بعضها تراها انت بذاتك .. لكن اتعلم من ان تلك الكلمات شيء جديد .. سيدي الف شكر وثق انك دائما على البال ...

اكتب على كيفك واذكر والا لاتتذكر
ولكنك تذكر انك دايم على البال

والله يا لولا حشمتٍ لك وحسد جهّال
******************* واسباب وضعها ربي ياللي مالك مثيل

اني لأتغنى باسمك واقول شي مانقال
******************* واخليك لعالم الحب .. نبراس و دليل


الـلــه
عزيزي على بـالــي
قصــايدك والله كانت على البال يا الغالي

صح لسانك وتسلم اياديك
روعـــــــه

يعطيك الف عافيه
والله لا يحرم المنتدى من قلمك
شــــــــوق

على بالي صح لسانك ياشاعر

تسلم الايادي

تحياتي

والله يا لولا حشمتٍ لك وحسد جهّال
******************* واسباب وضعها ربي ياللي مالك مثيل

اني لأتغنى باسمك واقول شي مانقال
******************* واخليك لعالم الحب .. نبراس و دليل

ويقولون (شوفوا هذا مجنون ذاك الجمال)
******************* ويقولون شوفوا ذي .. لقت حب أصيل

قمه الابداع
مثاليه ورجوله واصاله لا ينطق بها إلا شاعر
تنزه عن بوح القصيده ببوح اعذب واصدق
صدقني يا على بالي
انك صاحب مبدا وعقيده واحترام ودائما اذا تحلى اي شخص
بهذه الخصال يصل لاهدافه بتسخير ألآهي
القصيده مضمونها طرح لمحه للنت وهذه ميزه وتجديد

صح السانك
اعجابي الشديد
بما تكتب

سحايب

.....

..

على بالي تغيب ايام لكنك على بالي

================== ومهما غيبتك طالت على بالي ابد ماغبت

غيابك يشغل لبالي وفي غيبتك ماتبالي

================== رضيت بدبرة الوالي وعن بعض المعاتب تبت

قضينا ايامنا ياخـوك في هم وترحالي

================== ومرينا بتجارب شـيبت بي وانت مثلي شبت

عسى الله يابن عمي مايكثر صنف الانذالي

================== وبعد شفنا الحقايق عن طريق لـمهم جنبت




( بيتين على الطاير )
المعذرة

__________


هلا وغلا بن العم

ياصباح الورد والله

وينك يابن العم ؟
تركت بن عمك وحداني

التمست لك عذر
وقلت الامتحانات
وان شاء الله هي السبب

ايه
يابن العم
النت
وش استفدنا منه؟


وش اقول بس

برغم انني تعرفت عن طريقه على
ناس لي الشرف بمعرفتهم

الا
انني اقول الله يسامح من دلني على النت
والله ماسوى في خير
وانت يابن العم ادرى
ولايخفاك شيء

ياما
وياما

آآآه
ياشينك
اليا بغيت تقلب المواجع




يابن العم
مااقول الا كما قال الشاعر

مشيناها خطاً كتبت علينا
ومن كتبت عليه خطاً مشاها


صحيح
فيه ايجابيات
ومنها انه عرفنا على شرواك

لكن
فيه سلبيات
سلبت منا اعمارنا



اشكرك يابن العم
على شعورك الجميل تجاهي
وتجاه من تحب
والحقيقة انها تستاهل كل خير
فعلا انسانه موفقة طالما ان الله وهبها قلبك الطيب
الله يسعدكم ويهنيكم


تسلم لي يابن العم

بس
لاتقطع الله يخليك
ولا يحرمنا منك




تحياتي

محمد خميس ..

الله ... فيه دعوه راقيه لسابع سما .. وقابلها ربي .. والله العالم ؟؟

ولا تقول ليه ؟؟

كل موضوع القاك مشرفني فيه

حتى لو انك كذا مع الكل .. يكفيني شرف اني مع الكل اللي يشرفه محمد خميس ..

يوووه معقده الجمله اللي قبل شوي . ههههه ..

تسلم حبيبي ..


_______________

شــوق...

حياك اختي تسلمين .. وصح بدنك يالغاليه .


_____________


الخالد ..

هلابك ..وصح بدنك ..بس وين شاعر معه محاولات يالطيب ..

تسلم حبيبي .

_________________-




سحايب ...

ام الثقافه الفرنسيه ..


تدرين انك دايم تحرجيني ..

تسلمين اختي سحايب .. واشكرك من قلبي على دعمك المتواصل لقلمي الضعيف ...


ويعلم الله غلاك يالغاليه

________________________________



اها يابن عمي ..


اصلا انت مانت ناقص على جريف ..

بس تبي اللي يجيب طاري وتلقى همومك تقلب من كيفها ..... ههههههههه



مشكور على الزياره وتسلم ..

فعلا ابداع0000

شعر جميل ينطق بالحياة والحب0000

تسلم يمينك وصح لسانك اعتراف بالجميل وامتنان وحب وذل عاشق000

معاني عده احتوتها تلك القلاده من درر الكلام000


انت رائع الله يديم ابداعك

وانا اسفه اذا الانامل قصرت في الثناء00

تقبل خالص تقديري واحترامي00

اختك نغم الوفاء

نغم الوفاء ..



تدرين كل ما اقرى اسمك ودي اكتب قصيده

والله قمّه في الشاعريه ..


.. بعدين الجميل هو تشريفك للموضوع والتكرم بالتعليق .. بالكلام الحلو اللي قلتيه .. وسام اعلقه وافخر به ...

والف شكر لك يالغاليه