تعالوا 000أنا بغيت أموت من الضحك !

03 / 05 / 2002, 41 : 11 AM

تعال واذا ماضحكت بحق !!!!!!!!!!!!!!!!!!
السلام عليكم...
طبعا شباب بقولكم السالفه زي ماصارت ومثل ماشفتها تماما ...

كنت طالع من البيت حول الساعه سبع ونص .. وكل العالم رايحه لاشغالها .. طبعا زحمة الناس والواحد ماله نفس على هالازعاج

وقفت عند اشاره ووقف جنبي سيارة نوع بيوك قديم لونه عنابي .. ما اهتميت فيه .. اشتغلت الاشاره ومشينا ووقفت عند الاشاره الثانيه .. وجاك راعي البيوك وصار وراي على طوول ...

قمت اناظر في المرايه الي قدامي واتفرج عليه .. شدني شكلهم .. طبعا السواق كان سعودي وضعيف مرررره ولابس ثوب ابيض وغتره بيضا .. وجنبه زوجته العكس تماما دبه مررره يعني اتوقع انها ماركبت مع الباب شكلهم صابينها صب في الموتر وفي حضنها بنتهم يمكن عمرها 4 سنين يعني حولها

المهم .. الاشاره الي حنا عندها من النوع الي تغثـك .. تطول مرره لين تولع .. قمت اتفرج على هالعائلة اللي في سيارة البيوك ..

مادريت الا واشوف السواق بدا يرفع يده ويهاوش ..
انا هنا قمت اركز في المشهد .. بدت زوجته تكلمه والظاهر رافعه صوتها يعني الدعوه مجالد ..

وزوجته تهاوش .. مادريت الا ابو الشباب صافقها بكف .. انا هنا انهبلت قلت وجع وش فيه ذا صاحي ولا مهبول

بصراحه قلت والله ماهوب سهل ذا المعصقل طلع شري ولا ينتحارش .. صدق ان الطيور على اشكالها تقع ( مدري ذا المثل يصلح ) المهم ..

الصغيره شافت الوضع وقامت تصيح ويجي ابو الشباب ويصرف لها كف ثاني .. هو بس عطاها كف .. وعينك ماتشوف الا النور جاه كف من زوجته قسم بالله صفق وجهه في الدركسون وشماغه جاك على الطبلون مع العقال .. من قوة صفقة وجهه في الدركسون اتوقع لو انه موتره جديد وفيه اير باق بيطلع .. بس اشوى موتره قديم

المهم .. انا قلت الحين والله هالحين بيصير مشالخ على كيفكم .. زوجته متعافيه يعني بتدوس بطنه الين يحب الأرض 000

الضعيف طلع اي كلام .. خذا الشماغ والعقال ولبسهم وقام يشخص يعني مافيه شي صار ابدا .. زين اني جالس معهم في الاشارة

واشتغلت الاشاره .. انا قلت الحين بيصد بزوجته في حاره ولا احد بيخلصها منه 00

بصراحه ضاق صدري قلت وشلون عايشين 00وقررت أني ما أتزوج أبدا

عاد كلش الا كرامتي 00أقابل أمي أحسن لي والله 00

بعد اكثر من شهر ونص .. امر من عند شارع قريب من الاشاره اللي صارت فيهاالقصه .. وكان الوقت الظهر رجعة العالم من دواماتهم .. مادريت الا وذا البيوك موقف جنبي ..

واقعد اناظر صدق ؟؟؟ نفس الوضعيه الزوج وشخصيته ماتغيرت وزوجته الحجم العائلي والصغيره

بغيت افتح الدريشه من زود اللقافه اقووول والله شايفكم ذاك اليوم يوم تتهاوشون

بس شوفو سبحان الله عايشين شكلهم مرتاحين مع بعض

THE END

وتسلمون

03 / 05 / 2002, 36 : 02 PM

صحيح شر البلية ما يضحك

الله يبعد عننا وعنك سمير

والله يهديهم لبعض ويسعدهم على الاقل عشان البنوته الصغيره مالها ذنب

وترى مو كل الزواج كدا لا تاخدها حجه اصلا الوالده ما حتوافقك نقره لعرض الصورة في صفحة مستقلة

والاهم من دا كله رجعتك لينا سمووور:p

03 / 05 / 2002, 20 : 06 PM

يا عمو سمير بالله عليك هذي القصة صارت ولا هي حكايه قبل النوم

03 / 05 / 2002, 08 : 08 PM

أهلين لولوة 000وحشتوني والله !!

بيني وبينك أنا معذور

كل مابغيت أدخل عندكم 00ألقى ملجلج ماسك خيزرانته ويقول لي :

ارجع ذاكر وادرس والا 0000

5 أيام وأنا على هالحالة نقره لعرض الصورة في صفحة مستقلة

قلت مافيه الا اني أجي الصباح مبكر 00وفعلا جيت ولالقيته

وبعدين أنا رخصة قيادة السيارة منتهية 00وانشغلت فيها

بس ياهو صارت لي قصة في ادارة المرور 00راح اكتبها عندكم

بعد كام يوم 00ترقبوووووووووووه

000000000000000000000000000000

برتقالة 000شكلك عضو جديد 00

حياك الله 000واسمحيلي أعرفك بنفسي 000

احم 00احم 00

أنا سمير بيك 00سكرتير الزعيم ملجلج باشا 00

يعني أنا الكل في الكل هنا 0000

انا اللي مايعجبني من الأعضاء 00أعلم عليه ملجلج 00ويوريه شغله

:D :D :D :D

03 / 05 / 2002, 04 : 09 PM

هلا وغلا اخوي سمير
واشلونك ابيض والا قمحي
واشلون الاختبارات والمذاكرة معك جاسوس لملجلج
على قول الاخت لولوة اصابعك ماهب سواء وكل في غلك يسبحون
والحياة مليانة من الطيب والبطال من الحلو والمر واهي ما شية
لا تدقق بخلق اللة ولا تتشائم من الزواج ترى الزواج اكبر نعمة في الدنيا اذا وفق اللة

تقبل تحيات اخوك نمر

03 / 05 / 2002, 00 : 11 PM

هههههههههههههههههههههه

وانت بس جالس ومبقق عينك على الناس:D
بس الله يهديه ويهدي زوجته :D :D

04 / 05 / 2002, 36 : 06 PM

أهلين نمر باشا 00

لالالالالا 00لاتحاول أنا لايمكن أفكر بالزواج بعد اللي شفته عند

الاشارة 000

0000000000000000000000000000000000

أهلين عاشقة 00

كيف حالج ؟ ( عدل حالج والا 00)

صدقيني أنا كنت ماشي في حالي لكن الله أراد أني أعرفكم

على حقيقتكم 000

تطقون رجالكم عند الاشارات ؟؟ عجيب والله 00

أجل في البيت كيف الوضع ؟؟؟

04 / 05 / 2002, 11 : 07 PM

السلام عليكم ...

مرحبا سمير ...

معاك ملجلج شخصيا ,.,

و الله يا اخوي سمير اذا كان الوضع كذا ,., يبي لنا اعادة نظر في مسألة الزواج ....

يعني نحط شرط زيادة ,., تكون عصقولة و يدها ضعيفة .... عشان لو ضربت ما تسبب أضرار بالغة ... نقره لعرض الصورة في صفحة مستقلة

الله على حال الدنيا .... الحين أبوي ما طقني ... تجي بنت الناس و تكفخني ,,.,.,.

الله المستعان بس ....

04 / 05 / 2002, 08 : 09 PM

إي صدق يا سمير خذ لك وحده ضعيفه ترى عندها رفس ولا رفس الحمير .

04 / 05 / 2002, 54 : 10 PM

شوووو القصه اللي تخرع وتطير النووووم :D

برتقاله ؟

خطك مووو غريب علي كني اعرفك هع :p

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
و دخيلك لا بغيت اتروح لاتذكر سوا الاطلال ** ونصيحه لا بغيت اترد .. لا ترجع ترا اشوالك	سديم	‏ بوحْ الشعِر والنثر ..	16	07 / 01 / 2008 50 : 04 AM
تعالوا وأسمعوا هالقصه الزينه بس شوي ..شوي على أنفسكم من الضحك	عازف الناي	‏ \|\|ترفيه وَمسآبقآت	12	16 / 08 / 2005 01 : 02 AM
تعالوا نشوف وش في جوالات العالم بتموتون من الضحك	غيث السماء	‏ \|\|ترفيه وَمسآبقآت	10	04 / 11 / 2004 12 : 01 PM
تعالوا ... أنا بغيت أموووووووت من الضحك !	سمير	‏ \|\|ترفيه وَمسآبقآت	9	21 / 09 / 2002 59 : 11 PM
نكت # ما تموت من الضحك بس تعور الكبد من الضحك	صعبة المنال	‏ \|\|ترفيه وَمسآبقآت	13	06 / 06 / 2002 45 : 10 AM

الذين يشاهدون محتوى الموضوع الآن : 1 ( الأعضاء 0 والزوار 1)