قلبي وحيد ..!

كل عام وأنتم بخير .. وعسى ايامكم كلها أعياد ..

جادك الحزن يا خـدي بدمـعٍ جديـد=ليلة العيد جاد .. وفأول العيـد جـاد!
أحسب إني سعيدٍ .. وإثر مانـي سعيـد=واحسب ان لي بلادٍ .. وإثر ما لي بـلاد!
بين فرحٍ فقيد .. وبيـن حـزنٍ وليـد=آتشتـت بعـادٍ .. وآتجمّـع بـعـاد!
أجمع الناس في قلبـي .. وقلبـي وحيـد=وأشعل النار في روحي .. وروحي رماد!!
الريـاض تخنقنـي بالشتـا والحـديـد=والقلوب الغريبة .. والعيـون الحـداد!
حبها في خفوقي شي ماهـوب أكيـد!=فأول العيد لا أضحى وجهها في سـواد!
لا ذكرت المسافة بيني وبيـن عيـد ..=ضحكة أبوي وأمي في صبـاح العَيـاد
يوم أعيّد بصوتـي .. يحسبونـي عنيـد!=وأنا بعد السمـا بينـي وبيـن العنـاد!
تنطفي فـي عيونـي رغبتـي فالرغيـد=من معاش الحياة .. وتمتلـي بالسهـاد!
ويتجمّع فـ .. جسمي برد فقدٍ شديـد=لين ما أشعر بأصابع يدّي مـن البـراد!!
وارفع الصوت .. وعيوني تساقط نضيد..=من دموع إحتياجـي للدفـا والـوداد
جادك العيد يـا قلبـي بحـزنٍ جديـد=ليلة العيد جاد .. وفأول العيد جـاد!!

السبيعي ...!!
هلا والله
من طول الغيبات ... جا في العيد
وانت بخير وصحه وسلامه

	الريـاض تخنقنـي بالشتـا والحـديـد والقلوب الغريبة .. والعيـون الحـداد! حبها في خفوقي شي ماهـوب أكيـد! فأول العيد لا أضحى وجهها في سـواد! لا ذكرت المسافة بيني وبيـن عيـد .. ضحكة أبوي وأمي في صبـاح العَيـاد

ياويلك .. حرام عليك
والله ان الرياض حلوه ولو هي اسكيمو .. واهلها حلوين
هههههههههههههههههههههههههههههههههههههههه

بس نلتمس لك العذر
والله يخلي لك ابوك وامك ويعينك على برهما
وفعلا العيد من غير الاحباب لايطاااااااااااااااااااااااااااااااااااااااااق

	وارفع الصوت .. وعيوني تساقط نضيد.. من دموع إحتياجـي للدفـا والـوداد

الله الله الله
بيت اعجبني



صح لسانك
ولاحرمنا المولى نبض حروفك هنا دائما

\\

روآئع آلسبيعي كـ آلعآده تخرس آلسنتنآ لتستنطق قلوبنآ
ولكن .. ورغم آنني عآهدت نفسي آن لآ آثنى على آلآحزآن آبدآ

آلآ آن هذه آلحزينه آسرتني ..
مبدع

\\

رائعه جديده من روائع السبيعي

بجد رائعه


سلمت اناملك

وصح لسانك اخوي

والله يجمع شملك ومن تحب قريب

الله الله الله عليك يالسبيعي
رائعه من روائعك
وكل عام وانت بخيرر

,,




كــل عـآم وآنت الفرح بقلبك يزيد ,,



قصيدهـ ,, رغم الحزن الذي كســآهــآ ألى انها رآآئعه ,,




آوجعت قلبي يالسبيعي ,, الله يفرح قلبك ويزيل عنك كل حزن ,,



نبض المـــشــآعر ,,



كـــن بالجوآآآر دومـــــآ ,,









,,

محمد السبيعي..

صح لسانك وعلى شانك..

كل عام وأنت بخير..

وليجود العيد بما يشاء..طالما أنك تجود بهكذا إبداع ........>> ليس تشفيا ياسبيعي.

قد يكون كريما بما جاد بقدر كرمك بترجمة هذه المشاعر..

أسعد الله جميع أوقاتك يامحمد..

قلبي وحيد..

وقد وحدت قلوبنا..فجمعنا بقلبك كيفما تشاء..
ولنحترق كلما جاد الزمن لك بحزنٍ جديد..
ولتشعر بأننا أغراب بقدر مانشعر أننا موقنون بحزنك..
مؤمنون بعنادك..

	حبها في خفوقي شي ماهـوب أكيـد! فأول العيد لا أضحى وجهها في سـواد!

ألهذا الحد ليس أكيدا..
كأنك تتحدث عنك أنت فلما التأكيد..
هكذا تصورتها وأبعد..
وهي أبعد من كل تصور بوصفك..
حتى ولو أضحى كل شيء للسواد..

ياااااه..
تتعدى حدود الخيال هنا وهنا أيقنت أن العيد لن يجود لك بغير الحزن..

وياله من حزن عتيد..

أبعد الله عنك الأحزان..

فقط..
صح لسانك يامحمد..

لم أشأ أن أغادر إلا بتعليق فمثلها لا يليق به المرور بصمت..

أمنياتي...

فواز..

تنطفي فـي عيونـي رغبتـي فالرغيـد=من معاش الحياة .. وتمتلـي بالسهـاد!
ويتجمّع فـ .. جسمي برد فقدٍ شديـد=لين ما أشعر بأصابع يدّي مـن البـراد!!
وارفع الصوت .. وعيوني تساقط نضيد..=من دموع إحتياجـي للدفـا والـوداد

السبيعي محمد

متألق و مبدع دائما
.
.
.

[align=center]

	المشاركة الأصلية كتبت بواسطة محمد السبيعي

	كل عام وأنتم بخير .. وعسى ايامكم كلها أعياد .. أجمع الناس في قلبـي .. وقلبـي وحيـد=وأشعل النار في روحي .. وروحي رماد!!

محمد السبيعي

الله الله .. صح لسانك يالغلا ..


قصيدهـ جميله ومعاني فيها عذوبه وراااااائعة كروعة صاحبها ..

تقبل مرور سموالمشاعر المتواضع على قصيدك الراائع

أبو حميد

صح لسانك يالذيب

كلماتك ياشيخ دائماً رائعة
أنا بصراحة يامحمد
أعشق الشعر المسموع
أكثر من المقروء بكثير

لكن قصائدك
علمتني إن المقروء أفضل بكثير
تتعمق بداخل الكلمات ..
وتقدر تعرف شعور الشاعر بهذي اللحظات

كل الشكر لك يا أستاذي ..
تحياتي لك يالغلا ..