زمان الفلوس

السلام عليكم ورحمة الله وبركاته
يسعدني ان اكتب لكم هذه القصيدة
وارجو ان تنال اعجابكم

يالساني تكلم وارسلي ياهجوس=وشرحي كل علمٍ صار فيه التباس
انعكس فهم الامه والزما ن مغكوس=وامتلى قلب بعض الناس حسرة وياس
كم شجيعاً على جمر الزمان محموس=ويتصبر ولو شرب المراره بكاس
ويترجا عيال الخايبين الهيوس=وان تمرد على واقع زمانه يداس
من همومه عروقه ناحلاةٍ يبوس=مير وشلون يعدل وقت مسعاه خاس
يازمان اتلعجايب يازمان الفلوس=يازماناً على الطيب صعيب المراس
يازمانٍ بك الثعلب يحد الضروس=واعتلت فيك هامات السلق والبساس
والله اني من دروسك خذيت الدروس=درس مع درس زود ضيقتي والعماس
وانت ياللي ماجربت الزمان النحوس=اعرف ان الزمان اليوم فيه انتكاس
وانشد اهل المعرفه طيبين النفوس=واقتبس منهم العلم الصحيح اقتباس
وابتعد عن مرافقة الرخوم النجوس=وش تبى من مرافقة الضعوف الخساس
مايحامون جنبك في النهار العبوس=لو بوقت السعه عندك طوال الحساس
واحدٍ فوق صرح المجد ماله رموس=لا تحطه على جنبك نهار الدواس
في الرياجيل فرقاً واضحٍ ومحسوس=كانه الفرق من بين الذهب والنحاس
اصل صم الصخر ماهوب مثل الطعوس=ميز الفرق وانته فيك خمس الحواس
والمجالس بعظها مالك ابها جلوس=لو على التجربه يدفعك بعض الحماس
مايجالس هدوس الناس غير الهدوس=والمثل قال كلٍ له مع الناس ناس
طول عمر الرجول رجول والروس روس=بينهن فرق شاسع بالنظر ما يقاس
الردا في الردي طول الحياة مغروس=وابيض الوجه له بالعز والمجد ساس
لايهمك ولوطالت قرون التيوس=ما تدوم السعادة والهنا والوناس
ماحداً من مقادير الزمان محروس=كل عوداً لو ابطى مقتفيه اليباس
وان تحداك وقتك دوس الاخطار دوس=لا تلبس من ثياب المذله لباس
لو حنتك الليالي بامرها حني قوس=لا تنزل مقامك وانت في القوم راس
كل سبعٍ فروس يجيه سبعٍ فروس=وان تهاون عزومه يفترسه افتراس
واعرف ان الليالي حدها حد موس=من تراخالها ترميه تحت المداس
والرجوله ماهي في لبس زين اللبوس=والتقصوي بجمع المال لؤلؤ وماس
كم غنين عن الفعل الجميل محبوس=حابسه شح نفسه ياعساه الفلاس
وكم فقيراً لهامات المعا لي يجوس=لابسٍ بالفخروالعز والمجد طاس
لويقظي حياته في تعاسه وبوس=نحو فعل الجمايل يدفعه قو باس
ومن تجرا على حلف اليمين الغموس=بشره بالتعاسه والندم والفلاس
لو جمع مال بقعى حاسه الوقت حوس=والنهايه قبر مظلم ومترين لاس

مع تحيات اخوكم
طامي الرياحي

...
اشهد بالله انها قصيده
ومن راس شاعر صح لسانك مليوووون..
وبيض الله وجهك... قلت فابدعت..
اخوك.. السيف

اخوي السيف
الف مليون شكر على مرورك
وردك ولك التحيه ياغالي

طامي

بسم الله الرحمن الرحيم

طامي الرياحي

السلام عليكم ورحمة الله وبركاته

صح الله السااااااااااااااااانك وسلم بناااااااااااااااانك

قصيده رااااااااااااااااااقيه وقصيده جزله من شااااااااااعر جزل

لله درك من شااااااااااااااااااااااااااااااااعر

سجل اعجااااااااااااااااابي وحضوري

اخوووووووووووووك


الحســـــــــــام

أخوي طامي الرياحي

قصيده جزله

جميله رااااااائعه

وبنفس الوقت صادقه

صح لسانك وسلم بنانك

تقبل تحياتي

مخاوي الجرح

صح لساااااااانك والله لايحرمنا منك ومن قصاااايدك الرائعة ..

لك تحياتي واعجابي

اخوي الحسام
عليكم السلام ورحمة الله وبركاته
اخي الفاضل
الف مليون شكر على مرورك
الذي اسعدني
وعلى ردك الجميل
ولك التحيه

مخاوي الجرح
الف مليون شكر
على مرورك
وردك الجميل ولك التحيه

سهم المنتدى
الف مليون شكر على مرورك وردك
ولا عدمتك ياغالي
تحياتي

طامي الرياحي


صح لساااااااااانك ..
وتسلم يمناااااااااااااك ..



.






.