يابدر بن سلطان !!!!!

أحبتي اسعد الله ايامكم بطاعته

كما قال الشاعر:

من طول الغيبات جاب المعاذير
.......... في وقتنا ماعاد فيها غنايم

للتواصل ليس الا قصيدة تحمل عبق التاريخ موغلة في القدم

امام اصرار وافي على طرح الجديد اللي (باح ) جددت له القديم عل ذلك يشفع لنا بالغياب

والقصيدة طبعا وجهتها (منذ مبطي ) لأخ وصديق لي هو / بدر بن سلطان السحيمي الحربي

يابدر بن سلطان حالي صعيبه = ماتنوصف يابدر لو جيت اصفها

وأنته خوي ًٍ باللقا نعتزي به = ومثلك الى جته المعاني عرفها

نسل الذي يعرف مع الناس طيبه= المرجله من كل شجره قطفها

غوث الضعيف وزبن من يلتجي به = نفسه على فعل المكارم وقفها

من لابة ٍ الها مع الناس هيبه = سقم الحريب ان كان ساقت عطفها

سحمان ياما فرقوا من كتيبه = وكم عايل ٍ منهم دموعه ذرفها

هذا وأنا يابدر نفسي صويبه = عن ديرة الاحباب ربي صرفها

والله لولا الله وادرى المعيبه = واخاف من ناس ٍ كثير ٍ عجفها

لا اتل ملهوف الحشا وانتحي به = واسكن ديار ٍ غيرنا ماعرفها

ربي يسعد ايامك بكل خير..

شوف ياحسنوووه كنت ناوي فيك نيه والله اعلم بها يمكن توديك للهلاك.

بس هنا اقف بشري وابدله الى الخير.

اكيد ليه لا وانا اشوف امام عيوني المحمره من النوم والتعب هذه الرائعه .

الشاعر والاستاذ حسن المحمدي ..

شاعر متمكن شاعر شهادتي فيه مجروووحه.

اقف احتراما لك ولهذه الشاعريه .

حسن مادري الشعر يفتخر فيك ام تفتخر فيه .المهم انا افتخر فيك وفيه

واقول للشعر الفخر بحسن المحمدي .كبيييير يابا رهف وتبقى كبير ودمت رمزا للابداااع

صح الله لسانك مليون ولايسدووون .

وسلم راس وافي ياشيخ يستاهل جائزه كبيره اللي خلانا نشوف منك هذي القصيده.


حبيب قلبي حســــــــن تقبل مروري المتواضع امام رائعتك.

ولك مني اجمل وارق التحايا

................

...

حسنننن
ابك والله سهران من البارح ومن ساعتين اتقلب مو راضي يجيني النوم
والتفت للشاشة والاقي المفاجأة !! اثاريها هي اللي مطيره نومي ! واطيرت نوماااه ياحسنننن


رااااااااااااااائع والله ياحسن
وقصيدة رااائعة ومعبرة
وقديمك جديد وابداعك يتجدد
ويستاهل بدر بن سلطاااان

وكفيت ووفيت ياحسن
وااالف شكر لتلبية الطلب
ولاتبطي علينا



...

.
.
.

توي صاحي من النوم

بعد 10 ساعات نوم

قمت ادوّر فطور مدري غدا

من شفت حسن المحمدي بقصيدة جديده قلت عز الله طاح الغدا

انا اشهد انك تروينا وتشبعنا شعر

انت شاعر كبير ياحسن






بس وين رد السحيمي
؟؟؟

دائما القديم يبقى جديد خاصة اذا كان بحجم هذا الشعر

تمر الأيام والليالي ويبقى خالدا في الذكرى .

كلمات امتازت بشفافية المعنى والوضوح في المدح .

صح لسانك اخي حسن وتسلم يمينك لتروينا من نبع الإبداع .

صح لسانك وعلى شانك

كلمات جزله لا تخرج إلا من شاعر جزل يجيد العزف على اوتار المعاني

لله درك اخي الغالي حسن

وانا دائما انتظر جديدك لأنه متميز وذو نكهه خاصه

كن بخير

اخوك ابويوسف

صح لسانك يابو رهف

ويستاهل بدر بن سلطان

أتمنى نسمع جديدك يابو رهف

حسن المحمدي

كلك حسن !

وصحّ الله لسانك يافتى

القصيدة رغم أنها موجّهه لشخص لانعرفه شخصياً

إلا أنك عرفّتنا عليه وأكيد أنه يستاهل الطيب وربعه وافين

الحقيقة اعجبتني أبياتك عموماً

بس هنا شطر بيت مجنون في معناه

نفسـه علـى فعـل المكـارم وقفـهـا

( الوقف )

أول مايتبادر إلا الذهن الوقف لله تعالى

والمعنى أن الممدوح يقدم المعروف والمكارم لوجه الله . لارياءً وسمعه

أصبت ذائقتي بسهم

دمت ودام إبداعك

تحياتي القلبية

لاتل ملهوف الحشا وانتحيبه= واسكن ديارن غيرن ماعرفها

صح لسانك ملييييييييييييييييييييون على الابداع اللي يشد الشاعر وغير الشاعر وما اقول غير لاتحرمنا من قديمك وجديدك

قصيده اكثر من رائعه والله اخ حسن...

يعافيك يارب