اسطورة الزين

البسي شعري اقلاده على العنق الفريد= وارقصي لعيون شاعرك يامعنى الجمال
شاعرك مغرم وتعبير بوحه بالقصيد=لين يرسم تحفة الزين كله والدلال
هاضت اشعار المشاعرعلى الشوق البعيد=وساقه الشرقي وهلت مرازيم الخيال
انتثر عطر القصايد0 ولعيونك جديد=كل حرف فيك مغرور من طيش ودلال
يابعد من لبسوها الذهب في يوم عيد= طفلتن في عين ابوها غلاها راس مال
قربي بوصفك بالشعر والفكر العنيد = لو زعل مني بنات وزعل مني رجال
انفلاق الصبح من غرتك يوم سعيد =والشهد بشفاك لولاك ماجاله مجال
والعيون الدعج لاسلهمت ضاع الوليد=من خجلهن ضعت مابين رح والا تعال
ناعساتن سود واهدابهن حد حديد=في يدين الشيخ لامن حظر باارض القتال
القمر من لبتك يشحذك هل من مزيد= نوريني واشرقي بي على روس الجبال
والخدود ومبسمك روعة الزين الاكيد=والورود مطيحتها ولاتسوى ريال
والنحر بااشراقته ضيع عقول العبيد= اندمج زينه وزين النهود بكل حال
واشقرن لامن تنثر على الردف الوحيد=بالنعومه ماذكر من يحاليله محال
وجسمك الراقي على الوصف بالشعر المفيد=عود موزن ناعم تحت وارفة الظلال
ولاحضرتي حفلتن نورها منك يزيد= والعذارى لارقصتي دخل فيهن اهبال
كل عذرا لوتماريك تبغى تستفيد= بس من اسمك تبي شي يذكر للمقال
شاعرك لو ذاب لااجلك مثل ذوب الجليد= اعذريه من الغلا قال شي مايقال
ماتساوى راعي الفكر والعقل البليد= ولاتساوى اسطورة الزين بااشباه الجمال
يحفظك ربي من عيون شيطانن مريد= في حمى الرحمن ياللي عليك القلب مال
سامحيني يوم اوصفك واغني نشيد= سابحن بحر الغلا في متاهات الخيال

برق الوســـــــــــم

حياك ربي اخوي برق الوسم مطول الغيبة وهذي رووعة الغنايم
ماشاء الله تبارك الله
قصيدة قمة في الجزالة والتراكيب اللغويه..فريده في تسلسلها ...
غزلية وصفيه ،،جميل الاقتباس الموجود فيها والمحسنات البيانية والبديعية
حوت مفارقات ومتناقضات رهييبة وتشبيهات رائعة ومجال مقارنة وااسع

شاعرك لو ذاب لااجلك مثل ذوب الجليـد
اعذريه مـن الغـلا قـال شـي مايقـال
ماتساوى راعـي الفكـر والعقـل البليـد
ولاتساوى اسطورة الزين بااشباه الجمـال
يحفظك ربي من عيـون شيطانـن مريـد
في حمى الرحمن ياللي عليك القلب مـال
سامحيني يـوم اوصفـك واغنـي نشيـد
سابحن بحر الغلا فـي متاهـات الخيـال

الله يلووم اللي يلومك ،،شااعر ولافيك حيله
اخي برق الوسم سلمت وصح لساانك ملايين ولاتكفي ،،ابداع ماله حدود
الى الامام موفق باذن الله ....الله يعطيك الف عاافية

حياك الله برق الوسم

عودة رائعه اخوي من خلال هذه القصيده

صح لسانك ملايين ولا هنت

هاضت اشعار المشااعر على الشوق البعيد=====وساقه الشرقي وهلت مرازيم الخياال




برق صح لسانك


ودااام الابداع

تقبل تحياااتي

.................

...

من طول الغيبات جاب الفرائد




ابدعت ثم ابدعت ثم ابدعت
يابرق الوسم




سلمت يداك


كلك ذوق


...

شموووع الغربيه
يسلموو يارب الف شكر لحضورك الراقي
وووووودي برق الوسم

.
.
.

طالت وطال الابدااااع

اولها ونصها واخرها

شاعر وقليله فيك يابرق الوسم

يسلمووو يالراقيــــــــه

نورتي يالغلا ووودي
برق الوسم

شاعرك لو ذاب لااجلك مثل ذوب الجليـد = اعذريه مـن الغـلا قـال شـي مايقـال

برق الوسم
صح لسانك اخوي
ابداع في منتهى الروعه
تحياتي لك

خلف الجابري
تسلم ياغالي لاهنت
نورت اسطورة الزين
الف شكر ودي برق الوسم