يـاصـاحـبـي

ياصاحبي والسوالف منك مابيها
أنا اكتفيت وخذيت من الزمن قسمي

أشياء كثيرة تمر وخاطري فيها
ويردني عنها كبري وكبر اسمي

لي نفس دايم على الحشمه مماشيها
تبين وقفاتها بالموقف الحسمي

ياعل مايفرح بــداهـــا معاديها
ويمطر عليها السعد من صيب الوسمي

واشوم ، والحاجه الشينه نخليها
تلقى لها واحد ماهو على رسمي

والناس ماكلها نقدر نجاريها
يانفس لاشانت وجيه الردى ابتسمي

بعض البشر من كثر ماني بمغليها
ودي تشاركني من الخير في قسمي

وبعض البشر ودك انك ماتجاريها
ودك تعاملك معها دايم(ن) رسمي

عين(ن) تبيني بتشريني وباشريها
حتى لو اصغر عيوبي بالخفاء دسمي

وعين تبي ضيقتي وتحب طاريها
ماراح ترضى لو أقطع لها جسمي
/

مما راق لي(:
للشاعر سعد المطرفي

..................


...


صح لسااانه


قصيدة جميلة ومعبرة



ابدع المطرفي واحسنتي الاختيار



ذووق ياذوق



كلك ذوق


...

صــــــح لسـان الشاعر سعد المطرفي وأجاد وأبــدع


وقصيدة جميله وجزيله وحبك وسبك .


والأجمل هو أختيار وذوق المبدعه والمتألقه والرائعه


شمووووع الغربيه يالـه من أختيار جميل ورائـع


وذوووووق من صاحبة الذووووق الرفيع سلمت يداااااك ولاعدمناك


ياشمووووع ودمتي ودام ذوووقك وجمال أختيارك ومايروووق لشموووع يروق لنا جميعاً هذا


والله يعطيك العافيه ويديم عليك الصحه والسعاده ودمتي وسلمتي سيدتي ولك أجمل وأطيب تحياااااتي

وافي
صح بدنك مدد مدد
ومنك الذوق استاذي
شاكره لك مرورك
لاخلا ولاعدم
دمت بكل خير



استاذي فتى الجميزة
وصح بدنك استاذنا، والأجمل مرورك
تدوم انفاسك وسجداتك ياارب
ويسعدني أن تروق لك،لما لأ وانت الراوي والأديب!!
الله يعافيك ويسعدك ،شكرا لجمال مرورك
دمت بكل خير وسعادة

ياصاحبي والسوالف منك مابيها
أنا اكتفيت وخذيت من الزمن قسمي

أشياء كثيرة تمر وخاطري فيها
ويردني عنها كبري وكبر اسمي

ياسلام على شمووووووووووووعه وذوقها الرائع
صح لسان الشاعر

عاد ودي اقول يوم من الأيام صح لسانك شموووووع على قصيدتك
بصراحة واحد ثقة قال لي انك تقرضين الشعر قرضا مو سهل .
متى نشوف باكورة كلمات شمووووووووووعه وعليك الله وأمانه ما نعلم أحد ..

جودي علينا بثلاث ابيات شموعه
ترى البخل شين ماهو طبع الاجوادي

	المشاركة الأصلية كتبت بواسطة أبو خـ البجادي ـالد

	ياصاحبي والسوالف منك مابيها أنا اكتفيت وخذيت من الزمن قسمي أشياء كثيرة تمر وخاطري فيها ويردني عنها كبري وكبر اسمي ياسلام على شمووووووووووووعه وذوقها الرائع صح لسان الشاعر عاد ودي اقول يوم من الأيام صح لسانك شموووووع على قصيدتك بصراحة واحد ثقة قال لي انك تقرضين الشعر قرضا مو سهل . متى نشوف باكورة كلمات شمووووووووووعه وعليك الله وأمانه ما نعلم أحد .. جودي علينا بثلاث ابيات شموعه ترى البخل شين ماهو طبع الاجوادي

حيااك ربي شيخنا ابو خالد
الله يسلمك ومنك الذوووق
وصح بدنك مدد مدد
لاأجل بتبطي مانت قايلها
لاتصدق مايقال ، اغلب الحكي اشاعات
/
ودي أجود عليكم
لكن كيف تحقيق ودي!!!
يكفي موهبتكم ولوجدتم علينا لكفتنا
شاكرة لك شيخنا هذا المرور
دمت بكل خير وسعادة

رائعة حبيبتي
سلمتِ ~

	المشاركة الأصلية كتبت بواسطة طيف المحبه

	رائعة حبيبتي سلمتِ ~

يسلمك ربي ياطيف
وياهلا بك عوداً حميداً.
يسعدك ربي