(( ضيف الوئــام )) ،،، الحلقة الأولى

.........



أهلين بضيفنا مجددا

وشاكريم لك هالاجابات ..

وفي انتظار استكمالها .

ابق بخير يا عزيزي


تحياتي

...........


اهلين وافينــــــــا


سعداء بتواجدك الدائم


غير مستغرب عليك التواصل المبارك هذا ..

تحياتي
واحشروا الرجال ههههه

........




أهليـــــــــن أخت زهرة ...

مرحبا بك هنت ومنوره المتصفح .

وانا داري انك تنتضرين استضافة السيف .. علشان تحجرين له ههههههه

بس جايك في الطريق ان شاء الله ..

مشكورة على التواصل

وبانتظار إجابة الضيف على تساؤلك ..


تحياتي

........



مرتـــــــــــــــــــــــــاد


هلاوين بك

وخيرة ان بكرة من شعبان هههههه علشان نشوفك هنا...

منورة الصفحة بتواجدك.

وبانتظار الضيف للرد ...

تحياتي

	الرّسالة الأصليّة كتبت بواسطة أمواج الخليج السلام عليكم اختيار موفق ابو تركي... اهلا..وسيم.. سؤالي هو / لماذا اخترت هذا المعرف( وسيم بس مالي حظ)؟؟؟

لاني....وسيم....بس مالي حظ

















زين أقولك.....هذي قصه طويله

أختصارها اني أستخدمت الاسم كنوع من المداعبه او المزح..وان كان الحظ الردي حقيقه فالوسامه غير حقيقيه

كان في زمان ايام التشات "دب بس سريع" و "تكروني بس اخلاق" و"نحيل بس قوي "

و "وسيم بس مالي حظ" رغم انا مانعرف بعض كويس ولا نتقابل الا نادر الا انها كانت ايام روعه

ههههههههههههههه من يذكر صوره الزول الي تجي في التشات..

ترها كانت صورتي الخاصه

<-------أمحق وسيم


يعني بالعربي اسم للفرفشه

على فكره الاسم ذا ماركه مسجله واستخدمه من اول ايامي في النت

	وسيموووه ابو تركي ماقصر يقول احلت لكم اربع واخذوا لفه ولكم اربع ثانية وانا تقلبت وعيا النوم يجيني قلت اسدح الاربع الآن فباسم الله الرحمن الرحيم حياك الله وكل عام وانت بخير وكل عام وانت لله اقرب وكل عام وحظك اطيب

هلا بالوفا...

هلا بالطيب الغالي عزيز وشوفته "منوه"

كل عام وانت بخير وينعاد عليك بالصحه والسلامه

وربي يعينك على صيامه وقيامه ويتقبل منا ومنك صالح الاعمال

وابو تركي ماقصر..عساه دوم ع القوه

ولو انه حشرني...بوقت ضيق ومشغوول...عسا بن مجلي يتفاهم معه

	س1 لمست من خلال بعض مداخلاتك بمنتدى الشعر انك تملك موهبة شعرية مع اننا لم نرى اي مشاركة شعرية تحمل اسمك مع اعتقادي بان لك بعض (المحاولات الشعرية ) ان جاز التعبيــر فما تعليقك على هذا ؟ كما اتمنى لو تتحفنا ببعض محاولاتك

موهبه من هناااااااااك..موهبة الضعوي عندي والله

ههههههههههههههههههههههههههههههههههههههههه

ياليت يا وافي...وياكثر ماتمنيت أقدر اقول او حتى احاول

لكن العين بصيره......... والحظ مقرووود

كانت امنيه...ولاتزال أمنيه وش دراك يمكن أصير مثل النابغه وأنبغ في الأربعين

الا قولي ما ودك تعطيني نص موهبتك..واعطيك نص حظي

	س2 من هو شاعرك المفضل

مافي شاعر بعينه....أحب كثيرين وأقرأ لكثيرين ويعجبوني كثيرين

القصيده بذاتها تعجبني...مو مهم من قالها او بأي غرض من أغراض الشعر

يعجبني الفصيح ..والنبطي..والعامودي

<--------بتاع كله

يعجبني / أحمد مطر كشاعر حر ثائر متمرد

يعجبني / نزار قباني في بعض قصائده الغزليه الرقيقه"وأنبذ بعض قصائده" الوقحه<---عذراً على العباره

بعض قصائد /نازك الملائكه كانت تطربني كثيراً

تعجبني رباعيات الشاعر الشعبي المصري " أحمد نجم" هي أشبه بالكسرات منها كقصائد لكن اجد بها متعه كبيره

البدر له قصائد تعجبني وان كنت لا أطيق شخصه لكن أعترف له بالموهبه والتمكن

كثيرين يا وافي ...وان كنت في السنتين الاخيره نادراً أقرأ شعر

قرب أذنك وأقولك سر وأبعد مايكون عن المجامله....الوافي بيعجبني كثير
وأتابعه من فتره..."وأن كنت غالباً لا أعلق أو أرد"...
تملك من الموهبه والتمكن الكثير...أتمنى أن يأتي اليوم الذي أرى أسمك
وقصائدك في مكانها الحقيقي على الساحه الادبيه...تأكد اني لم أجامل

	س3 بيت شعر تردده دائماً بينك وبين نفسك ( دندنه ) والذي غالباً مايجيء على لسانك لاارادياً

يمكن...<--لاحظ يمكن

(إن حظي كدقيق فوق شوك نثروه
....................ثم قالوا لحفاة في يوم ريح إجمعوه

فعصى الأمر عليهم....فقال لهم اتركوه
...................إن من أشقاه ربي كيف أنتم تسعدوه)

واحيان أردد......

(كلما دقيت في أرض وتد......من رداة الحظ وافتني حصاه)

حسب الحاله ان كانت مستعصيه قلت الابيات الاولى وان كانت خفيفه قلت الثانيه:D:D

	س4 بصراحة ودك آخذ لفه وارجع والا لا ؟

أرجع يا وافي...وربي ان السوالف والدردشه معك توسع الصدر....وتجلي الهم

متى ماحبيت أرجع...تشرف وتأنس..أرجع ولك المنه













هذي للوافي بس مو تجون انتوا بعد :D

	الف شكر يابو تركي على الموضوع وعلى الاختيااار ولي عوده

هلا يالسيف...تشرف وتأنس يالغالي

يابعدهم أنت.... رمضان كريم:D

<---يعني يلمح تخف عليه شوي:D

سيف حياك الله بأي وقت

كل سنه وانت بخير...وينعاد عليك وانت بخير وصحه وسلامه

........

..

ربنا يجبـــر بخاطرك ياوسوووم


كلك ذوق



ولي عودة بعد ماتاخذ نفس







كلك ذوق وسيم


...

	<<<<<<<جت :D

>>>>>>طلت وأنورت...شرفتي ردوون

	1_ اسمك/ سنك / عنوانك؟ وش مؤهلاتك؟ واذا تشتغل وين وكم راتبك ؟

الأسم / أحمد

السن / 26 وفي روايه 27:D

العنوان / مكه _ العوالي :D ودك تزورينا :D

المؤهلات / ثانويه عامه +دورات عديده في مجال العمل..وأدرس الان بكالوريس محاسبه

الشغل والراتب / أشتغل في قسم الملفات الطبيه بالقطاع الصحي بالغربيه
والراتب أقل من العشره وأكثر من الخمسه الاف:D

	2_ وش كانت فسحتك وانت برابع ابتدائي الترم الثاني :D

كنت عامل ريجيم في الترم الثاني سنه رابعه:D

	3_ ايش الحلم اللي تتمنااه ولا انت قادر تحققه؟

أصير مليونير:D

كثيره الاحلام ردوون...ومثلك عارف حظي


4_ كم مره ندمت على قرار اتخذته ؟ ولو تقدر تعلمنا عن احدها ياليت؟ << ماتحب اللقافه ابد خخخخخخخخخخخخخخخ :D

كأي أنسان لدي الكثير من الاخطاء والقرارات الخاطئه....لكن اكثرها تعقيداً وأكثرها أثراً بالنفس هوا قرار ترك الدراسه

قبل التخرج من الثانويه العامه....كانت احلام ورديه بكبر الجبال

وكان هناك أعلان عن الهجره لكندا...مع تأمين العمل وأكمال الدراسه

كلمت المكتب....وجهزت اوراقي...ورتبت أولوياتي...وأجتزت الاختبارات واخذت الثانويه

كان قراراً للهجره أتخذه مراهق وأصر عليه...
رفض والدي بحزم.."ومن يترك مراهقاً في الـ18أو19من عمره يهاجر؟"
أصر على عدم أكمالي الدراسه بكندا...وأصريت أنا على عدم اكمال الدراسه هنا
كانت خساره مزدوجه...

وأن كان بالنفس بعضاً من "أسى" الا اني أقدر وأحترم موقف والدي الكريم فنسبه النجاح أقل من نسبه الفشل...

	لي رجعه

تشـــــــــــــــــــرفين