خذ قلبي لجروحك ولا يجي قلبك جروح
يسلم قلبك اللي بكل ما فيني فديته
وشلون ما شيل همومك وانت للروح روح
لو ينشرى فرحك بعمري لجلك شريته
لو ينشغل بالك أحس كل مافيني ينوح
تصغر الدنيا بعيوني وكل فرحي نسيته
اشكي ما بك خل قلبك لقلبي يبوح
ذبحني سطر من الألم بعيونك قريته
عطني أحزانك ببني لها بصدري صروح
خلها من أسى الماضي اللي بحبي طويته
اضحك حبيبي بسمتك لي غاية وطموح
كن نور هالدنيا من صدى ضحكك خذيته
تبسم للأمل خل عطره بجوك يفوح
ترى بعيوني غرامك أمل عمري بديته
إنت بناظري قمة ويبقى غيرك سفوح
لا عدمت نظر عيني دامك بطيفك ضويته
خذ قلبي خذ كل ما فيني ولا تجيك جروح
أنا ادري كثر ما عطيتك ... حقك ما وفيته
أنت غير مسجل في منتديات الوئام . للتسجيل الرجاء إضغط هنـا
خذ قلبي لجروحك ولا يجي قلبك جروح 
