علي المقادير..وانتم\ن الطريقه..(1)..!!

السلام عليكم ورحمة الله وبركاته
مسائكم..وصباحكم..سكر..


جات على بالي فكرة هالموضوع..
لمن لاحظت اكلات ومشروبات باتت قاسم مشترك بين مجتمعنا..
بل لايخلو بيت من عملها شبه يومي ان لم يكن يومي..
ولايوجد شخص يجهل طريقتها..
لكن ومع ذلك تختلف النكهات..

هي ذات المقادير لكن تختلف الطريقه..



من هنا سأورد مجموعة حلقات على التوالي مابين المشروبات والمأكولات..
اريد من الجميع..اعضاء وعضوات..
ان يكتبو طــــــــــــــــــريقة عمل شيء معين..




لكــــــــــــــــــــــن:
وفق مقاديــــــــــــــــــــــــــر معينه (اقصد الاصناف لا المكاييل)

ويحق لكل عضو..ان يحذف صنف معين ..او ان يضيف اخر..مع الاشاره لذلك..
وبالنسبه للمكااييل لكم الحريه في ذكرها من عدمه..



بإختصااااار علي المقاديــــــــــــر وانتم الطريقـــــــــــــــه









في هذه الحلقه اطلب طريقة عمل
القهوه (العربيه-الشرقيه-السعوديه)ايا كان مسماها..

المقاديـــــــــــر :-

بن
هيل
زعفران
زنجبيل
قرنفل (مسمار)
قرفه
حليب
كوفي ميت
ماء


بإنتظاااااااااااااار طباخين وطباخات الوئام

بسم الله الرحمن الرحيم

بنسبه لي انا

فطريقتي هي كالتالي

المقادير

ماء

بن محموس ومطحون

هيل او قرنفل والغالب هيل


الطريقه

وضع الماء في ابريق خاص للقهوه (الملقمه) ومن ثم اشعل النار حتى تتم الغليان

ثم وضع فنجال ونصف على حسب مقدار الماء من البن على الماء وتركه يغلي مقدار خمس إلى عشر دقائق على نار هادئه

ثم ابعدها عن النار حتى تركد وتصفي

احظر الدله وأضع فيها الهيل ثم ازل القهوه فيها

ومن ثم اشعل النار حتى تقلب مره او مرتين

وبهذه الطريقه تتم القهوه

اقلطو

<<<<<<<<<< جت تشرب قهوة الصباح مع صبي العشه

يسعد صباحكم شروووق وصبي
وتسلم يدكم

يمي يمي

<<<<<للاسف ما رح تشارك علشان ما تجيب العيد وتضيع خلق الله بالمستشفيات

..

فكرة ممتاااااااااااازه ياشروووق

الف شكر لك



القهوة

طريقتها بالنسبة لي

أجيب الابريق الخاص لغلي القهوة

واحط قهوة وماء

واتركها تغلي ربع ساعة

في وقت غليانها اجيب الترمس الخاص بالقهوة ( الزمزمية )

واحط فيه هيل هذا أساسي .. ومع الهيل زعفران أو قرنفل ( نكهات غير أساسية طبعاً )

يعني إن حبيتي تحطينها وإلا مو لازم

بعدين أصب القهوة بعد ماتغلي في الزمزمية ثم أقدمها مع تمر ومعمول أو حلويات

وبالهنا والعافية

..

صبي العشه:
شكلك كييييف قهوه من جد..
ههههههههههههههههههههههه

الله يعطيك العافيه شاكره لك مرورك..

لاتفوووتك وصفة اضواء ترا اسهل..

يااابنت..
لااحد يسمعك..
ماتعرفين تسوين قهوه يوه يوه

ههههههههههههههههههههههههههه


اقوول قولي الوصفه اللي عندك..
واذا خطا نساعدك عليها..



النبض الحزين:
يعطيك العافيه عالمرور..

قهوه اضواء صايده خخخخخخخخ يا شروووق


تقهوي يا النبض مدي فنجالك

القهوه لها خمه عند بعض الرجاجيل

وراعي القهوه معرفو وهو الملقب (بالضلماوي )

..
.
صباحكم ورد ياحلوين ....

القهــوه السعوديه " القصيميه " مثل ماذكرت اضواء

اما قهوتي المحببه فهي " التركيه " بووووشّ ..

طبعاً " بمغلياتها الخاصه " تسمى " الركــوه" .. تغلين المـاء أول .. تحطين لكل فنجان مـاء ملعقة " بن عربي اسود" ..

وعلى حسب ما تحبيها ..

اذا سكر زياده .. او ساده

اذا كنتي تبغينها " بوّش " .. يعني " بوجه" ..

فلا تغليها ابداً .. بس حطي القهوه بالركوه وشيليها فوراً ..

اما اذا كنتي تبغينها عاديه فخليها لحد ما تغلي .. " ترفعي الركوه عن النار وترجعيها اكثر من مره " ..

وهنـا وعافيه ..
.
..

	المشاركة الأصلية كتبت بواسطة أضـــواء

	.. فكرة ممتاااااااااااازه ياشروووق الف شكر لك القهوة طريقتها بالنسبة لي أجيب الابريق الخاص لغلي القهوة واحط قهوة وماء واتركها تغلي ربع ساعة في وقت غليانها اجيب الترمس الخاص بالقهوة ( الزمزمية ) واحط فيه هيل هذا أساسي .. ومع الهيل زعفران أو قرنفل ( نكهات غير أساسية طبعاً ) يعني إن حبيتي تحطينها وإلا مو لازم بعدين أصب القهوة بعد ماتغلي في الزمزمية ثم أقدمها مع تمر ومعمول أو حلويات وبالهنا والعافية ..

هذي طريقتي بعد بس من دووون قرفه وزعفران
.

	هذي طريقتي بعد بس من دووون قرفه وزعفران

أما قرفة ؟؟

هههههههههههههههههههههه

اسكتي لاحد يسمعك

قرفة بالقهوة هههههههههههههههههه

..