مرثية في الراحل الامير نايف

بسم الله الرحمن الرحيم

محاولة
مرثية في الامير الراحل نايف بن عبدالعزيز ( رحمه الله )

كذا الدنيا ليا صالت وجالت = تصير افراحها حزن وكآبه
تمر ايامها حلوه ومــــــره = وبعض احيان تمطرنا سحابه
نذوق البرد فيها والحراره = وتشرق شمسها في وسط غابه
ليا ضحكت لنا يومين تزعل = تدور ايامها فيها تشابه
تغدى في عرب وإلا تعشى = وتفطر في عزيزين الجنابه
رحل نايف ودمع العين يذرف = على نايف عزانا في مصابه
رحل رجل الامن عنا بعيداً = ودمع العين من فقده صبابه
رحل من سطر التاريخ ذكره = رحل من كانت الدنيا تهابه
رحل والناس من فقده تباكو = بكى حتى الرضيع اللي درابه
رحل من كان للإرهاب صامد = رحل من كسر انياب الذيابه
رحل من كان حصناً للشريعــه = رحل من كان للأعداء يجابه
رحل عنا عسى الفردوس داره = وعسى قبره إلى الجنات بابه
رحل والداخليه في مناحــــه = رحل من كان له قدر ومهابه
رحل نايف ولكن فيه نايف = شديد العزم للعالي رقى به
رحل نايف وفي احمد نشوفه = نشوف احمد مشى دربِ مشابه
وحنا كلنا لأحمد جنودن = جنود الله في وادٍ رعى بـــه
دروع المملكة حنا وحنا = ليا دارت رحى حربٍ حرابه
إلى الجنة عسى مثواك فيها = رفيقٍ للأولى درب الصحابه
كذا الدنيا تذكرنا المآسي = مع الافراح تقلبها كآبـه

حسام الشعر

" نــــايف "
للاسم بحد ذاته هيبته
فكيف حين نعدد مآثره و نتحدث عن شخصيته رحمه الله

.. أخوي الحسام ..
صح الله لســــــــــــــــــــــــــــانك
أبيات مؤثره وفي الصميم
قمة في الروعه والجمال ماشاء الله عليك

تقبل مروري المتواضع أمام قصيده بهذا السمو
شكرا لك

..

حسااام

صح الله لسااانك

ابدعت يامبدع قصيده معبرره بالناايف رحمه الله ونور قبره

اشكرك على هذي القصيده دام بووووحك

...............

...

حيالله حسام الشعر


قصيدة تحمل بصمة حسام الشعر لاغير

وزن وقافيه وسبك وحبك ومعنى


ولا اقول الا بيض الله وجهك على هذه الجزالة وعلى هذا الشعور الجميل والنبيل

ورحم الله نايف وتغمده بواسع رحمته


...

مبدع ياحسام الشعر
واللي نكتبه قليل بحق المرحوم نايف
صح لسانك مليون ولايسدون على هذه الابيات الجزله
تكرراسم الرحيل للوعته وشدة تأثيره على النفس
واسم الراحل كثيرا لفقدنا الكبير له
لله درك عندما تكتب فحتما ستبدع
وحتما ستجعلنا نعيد القراءة مرة ومرة
شاعر تجول بمشاعرنا بين سطورك عادة
فتمتعنا كثيرا،فكيف بالمراثي وهي التي ستبكينا
وفي من ! في نايف بن عبدالعزيز ..
نسأل الله له الرحمه والمغفره وسكنى الفردوس
دمت اخي ودامت ايامك بكل خير وسعاده

:

:

قصيده رائعه

ابدعت يالحسام

صح لسانك وسلمت كلك يارب

الحسـام

صح السانك وبيض الله وجهك


والله يجبر عزانا اجمعين في فقيدنا وفقيد الامتين الاسلامية والعربية


الله يعطيك العافية

بسم الله الرحمن الرحيم

رحيل

السلام عليكم ورحمة الله وبركاته

صح بدنــك
وبيض الله وجهك
والف شكر على حضورك
اسعدني مرورك وردك الراقي
ورحم الله الامير نايف رحمة واسعــه


تقديري واحترامي


اخوك
حسام الشعر

بسم الله الرحمن الرحيم
خلف الجابري
السلام عليكم ورحمة الله وبركاته
صح بدنــك
وبيض الله وجهك
والف شكر على حضورك
اسعدني مرورك وردك الراقي
ورحم الله الامير نايف رحمة واسعــه
تقديري واحترامي
اخوك
حسام الشعر

بسم الله الرحمن الرحيم

وااااافي

السلام عليكم ورحمة الله وبركاته

صح بدنــك
وبيض الله وجهك
والف شكر على حضورك
اسعدني مرورك وردك الراقي
ورحم الله الامير نايف رحمة واسعــه


تقديري واحترامي


اخوك
حسام الشعر