الله يجـــازي من يسـوي سواتك= وبذنوب من سوى سواتك يجازيك
مشيت درب الثقــل وتحب ذاتــك = ماتدري انه للمهالك يوديك
وغرك جمالك ياخسارة حلاتك= ماتدري ان ماغير طبعك يحليك
بتقــول زينك يشفــع لسيئاتك= الحسن ماهو عن وفا الحب يعفيك
لو التواضع والوفا من سماتك= بعت الحبايب كلهم دين واشريك
لكن عجزت اغيــرك ياجراتك= عن الغياب بلا عذر ينجيك
خطاي في توضيح وشي غلاتك= وخطاك في توضيح وشو تغليك
خطاي في توضيح وشي غلاتك= وخطاك في توضيح وشو تغليك
وشلون توصيني وتنسى وصاتك= وتصد عن صوت تقطع يناديك
مافاتك التجريــح والعــذر فاتـك= وتبغــى رضاي والحين ماعــاد يمــديك
صحيح احبك بس هــذي جزاتك= بعلمك درس يفيدك ويحييك
تدري وش ابيض من خفوقك ؟!عباتك= وتدري وش اللي غرني !!نظرتي فيك
ادري بتستغرب تصّبــر وجاتك = قصيدة من واحد (كان يبغيك)
وتبغى تناظر وانت عايش مماتك= شف وحدتك والناس تجلس حواليك
وتبغى تشوف اشجع رجل في حياتك!؟= شفني وانا مقفي على كثر ما اغليك
وتبغى تشوف اشجع رجل في حياتك!؟= شفني وانا مقفي على كثر ما اغليك