موت الفتى بالمرهفات المحاديب**

أرواحنا لـ همـوم بقعاء معـازيب
** * *ومعـزب الاروآح قـبر و نصـايب

سبحان من يخفي عن العالم الغيب
**وخلى الوعد من نازع الروح غايب

كلن يسوق الرجل ويروح ويجيب
**احدن يجيك بـ سِلم واحدن نهايب

واحدن يجيب الفود والعز والطيب
** * * *واحدن يذله كل ما كان جايب

من لا ستر وجهـه عن الذل والعيب
**ما عاد يلقى لـ / ذل وجهـه طبايب

ومن لاحمى وجهه قبل طلعت الشيب
** محدن ايعوضه وجـه لا صار شايب

ولا صار ذكرك فوق روس المراقيب**
خلك على دربك ترى الدرب صايب

تصير بعيون النشـاما كما الذيب
**وفي عيون عدوانك عطيب الضرايب

موت الفتى بالمرهفات المحاديب** * *
اخير من حي مع الناس خايب. * * * *

ولي نفوسٍ ماتروم المـــــــــــواهيب*
ولي يدين(ن) ما تســــــــــد النوايب

عذر الردي ماكل من يجهد يـــصيب*
عودالحماطه كاسرته الهبـــــــــــايب

مايخلف الهقوه طوال الاشـــــــــانيب*
صحيح من قال المراجل وهـــــــايب

يربى على الشاهوق عكف المخاليب
والا الوطى يرباه بـــــــوم الخرايب

من راقب العالم يشوف التعـــــاجيب
ومن طاول الدنيا يشوف الغـــرايب

غير النبي محدً بليــــــــــــا عذاريب
وكل على الثاني سيوله جـــــــذايب

ماكامل الا وجه جـــــــزل التواهيب*
ولا رابح الا اللي من الـــــذنب تايب

كلٍ ذنوبه تغرق الكم والـــــــــــجيب
وكلٍ عليه من الليالي مصــــــــايب

ليه الحسد والغل والشك والــــــريب
وليه القطيعه واندلاع الحـــــــرايب

يولد الاحقاد شذب العــــــــــــراقيب
والحقد ســـــــــــــمٍ فالمعاليق ذايب!

شرارةٍ من ملحقين المشـــــــــــاهيب
من ناشته خلت ظلوعه حطــــــايب

يومون بالامواس مثل القصــــاصيب
ذنب(ن) يوقف منه قطر السحـــايب

لعل من يفرح بشيل المشــــــــــاعيب
ويصير في فرقا الرفاقه سبــــــــايب

تقطع عراويه من الرزق والصــــيب
ويموت ماتنظر عيونه حبــــــــــايب

وتصفى النفوس ويركـــدن المشاريب
لابه ذنب عقرب ولابه نشـــــــــايب

هذا بعض ماعلمتنا التجـــــــــــاريب
واللي من الايام جتني جــــــــــلايب

لاكامل الاوجه من يعلــــــــــم الغيب
ولارابح الا اللي من الــــــذنب تايب
:
أعجبتني كثيراً
وهالمره أثق في أنها ستنال على رضاكم
بحثت عن شاعرها وأظن انه خالد مدعث الدوسري
لقيتها بكذا رواية لكن حبيت هذي

..~
شمووعه ..~
كلمات في منتهى الجمال والروعه
ذائقه متميزه يعطيك العافيه
على هذا الآختيار الجميل
بـ إنتظار تميز آخر
تقدير لروحك ..~

أرواحنا لـ همـوم بقعاء معـازيب
** * *ومعـزب الاروآح قـبر و نصـايب

على قد علمي بأن الروح تصعد لباريها حال وفاة الشخص
ويكون .. معزب الأجساد قبر ونصايب

والله أعلم ...

صح لسان الشاعر

أبيات احتوت على ما يشبه الشرط وجواب الشرط

يسلم ذوقك شموووووووووعه

قصيده جميله وجزله ومعبره عن تجارب الشاعر وفيها من النصايح والحكم الشيء الكثير

الأستاذه المبدعه والمتألقه شموع الغربيه شكراً لك على طيب ذووقك وجمال أختيارك الرائــع

سلمت يمينك وسلمت ذائقتك وسلم روحك وبيض الله وجهك إيُتها الشامخه هذا ولك شكري وتقديري

ودمتي في حفظ الله ورعايته ســـــيـــــدتــــــــــي

	المشاركة الأصلية كتبت بواسطة شموع الغربية

	أعجبتني كثيراً وهالمره أثق في أنها ستنال على رضاكم

اشهد انها نالت رضاي واعجابي ومتأكد انها تنال عجاب كل من يعرف الشعر ويكتبه ويتذوقه..
شموع الغربيه تأكدي ان كل ماتنقلينه شي يتسحق النقل والقراءه ماشاء الله عليك اختيارك بالشعر عالي الجوده..

اشهد اني ارتويت شعر من خلال هذه القصيده الجزله اللي كل معاني الشعر فيها..

صح لسان شاعرها وناقلها ..وكلك صح ياشامخه رحم من رباك على الجزاله والعلوم الطيبه ..

لك وقفة احترام وتقدير ايتها الاميره وسلامي علييييك

	المشاركة الأصلية كتبت بواسطة غربة مشآآعر

	..~ شمووعه ..~ كلمات في منتهى الجمال والروعه ذائقه متميزه يعطيك العافيه على هذا الآختيار الجميل بـ إنتظار تميز آخر تقدير لروحك ..~

حياك ربي ياغروووووووبه
وماأجمل منها إلأ مرورك ياغلاي
منك التميز ياغروبة، يعافي روحها يارب
يسعدك ربي حبيبتي شرفتي ياغلاي،
شكرا لطيب مرورك ،دمت بكل خير عزيزتي

	المشاركة الأصلية كتبت بواسطة أبو خـ البجادي ـالد

	أرواحنا لـ همـوم بقعاء معـازيب ** * *ومعـزب الاروآح قـبر و نصـايب على قد علمي بأن الروح تصعد لباريها حال وفاة الشخص ويكون .. معزب الأجساد قبر ونصايب والله أعلم ... صح لسان الشاعر أبيات احتوت على ما يشبه الشرط وجواب الشرط يسلم ذوقك شموووووووووعه

حياك ربي شيخنا ابو خالد
أتفق معاك استاذي ،وتعليق في محله
وصح بدنك ،يسلمك ربي كلك شيخنا
شرفتني سيدي ،أفادني حضوورك وشرفني
لاحرمنا تواجدك،دمت بكل خير وسعادة

	المشاركة الأصلية كتبت بواسطة فتى الجميزه

	قصيده جميله وجزله ومعبره عن تجارب الشاعر وفيها من النصايح والحكم الشيء الكثير الأستاذه المبدعه والمتألقه شموع الغربيه شكراً لك على طيب ذووقك وجمال أختيارك الرائــع سلمت يمينك وسلمت ذائقتك وسلم روحك وبيض الله وجهك إيُتها الشامخه هذا ولك شكري وتقديري ودمتي في حفظ الله ورعايته ســـــيـــــدتــــــــــي

حي الله الاستاذ والأديب فتى
وماأجمل منها إلا مرورك استاذي
العفو، منك الذوق والشموخ وبحضورك الجمال
يسلمك ربي كلك، ووجهك أبيض سيدي
شرفتني بطيب مرورك ،لك شكري وتقديري
لاخلا ولاعدم،دمت بكل خير وسعادة

................

...

اختيار موفق
نالت على استحساني وكيف لا وهي من اختيار صاحبة الذوق الرفيع



ذوقك لايعلى عليه ياشموع


شكراً لذوقك الرفيع


كلك ذوق


...

من لا ستر وجهـه عن الذل والعيب
**ما عاد يلقى لـ / ذل وجهـه طبايب
○
○
جدا عجبتني رائعه يسلم انتقائك ولاهنت..
يعطيك الصحه والعافيه ماننحرم
لك خالص ودي..