& انا لامن نسيت الحمد قلى ويش اصلي به&

خطا منك تصدقنى ليا من قلت لك بنساك
انا وشلون أبنسى اللى طوال الوقت اهذريبه
انا منساك واللى خلقك وكملك وأنشاك
غريبه تسأل المشتاق وأنت القلب تدريبه
علامك ليه تجهل شعرى اللى لا زعلت ارضاك
علامك تجهله من عقب منت اللى تماريبه
تعال ان ماعجبك اللى كتبته تركه يفداك
تعال اجلس بعلمك بقصيد تو باديبه
لك الله لو سكبت الشعر فى كأس الغرام ارواك
يبكى عيونك الخدرات ولسانك يغنيبه
هلا بك يا هوى نفسى هلا حتى الهوى يهواك
اغار من الكلام اللى لياقلته يحوش شفاك
واغار من الهدب لا حب خدك يوم تغضيبه
واغار من الجدايل اللى ليامنه انطلق غطاك
احسده واعشقه محتار مدرى ويش اسويبه
عطاك الله اوصاف الجوارى كلها واغناك
اضنه لو يجى لك زين يوسف قلت مالى به
ابوك الله يبيحه جاد بأسمك يوم سماك
الا ياعين حر تدمى الصيدة مخاليبه
حبيبى خافقى ماراح لامنا ولا مناك
نده له سحر عينك قلت طاعة يا مطاليبه
الا واقلبى اللى كل ماتسرى سرى مسراك
ماغير الحزن فى صدرى ونبضة وانت غاديبه
حبيبى كل مامنك ضحكت ولوحت يمناك
اقول الله واكبر عاض قلبى ويش اجازيبه
خطاك انك تصدقنى ليامن قلتلك بنساك
وانا لا من نسيت الحمد قلي ويش اصلي به

للساعر سعود الفهد

قلب الاسد

قلب الأســـــد


اختيــــار رائــــــــع لقصيــــــدة اروع

تســلم اخـــــوي ... ويعطيك الف عافيه


كلك ذوووووووق





تحيـــــــــاتي