جتني رساله مرحبا بالرساله؟؟

[poet font="Simplified Arabic,5,silver,bold,normal" bkcolor="transparent" bkimage="backgrounds/3.gif" border="none,4,gray" type=2 line=200% align=center use=ex length=0 char="" num="0,black" filter=""]
جتني رساله مرحبا بالرساله"=" ومن يمكم يازين كل المراسيل

ارسالة ٍ فيها الوفا والجـــماله "=" قريت فيها من حسين التماثيل

سألت عنه ومقصدي وش جراله "="و ارسل يبين لي جميع التفاصيل

اعاتبه واقول وين انــــــــــت داله "=" لي فترة ٍ ما شفت منك المواصيل

بالشعر خاطبني ويشرح حواله "=" يقول انا ما اخفيك جاني بهاذيل

يشكي من الحمّا وهـــماً بداله"=" ويشكي زمان ٍ ما وراها محـــــاصيل

ويقول غيري شف زمانه صفاله"=" وانا زماني صايرن قدمي ابخيل

ثم يخبر انه جاهزات ٍ رحـــــاله "=" عنده سفر مستعجل الترف بلحيل

يبغى يقضي عطلته مع خواله "=" الله يجعل كـــل دربه تســــــاهيل

والله يحقق بالســــعاده اماله "=" ويعود سالم باللــــــــــيال المقابيل

وهني من قلبه من الحزن داله"=" مرتاح باله ماقعد يسهر الليل

هذا الحدث والسيف يختم مقاله"=" ومن القهر غنيت بأحلى المواويل


تخاريف ماقبل منتصف الليل

الســــــــــــــــيف يحيكم


[/poet]

أبو منذر

ابشرك سار عندنا وفد
وجاهة شكلّه (إختارهم )وافي الليلة

وابد يالحبيب تراهم جاهزين
وفد دائم العضوية

إذا ودك نقنع صاحب الرسالة يغير رأيه
ترى الوفد ما عنده مانع


رائع ياأبو منذر حتى عند الوداع

تحياتي يالحبيب

.........

....


مراااحب السيف

قصيدة قمة في الروعة

وقمة في الابدااع


الله يرد غاليك يابو منذر

ابدعت بحق
وكما هو الابداع معهود منك




تطوير !!
ياخوي تراك هلكتني
الآن وش لك بالسيف وبفزعة وافي !
يااخوي خل الناس اللي فازعين لي بحالهم
لاتحرجهم الله يرضى عليك
هم ماهم متفرغين للجهاد مع فلان وعلان !
الله يخليك
اترك السيف عنك وهو يدبر اموره :o


سلااام ...

تعلمت منك ومن الكثيرين طعم الكرز فى قصائد النبطى


لا شك فى أبداعك



أشكرك من القلب



أخوك عرندس

هلاااا ومرحبااااااا بالسيف

فرحنا يالسيف لفرحك ونشوتك
وذلك ظهر لنا في قصيدتك
فقد اطمأننت عليها

المحب دائما قلق ومشغول البال
على حبيبه ..

دعواتي لك براحة البال
وتحقيق المنى

السيف اسطر اعجابي
الشديد برائعتك هذه
والتي عبرت عن عمق
فرحك وحبك ....

تحيااااتي وتقديري

الاخ الغالي السيف

نعم سيف للكلمه والمعنى
سيف للعشق الرائع


سجل اعجاب العاصفه


تحيات


العاصفه

مراحب ابو منذر



الله يرد كل غالي لغاليه




صح لسانك اخوي على روعتك




والتي لا نستغربها عندما نعرف انك كاتبها







تحياتي وتقديري لك

شكلك طاب في تغريزة
الايام ذي ممكن نسحبك
ابشر جاك الونش
عموما ياعزيزي
قصيدة لاتأتي الامن السيف
ناصعة كلمعان السيف
قاطعة كحده
وهذا حال الدنيا ياسيف
مرة تعطي ومرة تمنع
عموما
نبغى الموال عالميجنا
ميجنا وياميجنا
السيف غرز
بدو يفزع ونشنا

السيف الحبيب
تقبل مداخلة اخوك
وترى هذي بس كفشات بسيطة
ترى باطلع لك اسم يلغي السيف
يصلح المغرز
يالله الجايات احسن من الرايحات
تحياتي ابو منذر

:D :D :D

الله يضحك سنك تطوير مثل ما ضحكتني

وياحبك يامنبع الطيب للفزعات

ومنك ماهي غريبه

لكن ياعزيزي الامر ما يحتاج وجاهه

مجرد انسان عزيز ويفرض احترامه على الجميع

وكافأناه بهذه الابيات المتواضعه.

الوافي

انت الابداع كله ياغالي

والقصيده مجرد توقيعك عليها

اعتبرها حققت كل النجاح

لكن ياغالي لا ادري لماذا القصيده فسّرت انها في محبوب

وهذا اجتهاد خالف الصواب من بعض الاخوان

والاجتهاد له اجره انشاء الله

كما تعلم ان اي انسان يحمل الخلق والادب وتسأل عن احواله

وتأتيك رساله او قصيده تترجم لك وضعه ويقدم عذره.

اظن يستوجب عليك الموقف الاخوي

ان تكأفأه بما يليق بمقامه

هذه مناسبة القصيده لا اكثر.



شكرا لك على تشريفك استاذي
اخوك الســــــــــــــــــيف