على طاري النجر ياشموع . . قصة طريفة :)

\

بموضوع لشموع جاء طاري النجر وتذكرت قصة كنت قرأتها وعدت للبحث عنها

تفضلوا



قصة منقولة
سؤال توجه للشاعر سلطان النحاوي الرشيدي
فروى لنا القصة والقصيدة
اترككم مع السؤال والاجابة من لسان شاعرنا

س : طيّب ودنا تعطينا يابو غانم قصيدتك وقصتها اللي في جارك اللي شكاك عند الشرطة ؟
هذا جار لي درس في إمريكا وتأثر بهم وعوّد من عندهم ومعه كلب الله يكرمك ويكرم القارئ مشتريه من إمريكا الشاهد إني استأجرت بيت قريب منه وبجنبنا مسجد المهم كنت إذا طلعت من المسجد أعزم جيراني للقهوة ويعزموني مثل مايتعازمون النشاما بينهم بين.
المهم الجار هذا إذا عزمته يصد مني ولا يكلمني لاهو باللي يدعي لي بالغناه ولاهو باللي يقلط للقهوة.
المهم أنا بنيت خيمة في حوش البيت ودايم نصلح قهوتنا فيها وتعرف النجر ودندنته له صوت مسموع وعاد صوت النجر بحد ذاته كيف عند هله .
المهم كان عندي ذاك اليوم نشاما يتقهوون إلا وجرس البيت يدق طلعت للباب إلا عند الباب عسكري من الشرطة اقلط ياولد قال : الله يسلمك أنا جايك أبيك تخاوينا للشرطة قلت : عسى ماخلاف قال : موضوع بسيط قلت : له لاحقك للمركز استأذنت من ضيوفي ورحت للشرطة إلا وذا جاري عند الظابط أنا شفته وقلت أكيد إنه صاير عليه خلاف سلامات ياجاري عسى ماشر ياجاري وهو مير يتصدد مني قال : لي الظابط يا سلطان جارك يبي كفالتك قلت : ايوالله بكفله قال تراه في مبلغ 75000 ريال قلت : هي عزوة وانا عند عزوتي قال : الظابط سلامتك ياسلطان جارك مشتكيك يقول : إنك مزعجه بناقوس عندك يقصد النجر قلت : هذا ماهو بناقوس الناقوس لليهود والنصارى لكن اسأله وش اللي عنده دام إنه يسمى النجر ناقوس .
قال : الظابط وش عندك يافلان قال : ماعندي شئ . قلت : إلا عنده كلب وديك وكلها مزعجتنا وحن حاشمينه لأنه جار قال : هذا كلب امريكي مشتريه بأربعة ألاف ريال والديك رومي مشتريه بألف ريال .
عاد قال : الظابط دام إن هذا علمك روّح يالنحاوي جعلك ماتشوف شر وجارك خل شغله عندي .
سويت لي بيوت في هالقصة ماعادني بلازم منها إلا أربعة بيوت.


أقول فيها :



يانجرنا من شان جاري هجرنـاك.......أخاف يزعل جارنا يوم يوحيـك
أخاف تزعل جارنا الصبح بعواك........حيثه ماهو من لابة تعتني فيـك
وجداه ياوجـداه يالـدور هـذاك.........يوم الرجل في مجلسه يفتخر فيك
ماهو بجارٍ يشتكيني ليـا اوحـاك.........سلط عليك الوقت ما اقشر بلاويك


هههههههههه

.


.


قهرررني الكلب راع الكلب

ههههههههههههههههههههههههههه
انغسل مخه <<<ي دافع البلا
أجل صوت النجر ناقوس،وماتحمل دنه
ومتحمل عواء الكلب وانتو بكرامه
حاشم جاره وصابر على اذاه وبالاخير شكاه
يامسوي خير شر لايجيك
قصة ممتعه وظريفة،اعجبتني
تسلم يمناك استاذي ،أسعدك الباري
لاعدمناك يارب،دمت بكل خير وسعادة

	انغسل مخه

عسى تنغسل جرته ابو كلب


لا عاد وتلاقينه بدوي من ظهر بدوي بس راح امريكا وجاي بصيدته يعني اني متحضر
ههههههههههههههه



شرفتي خيتووو


...

ههههههههههههههههههههههههههههههههههههههه
هههههههههههههههههههههههههههههههه

ياحول جاب لنفسه المصيبه ودراسته برا خلته ينسى وش يقال للنجر
وعلى قولك ياوافي شكله بدوي

جاره سعودي ومايعرف النجر!

والضابط قال خل شغله عندي!

مفارقتان عجيبتان
الأولى تظهر مفهوم المجايلة
والثانية تجاوز الضابط على اختصاص القضاء
تحياتي

ههههههههههههههههههههههههههههههههههههههههههه
ههههههههههههههههههههههههههههههههه
هههههههههههههههههههههههههههه



هذه نتيجة الابتعاث للخارج والدراسه على ايدي اليهود والنصارى واعداء المله
الرجال يتفاخرون بذبح الحيل وشبة النار وتقليط الدلال والفناجيل ودنة النجر
والبومه يرجع بكلب يربيه ويجلس معه ووراء ذلك يشكي جاره سود الله وجهه

استاذي وافي الوافي تسلم وبيض الله وجهك هيل عد السيل وقليله في حقك ياشيخ الرياجيل
على ايراد هذه القصه الجميله والجزيله ولشخصك الكريم اطيب واعذب تحياتي و امنياتي

	المشاركة الأصلية كتبت بواسطة ملكة الاحساس

	ههههههههههههههههههههههههههههههههههههههه هههههههههههههههههههههههههههههههه ياحول جاب لنفسه المصيبه ودراسته برا خلته ينسى وش يقال للنجر وعلى قولك ياوافي شكله بدوي

شفتي كيف ياملووكة

لمجرد فترة قضاها بالخارج اخذ تقاليدهم ونسي تقاليد بلده



شرفتي خيتوو


...

.................

...

محمد الشدوي


شرفت يامحمد


...

	المشاركة الأصلية كتبت بواسطة فتى الجميزه

	ههههههههههههههههههههههههههههههههههههههههههه ههههههههههههههههههههههههههههههههه هههههههههههههههههههههههههههه هذه نتيجة الابتعاث للخارج والدراسه على ايدي اليهود والنصارى واعداء المله الرجال يتفاخرون بذبح الحيل وشبة النار وتقليط الدلال والفناجيل ودنة النجر والبومه يرجع بكلب يربيه ويجلس معه ووراء ذلك يشكي جاره سود الله وجهه استاذي وافي الوافي تسلم وبيض الله وجهك هيل عد السيل وقليله في حقك ياشيخ الرياجيل على ايراد هذه القصه الجميله والجزيله ولشخصك الكريم اطيب واعذب تحياتي و امنياتي

هههههههههههه
احسس ودك تصفقه لين خدوده تصير مثل خدود صيدته

على رأيك
هذي آثار ونتائج معايشة الغرب
راح يدور الزود ورجع بنقص
ولاتستغرب ! واحد صديق طفولة رتربطنا به صداقة راح امريكا ورجع منتكس انتكاسة ترووع
وفي نقاش تطرقت لابن باز قال هذا كبيرهم الذي علمهم الــ ... والعياذ بالله
ولازال اذا تحدث او ناقشته قال في امريكا غير وبنظره امريكا هي اللي ماشيه بالطريق المستقيم

الله يعوض يافتى

مع الشكر لمداخلتك اللطيفة


...

يضحك أهبل


شكرًا على القصه