........ نحمد الله ......... (اهداء عام )

مراحب جميعااا

هذه قصيده للشاعر المبدع طلال السعيد وهي فوق الروعه ..وتعالج قضيه للحين ماقفلت ابوابها اتمنى تنال على اعجابكم




نحمد الله هذا الانجاز العظيم
انتهت كل المشاكل يافهيم
مابقى الى مشكله وحدة فقط
باقي الترشيح وتصويت الحريم
نبي الحرمه عضو في البرلمان
اش زودهم عنا هاذولا الامريكان
ليش ناقف حنا بوجه الزمان
الزعيمه اش فرقها عن الزعيم
وش زودهم حتى علينا الانجليز
حنا وياهم ترانا تيز تيز
لى متى هذا التخلف يالعزيز
مسس تاتشر مثلها مثل ام ريم
كل يوم من المرة نسمع عتاب
ليش مانسمح لها بالانتخاب
حلمهن اصبح سراب في سراب
وين راعي الفكر والرأي السليم
نبي الحرمه عضو بنت الحلال
ماعلينا من حكي قيل وقال
ليش مانعطي المرة حنا مجال
ونلعن الشيطان وابليس الرجيم
خلو نص المجتمع نص الحياة
تدخل المجلس دخول الفاتحات
لجل تلبس بشت وتقط العبات
لى متى عقل وتفكيرك قديم
يصبح المجلس مثل شاهي الضحى
والرجل يطبخ لنفسه لا صحى
دام لاتطبخ ولا تطحن رحى
لا ولا ترضع ولا تربي فطيم
لي متى هذا التخلف والجهل
ليش صارت مشكله حلها سهل
روح صوت انت وامك والاهل
خلها تمشي بخط مستقيم
ياجماعه مانبي الفرصه تفوت
افتحو بيبان ربات البيوت
ان تحقق حلمها ولا تموت
ارحمو يرحمكم رب رحيم
ليش سببتو لهل المراة الم
السياسه حلمها منذ القدم
فيه مهم وفيه في الدنيا اهم
دين ناقص عقل ناقص يا غشيم
سلم الجهال بيدين الخدم
وانت خلك بينهم مثل العلم
الغدى صمون مالازم لحم
يعني احسنلك اذا تسوى رجيم
ليش نهضم حق بدريه وسارة
ليش مانركض وراى ركب الحضارة
باكر تشوف المرة وسط الوزارة
تتوسط للمواطن والمقيم
وتتصدى لكل مشروع خطير
\وايضاً تدافع عن حقوق الفقير
مو بعيد العضوة تستجوب وزير
بس ماتستجوبه كانه وسيم
ولو فرضنا قسم الله ونجحت
وكل نسوان البلد معها فرحت
من يقول انها عقب هذا فلحت
حتى ولو كان كيدهم كيداً عظيم
عامها الاول قضى حمل وولادة
حملت عقب النجاح من القرادة
المواطن مالقى منها استفادة
من سببها يصفق الكف ويهيم
وعامها الثاني اجازة للامومة
ما معاها وقت والورعان كومة
العضو يرتاح وترتاح الحكومة
عام ماتسمع لها سين وجيم
وعامها الثالث قضى كله سواد
مات ابو العيال ودشت بالحداد
وش تسوي امر من رب العباد
عظم الله اجرها والله كريم
وعامها الرابع تبي تدور رجل
يومه المرحوم وافاه الاجل
توها صغيره وهو مات بعجل
يوم عنها مات عاشت في جحيم
خلو الحرمه تربي عيالها
بيتها هو شمسها وظلالها
المرة بالبيت تلقى حالها
مالنا ومال انتخابات الحريم


تقبلو تحيات اختكم في الله
بلسم الوجود

بسم الله الرحمن الرحيم

الوجود


خلو الحرمه تربي عيالها
بيتها هو شمسها وظلالها
المرة بالبيت تلقى حالها
مالنا ومال انتخابات الحريم



الف شكر اختي الفاضله على هذه المشاركه والاختيار الرائع

الحسام

الوجود
تسلمين على حسن اختيارك
وجمال ذوقك

مقصرتي

دائما اختياراتك مميزه

السيف

رااااااااااااااااااااااائعة ؛؛

رااااااااااااااااائعة ؛؛

يالوجود ؛؛

سلمت أناملك على هالنقل ؛؛

يعطيك العافية ؛؛

تحياتي ؛؛
,؛, جنــــــــــــــان ,؛,