عريس ..

وصلتني هالقصة بالبريد واعجبتني وجبتها لكم :





هذ1 واحدن توه معرس وخلصت الزفه وهل امور الي في القصر اخينا في الله شقل حرمته
وطمرو في السياره ودعس للقصيم يعني اهل العروسه في الرياض وهو ساكنن بالقصيم
والبنيه تستحي ومبرطمه طول الطريق الرجال يسولف وهي
الرجال يئس من البنت انها تحتسي قال يا ولد مابدهاشي شكلها مسجل وامسك الخط
في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم
عاد هي طمرت على المرتبه الي ورا عشان تنسدح عشان يخف عليها الوجع قالك توفر وقت الين
يوصلون محطه المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم من ببسي حق الطريق
هو كان وده يخذ له شريط لمحمد السليم عشان يسليه في الطريق بس
خبركم توه معرس وبايخه مشغل محمد السليم الناس تشغل عبد الحليم ولا ام كلثوم
البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
قالت ياولد بيمديني اطمر وخلص ورجع قبل لا يرجع هو من البقاله
المهم المسكينه راحت واخذت وقتها
اخينا في هل وقت قد رجع للسياره وعلى باله مرته في المرتبه الي ورا وخبركم عبايه سودا
واخر الليل ما انتبه انها مهيب في السياره
وشغل الموتر ودعس
البنيه المسيكينه طلعت وهي مرتحه انو نقص من وزنها كم من كيلووووو

وتناظر يا ولد وين السياره وتتلفت ما تشوف غير ابو هندل حق المحطه وابو يمن حق البقاله
عاد تخيلو الصدمه يوم عرفت انو زوجها دق سلف ومشى والبنت المسكينه حتى في نفسها مهيب
راضيه تصدق انو مشى جالسه تأمل انه يمكن راح منى ولا منى وبيرجع
شوي ما وعت الا هذ1ك الجمس الي مقبل يوم وقفو عند البقاله الي جنبها
وتقز الحريم الي في الجمس قالت زين عائله وتروح وترمي روحها على
الحرمه الي قدام وهي ام العيله وتقول لها خالتي انا داخله عليس وهذي قصتي والعجوز مسكت
راسه وقالت يابنيتي انتي تعرفين سيارت زوجس قالت ايه اعرفها
قالت قومي اطمري نلحق على زوجس
ويعبون بنزين ويدعسون وراه
واخينا في الله مريح وماشي بعد ما لقوه في الخط على بعد نص ساعه
عاد تخيل حبيب القارء انك على طريق القصيم و فجئه وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي

والجمس وراه داعس يحاول معه انه يوقف المهم الذهين الي يسوق الجمس عرف وش يسوي مار يولع
نورا لجمس الي في الداخل عشان العريس يشوف انو الي في الجمس عائله
وانتبه ومار يوقف قال وش عنده ذ1

ونزل وهو معصب
عاد من الي متوهق في هل موقف راعي الجمس يقول في نفسه وشلون اقولها له انه مرته معنا
يبي يجيبها بأسلوب تدريجي عشان العريس ما ينصدم خبركم مثل هل موقف وش بيقولون عنك اهل
العروسه اخذت بنتنا وضيعتها
ولله ان تلزق بوه السالفه طول عمره وهم العالم يتشمتون فيه
المهم راعي الجمس سلم وقال له اخوي ما تسنك مضيعن لك شي
قال له العريس لا ولله ما ضيعت شي
كال له تأكد
قال وشلون قال رح طل على موترك شف في شي ناقص لك
العريس قام يوسوس حتى المشكله مرته ما جت على باله
المهم راح ودخل خشته جوى الموتر وقال يا مره في شي طاح مننا وحنى في المحطه محد رد عليه
ويويق على ورا ويناظر مار تطير عيونه عمىىىىىىى وين راحت المره

ورجع لراعي الجمس وقال هات السالفه قال يا ولد مرتك لقيناها عند المحطه انا واهلي وقالت لنا انها
نزلت للتوليت وانت مشيت ولا دريت عنها عاد العريس كل انواع النفاضات نزلت عليه
تلعثم ولا قدر يحكي
المهم راعي الجمس راح وقال للعروسه يلا طسي لم زوجس شوفيه مخترع عليس
المهم العروسه ركبت مع زوجها في السياره وانطلق لسانه الي كان مربوط وقامت تتعذر له
وتقول لا تزعل مني انا كنت مستحيه اني اقولك اني طول الخط وانا حسرانه
وانت مشاءالله عليك ركبت الموتر وانطلقت
هههههههههه عاد انقلب الوضع صار العريس هو الي مبرطم
طول الطريق والعروسه الي قاعده تبربر ما بقى الا انها هي التسوق
عشان اخينا في الله مرتاع من الي صار










وبس







من منكم صارله موقف مشابه؟

"""""

:D:D
سبحاااااان مغيّر الاحوال
ههههههههه

قصه جميله وموووووقف
لايحسدون عليه الاثنين

تسلمين يانجلالاء

|||

بس عندي سؤؤال لو سمحتي:o
اممممممممممممم

وش معنى شقل حرمته؟


|13|

||
والله يعطيك العااافيه

""

السيف

	كاتب الرسالة الأصلية : الســــيف """"" :D:D بس عندي سؤؤال لو سمحتي:o اممممممممممممم وش معنى شقل حرمته؟ السيف

:D:D:D:D

أخوي السيف إسأل بنت البحرين :D:D:D



نجوووووله

صراحه عريس وعروسه كلهم يبيلهم طق

أجل عريس ويمسك خط طويل في ليلة زواجه .. والله لو انه راعي تاكسي مايسويها :D

ما حده الله الفنادق تارسه البلد

يريّح ذيك الليله .. ويعيش ليلته في جو رومانسي وهادي واذا اصبح وعين من الله خير

ذيك الساعه يروح للي يبي :D:D

والعرووسه بعد هالخبله تنزل في هالمكان بدون ماتعلم زوجها !! .. مع العلم انها عارفه ان زوجها في باله انها نايمه يعني ماراح يجيب خبرها


بس سلم لي على راع الجمس ... نشمي

ههههههههههههههه

لا بجد قصة رووعة :D

عريس دلخ ومرته مثله !!!

كلك ذوق على القصة

يعطيك العافية

تقبلي تحياتي ..

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه


اما موقف يموت من الضحك

يسلموووووووووو نجلاء

زهرة بنفسج.

ههههههههههههههههههههههههه

هههههههههههههههههه هههههههههههه هههههههه ههه هه ه اما عرسان سمعنا وسلمنا ولاحول ولاقوة الا بالله اقول نجوووووول تبين بعد يصير لنا موقف لا انشاء الله

هههههههههههههههههههههههههههههه
هههههههههههههههههههههه
ههههههههههههه

وافق شن طبقه
:D:D

بسم الله الرحمن الرحيم

نجلاء فيصل

السلام عليكم ورحمة الله وبركاته

الله يعطيك العافيه على هذه القصه
الف شكر على اختيارك

تقديري واحترامي

الحسام