أنت غير مسجل في منتديات الوئام . للتسجيل الرجاء إضغط هنـا

صائد الفرص للأسهم الأمريكية والاوبشن 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتديات الترفيهية >  ||ترفيه وَمسآبقآت

 ||ترفيه وَمسآبقآت مَرَح ، تسلية ، مسابقات ، فعاليات .. الخ

إضافة رد
 
أدوات الموضوع
قديم 25 / 05 / 2002, 03 : 04 PM   #1
بقاياالأمل 
عضو شرف

 


+ رقم العضوية » 1986
+ تاريخ التسجيل » 29 / 01 / 2002

+ الجنسْ »

+ الإقآمـہ »

+ مَجموع المشَارگات » 416
+ معَدل التقييمْ » 10
شكراً: 0
تم شكره 0 مرة في 0 مشاركة

بقاياالأمل غير متواجد حالياً

افتراضي && خدمات جديده و ممتازه و مميزه؟؟؟؟&&

الآن

المفاجاة المذهله




مكتب ( المصرقعين ) للزواجات


يا طويلين العمر مكتبنا هذا يستقبل طلبات العرس ، يعني اللي يبي يعرس ومستحي يقول لأمه تخطب له لا يتردد ويرسل لنا الطلب مع
المقادير التاليه:

اولا: صوره الخشه:

ابيض واسود للسعوديين عشان الفضايح ، وملونه لغير السعوديين عشان لون العيون والشعر ، ايه عاد تروشوا قبل ماتصورون نبي نشم ريحة الصابون في الصوره

بالنسبه للبنات: كدوا ذا الشوش قبل ماتصورون عشان ما تجونا بعدين تقولون ليش محد يبينا ، ولا مانع من لط الجص على الوجه لإخفاء آثار الحفر البركانيه الظاهر على بشراتكن ، ويفضل استخدام الفير لتهبيط الشوشه عشان مانضطر ناخذ مقاس صوره اكبر لأظهار الشوشه باكملها

اما العيال: عاد لاتطقون لنا ذا اللطمه اذا جيتوا تصورون ، يعني مهوب عيب يكون خشمك متسدح على ذا الخدود وماخذ راحته ولا منحرف عن موقعه الاصلي تسعين درجه جنوبن ولا براطمك تصير مثل براطم عتاب .. الوضوح اهم شي عشان البنت اللي بتقابل ذا الخشم والبراطم طول عمرها <<-- الله يرحمها



.ثانيا: صورة من بطاقة الاحوال للبنات، والتابعيه للعيال

ضرورى جدا الوثائق الرسميه للطرفين (اجل هي الدعوه لعب) ولغير السعوديين نكتفي بالاقامه بس مهوب تصير منتهيه .. اما اللي في الخارج فقريبا بنفتتح فروع دوليه جنبكم



ثالثا: معلومات عنك

مثلا: طولك ، محيطك ، كثافتك ، عدد شعيرات راسك (هذا ان كان بو شعر اصلن )، خشمك كم متر؟ ، كم ضرس عندك محشي وكم ضرس مقلوع وكم ضرس مسوس ، والبنات يضاف لهم لون الركب والكوع



رابعا: شهادة حسن ( حسن ولا محمد ) سيره وسلوك مصدقه من الهيئه واثبات من المطار بانك ماقد تعديت حدود ديرتك

هذي لازم عليها عشر اختام مصدقه ولازم بعد ترسل لنا معروض تحلف فيه بالله انك ماقد حبيت ولا قد كلمت ولا بنت ولا غازلت ابد .



خامسا: وش بعد

الظاهر مابقى شي ماقلناه
_____________
من بريدي مع كثيييييييييييييييييييير من التصرف وانتظروني مابعد خلص الموضوع :D

  رد مع اقتباس
قديم 25 / 05 / 2002, 07 : 04 PM   #2
بقاياالأمل 
عضو شرف

 


+ رقم العضوية » 1986
+ تاريخ التسجيل » 29 / 01 / 2002

+ الجنسْ »

+ الإقآمـہ »

+ مَجموع المشَارگات » 416
+ معَدل التقييمْ » 10
شكراً: 0
تم شكره 0 مرة في 0 مشاركة

بقاياالأمل غير متواجد حالياً

افتراضي

بتلقون بعض الطلبات اللي وصلتنا عن طريق وسائل الاتصال الخاصه فينا <<-- شخصيات ، اللي عاد اعجبه واحد او وحدتن منهم فماعليه الا يقول هذي هي اللي ابيها ولا امها

رقم الطلب: هذا يستاهل صفرين على هالخشه السنعه

اسمر حليوه ( امحق حلاوه )، معصقل ويلقبوني بالمسواك لطول كراعيني ، رومنسي مرره واقدر الحياة الزوجيه مرره (ايه طيب ) ،ابي زوجه تعرف تطبخ مرقوق مثل مرقوق امي ، وتعرف تلف سنبوسه مثل ذيك السنبوسة المثلثه حقت رمضان ،وياريت بعد لو تصير تشبه ( .... )
بس على ملامح خليجيه (هاااه ) وشكرن

-----------------------------

رقم الطلب: الخرخير دوت كوم

بنيه سعوديه ، حنطية اللون ، عمري ثلاث وعشرين سنه واربع شهور ونص يوم ، فيه اثر فلقتن قديمتن في راسي يوم اخوى يكمخن بحصاة وحنا صغار(علامه فارقه ) طولي ميه وربع ، يقولون اني اشبه ( .... ) بس انا اقول انها تخسي لأني احلى منه ( يقولون مداح نفسها ... )، ودي برجلن ينقلن من وظيفتن بالخرخير، وذا مابوه فواحدن يسكنن فيها اقرب لي من هالمشاوير ( عرس مصلحه ) وسلامتكم

-------------------------------------

رقم الطلب: هذي بنتركها عليكم .. وش الرقم اللي تستاهله ؟

فتاة عربيه ، شقراء (صبغه)، بيضا لهبا (مكياج)، زرقا العيون (عدسات) ، رشيقة القوام ( ايه هين لو تشوفون صورتها ) ، عمري شي 35 سنه ( تجميل وشد)بتمنى اتجوز شاب خليجي عمرو فوق العشرين سنه ، مو مهم كيف يكون شكلو .. المهم يكون جيبو عمران <<-- لا تعليق .

-----------------------------------

رقم الطلب: ذي تستاهل رقم كشخه - مشرفه

فتاة سعودية الجنسيه ، عمري 28عام ، اشتغل مشرفه في وحدتن من المنتديات <<-- تنفع واسطه ، سمرا بس مانيب حلوه مره لأن كلي ملح يكب ، ودي اعرس على مشرف من نفس الفصيله علشان نجيب مشرفين صغار يمسكون المنتدى اذا عجزنا ( ياهي نشبه ) ومايخالف لو اصير انا حرمته الثانيه او الثالثه ، وش بعد .. ايه يقدس الحياة الزوجيه وبس

----------------------------------------

رقم الطلب: كل الارقام العربيه والفرنسيه

شاب سعودي ،العب ملاكمه على خفيف بس اكثر شي احب العب بلوت مع الشباب ، معرس وودي اعرس على الثانيه ، ماهنا وقت اقعد احتسي فيه عن مواصفاتي الزينه ، بس ابي اقول اني ودي بحرمتن سنعه ، تعاون حرمتي الاوله على الذبايح والمفاطيح ، وابيها موظفه وراتبها واجد علشان تصرف علي ، ولامانع لو معها مرسدس ( حدك ونيت ويخب عليك ) .. عاد اقصرو الهرج ولا تبطون علينا .. اخلصوا :D :D

  رد مع اقتباس
قديم 25 / 05 / 2002, 08 : 04 PM   #3
بقاياالأمل 
عضو شرف

 


+ رقم العضوية » 1986
+ تاريخ التسجيل » 29 / 01 / 2002

+ الجنسْ »

+ الإقآمـہ »

+ مَجموع المشَارگات » 416
+ معَدل التقييمْ » 10
شكراً: 0
تم شكره 0 مرة في 0 مشاركة

بقاياالأمل غير متواجد حالياً

افتراضي

~~~ جــــدار الاعــلانــات الـتـجـاريـه ~~~

المكتب لا يتحمل اي مسؤوليه عن اي شي ، مهوب باتسر لين تطلقتوا تقولون كله منكم ترا مالنا دخل .. انتم اللي اخترتوا

<<-- اللي هذا اوله ينعاف تاليه

عرض خاص ولمده قصيره .. اعرس على وحده وخذ ثلاث مجانا .. اسرع فالكميه محدوده ،، لاتتردد واتصل الان ، واذا وجدت الخطوط مشغوله فحاول مرتن ثانيه


بشاره للعجازين :
قريبن بنفتح ملحق لنا جنب كل بيت علشان ماتكلفون على انفسكم وتجون لمقرنا الرئيسي :D

  رد مع اقتباس
قديم 25 / 05 / 2002, 08 : 04 PM   #4
بقاياالأمل 
عضو شرف

 


+ رقم العضوية » 1986
+ تاريخ التسجيل » 29 / 01 / 2002

+ الجنسْ »

+ الإقآمـہ »

+ مَجموع المشَارگات » 416
+ معَدل التقييمْ » 10
شكراً: 0
تم شكره 0 مرة في 0 مشاركة

بقاياالأمل غير متواجد حالياً

افتراضي

~~~ بـــريــــد الـــقــــراء ~~~

~*~الاخ صادين خاء
صورتك ذي اللي انت مرسلها ماتنفع ، تبي المكتب يقفل من اولها ، اذا ودك حنا نتبرع لك بفلوس عملية تصلح فيها ذا الحول .. ثمن راجعنا


~*~الاخت عذاب وجروح ودموع حزينه
نحنو لا نتحمل اي مسؤوليه .. دامتس شفتيه وعرفتي انه مهوب اطخم على كلامه وشوله اعرستي عليه ؟ ، الله يعينتس على اللي طاح في كبدتس


~*~ الاخ قناص الضبان
غلطان في العنوان الله يسلمك .. بيتزا هوط هي البقاله اللي جنبنا ، حنا مانوصل طلبات للمنازل ، لازم تجي انت تقدم اوراقك نقره لعرض الصورة في صفحة مستقلة

  رد مع اقتباس
قديم 25 / 05 / 2002, 13 : 07 PM   #5
ملجلج 
عضو شرف

 


+ رقم العضوية » 445
+ تاريخ التسجيل » 16 / 06 / 2001

+ الجنسْ »

+ الإقآمـہ »

+ مَجموع المشَارگات » 6,094
+ معَدل التقييمْ » 549
شكراً: 0
تم شكره 0 مرة في 0 مشاركة

ملجلج غير متواجد حالياً

افتراضي

:D :D :D :D

:D :D :D :D

:D :D :D :D


الله يسعدك اختي بقايا الأمل ,.,.,


بصراحة بصراحة ,.,


عاشقة البحر و افتر و سمير ودهم يقدمون على المكتب بس مستحين ,.,

و انا اتكلم بالنيابة عنهم ,.,


فياليت تختارين لهم شئ على ذوقك ,.,

و شكرا مقدما ,.,

 

  رد مع اقتباس
قديم 26 / 05 / 2002, 14 : 11 AM   #6
بقاياالأمل 
عضو شرف

 


+ رقم العضوية » 1986
+ تاريخ التسجيل » 29 / 01 / 2002

+ الجنسْ »

+ الإقآمـہ »

+ مَجموع المشَارگات » 416
+ معَدل التقييمْ » 10
شكراً: 0
تم شكره 0 مرة في 0 مشاركة

بقاياالأمل غير متواجد حالياً

افتراضي

هلا ملجلج


الله يحييكم كلكم انت واياهم

:D :D يا انا بعد ابختار لكم شي ماحصل :D


بس مالي دخل ماعندنا لااسترجاع ولاتبديل واحتسبوا .:D

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فساتين مميزه لفتاه مميزه كاتيوشا15   مجلس عائلتي 2 16 / 11 / 2009 42 : 02 PM
خدمات جديده سوف تقدم من الاتصالات.... انا اول من ينشر الخبر... الفيـــصـل  Mobile - iPhone - Blackberry - Android 1 20 / 12 / 2002 02 : 12 AM
طريقه ممتازه تخسر فيها صديقك ساهر الليل  || اوْرآق مُلَوَنة .. 4 13 / 05 / 2001 39 : 09 PM


الساعة الآن 47 : 11 AM بتوقيت السعودية


Powered by vBulletin® Copyright ©2000 - 2024, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]