نصيحة للنساء هذه الأيام...

أحبتي...
مسائكم صباحكم رضى وإيمان وسعادة..
هذه قصيدة من نظم والدتي حفظها الله عبارة عن نصيحة لكل أمرأة..
وإن شاء الله تستفيدوا منها وتنال على إعجابكم وأنتظر تعليقكم وردودكم الله يحفظكم ويرضى عليكم..

وإليكم القصيدة..

نصيحة إلى امرأة

ابي انصحكن ياخوات..... من امهات وبنات
اقتصدي بالمصروفات.....ونقول الي فات مات
لا صار عند الوحدة حفلة..... زواج أو تخريج لطفلة
راحت قالت لرجله قوم ..... أبروح للسوق اليوم
وابشتري أحلى تيور....وأغلى الذهب والعطور
تكفى يابو فلان لاتزعل.... تراي أبحتاج للمشغل
يسرحون شعري ويمكيجوني.... ويحطون الكحل بعيوني
والرجل الله يرحم حاله .... عساه يصرف على عياله
في جيبه تلقى الراتب يطير..... وهو ماسدد الفواتير
يا ختي البسي من الدولاب.... الي ماينصك له باب
هذي فساتين وذي تيورات.... وبلايز وتنورات
المكياج ملي الدروج... هذي حمرة وهذا روج
والعطر ملي التسريحة ..... من أغلى صنف واحلى ريحة
بس ابنصحك يامليحة.... عند الطلعة لا تحطين ريحة
تسلمين من المحذور... ومن الفتنة والفضيحة
قالت هذا فستاني مشيوف... وتيوري بحفلة نوف
أبي ألفت الأنظار... قلت ياساتر ياستار
وقالت لي أنتي قديمه... اللبس ذا يعطينا قيمه
قلت القيمه بالعمل الصالح..... وطاعة ربي يام صالح
كفانا اهتمام بالمظهر... نبي نهتم شوي بالجوهر
ونستعد ليوم المحشر..... الي ماعنه مفر
الله يجمعنا بالجنة ..... بعد مانقوم بالفرض والسنة
والصلاة أحلى ختام.... وعلى نبينا السلام

وسلاااااامتكم

أخي ابو عبدالعزيز أسعد الله مساك وصباحك وبعد فأني اشكرك على هذه النصيحه الجيده والمفيده وصح لسان أمك الله يعطيها العافيه وعسى النساء يلحقن على هذه النصيحه ويستفدن منها والنصيحه تشراء بأغلى الأثمان مثل ماقال الشاعر
ولقد نصحتك أن قبلتُ نصيحتي ______________والنَصحُ أغلى مايباعُ ويوهبُ
فشكراً لك وشكراً لأمك وسلمت يداك

شكرا اخوي ابو عبد العزيز وصح لسان الوالده على النصيحه

الله لايحرمك منها وسلملي على الوالده

..

ماشاء الله اجل حتى انت شاعر يابا عبد العزيز.

حفظ الله والدتك والله يكثر من امثالها ويرزقها الجنه.

وصح كلها.اييه عسى بنياتنا يعتبروون

جعلك سالم يابعدي
والله يعطيك العاافيه

سلم ناقلها لنا ،وسلمت والدتنا وصح لسانها وبدنها
الف شكر وقبله على رأسها،الله يحفظها ويسعدها
نصحت فاجادت ،باركها المولى ،وأدامها لكم باباً يوصلكم الى الجنه
عوااافي اخي...

صح لسانها أخوي أبو عبد العزيز ..

والله يديمها لكم بصحه وعافيه ..

ويرزقكم طاعتها وبرها ..

لكم مني جزيل الشكر ..

حوور ..

العفووو
شكرا لمروركم أحبتي

أبوعبدالعزيز

سلمت يداك اخوي على ماخطته

وصح لسان الوالدة الله يخليك لها ويخليها لك

الله يعطك العافية

الله يعااافيك
شكرا لمرورك

بوس راس امك وقول ربي يرفعك في عليين على روعة النصح وعسسسى بعض الحريم ينعضون بس..
.
ربي يسعد ايامك ياابو عبدالعزيز..