اقتباس:
المشاركة الأصلية كتبت بواسطة عبدالمحسن الحربي
البارحـة يومـن كـل نـام وآوى للسبـات = أنا عيونـي طـاردة عنهـا سفيـر رقادهـا
أليا طرالي قتل صهيـون النفـوس الآمنـات = حتى أمة الإسلام ما تطـرد سفيـر بلادهـا
غزة تحت نار العدو في الصبح وألا فالمبـات = وحنا نشوف مسلسلات مهنّـد اللـي جادهـا
راحت لميس وجت لميس وصار فيها مناقشات = اللي يسمي بسمها واللي شـرى مـن كادهـا
وإخواننا في غزة اللي مات واللي لـو مـات = أهون عليه من الحياة اللـي دموعـه زادهـا
طبولهم صوت المدافع مـع دوي الطائـرات = وصوت إنفجارات القنابل بالمنـازل زادهـا
وألحان أغانيهم من الحسرة صياح الأمهـات = صوت أُمهـاتٍ فاقـدة فلـذة وروح أكبادهـا
وطفلٍ فقد حضن أمه الدافئ ويديها الدافيـات = بعد الأمان اللي يحسـه مـن حنـان فؤادهـا
يقتل شيوخ وغيرهم شبان وأطفـال وبنـات = وعجائزٍ ماتـت سعادتهـا بمـوت أولادهـا
إليا اسمعوا صوت المدافع كلهم راحو شتـات = اللي سلم واللي قضت نفسه وجـاء ميعادهـا
أعداد جرحاهم أُلوف أعـداد موتاهـم مئـات = لكن راحت هدر من قـدر حسـاب أعدادهـا
يا أمة الإسلام ليش الذلّـة وليـش السكـات = إلى متى بنصيـر صيـدة للعـدو يصطادهـا
من بعد ما كنا نشيل السيف في كل الجهـات = اليـوم صـار الـذل فينـا عـادةٍ نعتادهـا
يا أمة الإسلام ليـش المـوت قـدام الممـات = الموت واحـد كـل نفـسٍ داخلـة بلحادهـا
ذروة سنام الدين ماغيـره خيـار الا الحيـاة = اللي علينا عـار لكـن مـن يقـود جهادهـا
لكن لاتطلب نصر وأنتـه مقصـر بالصـلاة = الدين مثل البيـت يبنـى والصـلاة عمادهـا
لازم نغيّـر حالنـا ونزيـل كـل المنكـرات = حتـى يغيّـر حالنـا المولـى بفـك قيادهـا
والبارحـة يومـن كـل نـام وآوى للسبـات = أنا عيونـي طـاردة عنهـا سفيـر رقادهـا
|
هلا بعبد المحسن هلا بالابداع هلا بمطول الغيبه
هلابك ملايين اخوي"
جزل
ياشعر
جزل ياعبد المحسن
اخوي شاعر ومبدع وشهادتي فيك مجروحه
ومن حق الشعر ان يفتخر بك
وفعلا الموضوع اللي طرقت لايطرق ابوابه الا شاعر متمكن
مثل اخوي "عبد المحسن الحربي"
صح لسانك ملايين ولايكفوووون
وسجل اعجابي وتقبل تحياتي